Daniel 8:3 - An Bibel Kernewek 20234 (Kernewek Kemmyn)

³ My a dhrehevis ow dewlagas ha mires; hag ottena unn hordh ow sevel war lann an dowrgleudh. Dew gorn a'n jevo, hir aga dew, mes an eyl o hirra ages y gila, ha'n korn hirra a dheuth yn-bann diwettha.

Daniel 8:3 Iomraidhean Croise

1 Kroniklys 21:16

Davydh a dhrehevis y dhewlagas ha gweles el an Arloedh ow sevel yntra nor ha nev, hag yn y leuv kledha noeth ystynnys yn-mes war Yerusalem. Y'n eur na Davydh ha'n henavogyon, gwiskys yn yskar, a goedhas war aga fas.

Ezra 1:2

‘Yndellma y lever Kyrus myghtern Persia: An Arloedh Duw nev, re ros dhymm oll ruvanethow an norvys; hag ev re erghis dhymm drehevel dhodho chi yn Yerusalem, usi yn Yuda.

Ezra 4:5

Hag i a falswobras kusulyadoryon er aga fynn, dhe lesta aga thowl, der oll dydhyow Kyrus myghtern Persia, bys yn reyn Darius myghtern Persia.

Ester 1:3

yn tressa blydhen y reyn, ev a wrug kevewi rag y bennsevigyon ha'y wesyon oll; hag yth esa a-ragdho nerth Persia ha Media, ugheloryon ha gwahalyethow an rannvroyow.

Ysay 13:17

Otta, my a dhifun an Medys er aga fynn, na wrons vri a arghans, ha ny hwansons owr.

Ysay 21:2

Gwelesigeth asper yw disklerys dhymm; an traytour a drayt, an gwastyer a wast. Yskynn, Elam, gwra esedhva, Media; my a wrug dhe oll hy hanasow hedhi.

Ysay 44:28

neb a gews a Kyrus, ‘Ow bugel yw ev, hag ev a gollenow ow forpos oll’; ow leverel a-dro dhe Yerusalem, ‘Bedhes dastrehevys’, hag a-dro dhe'n tempel, ‘Bedhes hy selven desedhys yn y le.’

Yeremia 51:11

Lymmewgh an sethow! Lenwewgh an goenyow! An Arloedh re dhrehevis spyrys myghternedh an Medys, rag y dowl a-dro dhe Babylon yw hy distrui, rag henn yw dial an Arloedh, dial rag y dempel.

Daniel 10:5

y trehevis ow dewlagas, ha mires, hag otta unn gour gwiskys yn lien, y dhiwglun grogysys gans owr pur a Ufaz.

Daniel 2:39

War dha lergh y hwra sevel ruvaneth arall, isella agesos, hag arall, tressa ruvaneth a vrons, hag a rewl oll an norvys.

Daniel 5:31

ha Darius an Med a dhegemmeras an ruvaneth, hag ev a-dro dhe dhew vloedh ha tri-ugens.

Daniel 6:28

Ytho an Daniel ma a sewenis yn-dann reyn Darius ha reyn Kyrus an Persian.

Daniel 7:5

Hag ottena best arall, an nessa, kepar hag ors. Omdhrehevys veu war unn denewen, hag yn y anow ynter y dhyns yth esa teyr asenn; hag i a leveris dhodho, ‘Sav yn-bann; deber meur a gig.’

Daniel 8:2

Ha my a welas y'n welesigeth, ha my ow mires, yth esen yn Shushan an bennsita, hag usi yn rannvro Elam. Ha my a welas y'n welesigeth, ow bos ryb an dowrgleudh Ulay.

Daniel 8:20

An hordh dewgornek a welsys yw myghternedh Media ha Persia.

Zekaria 1:18

Ena my a dhrehevis ow dewlagas ha mires, hag awotta peswar korn.

Zekaria 2:1

My a dhrehevis ow dewlagas arta ha mires, hag awotta gour gans kordenn-vusura yn y leuv.

Zekaria 5:1

Arta my a dhrehevis ow dewlagas ha mires, hag awotta rol-skrifa esa ow nija.

Zekaria 5:5

Ena an el esa ow kewsel orthiv eth yn-mes ha leverel dhymm, ‘Drehav dha dhewlagas ha gwel an pyth usi ow tos yn-mes.’

Zekaria 5:9

Ena my a dhrehevis ow dewlagas ha mires, hag awotta diw venyn esa ow mos yn-mes, gans gwyns yn aga eskelli; rag y feu dhedha eskelli avel eskelli hwibon, hag i a dhrehevis an efa yntra nor ha nev.

Zekaria 6:1

Arta my a dhrehevis ow dewlagas ha mires, hag awotta peswar charett a dheuth yn-mes dhiworth an bolgh yntra dew venydh, ha'n menydhyow a veu menydhyow a vrons!

Niverow 24:2

Ha Balaam a dhrehevis y dhewlagas, ha gweles Ysrael ow kampya, loeth ryb loeth. Ha Spyrys Duw a dheuth warnodho,

Yoshua 5:13

Pan esa Yoshua ryb Yeriko, ev a dhrehevis y dhewlagas ha gweles gour ow sevel a-dheragdho gans y gledha tennys yn y dhorn. Yoshua eth dhodho ha leverel dhodho, ‘Osta ragon ni po rag agan eskerens?’

Diskwedhyans 13:11

Ha my a welas ken best owth yskynna yn-mes a'n dor; hag yth esa dhodho dew gorn kepar hag oen, hag yth esa ow kewsel kepar ha dragon.

Diskwedhyans 5:6

Ha my a welas yn mysk an tron ha'n peswar kreatur bew, hag yn mysk an henavogyon, y sevi Oen kepar ha pan ve ledhys, gans seyth korn ha seyth lagas, yw seyth Spyrys Duw dannvenys yn-rag yn oll an norvys.