Daniel 8:25 - An Bibel Kernewek 20234 (Kernewek Kemmyn)

²⁵ Der y felder ev a wra dhe doell seweni der y dhorn; balgh vydh yn y golonn. Heb gwarnyans y hwra distrui meur a dus; erbynn Pryns an brynsys y sev; y fydh terrys, mes ny vydh dre leuv den.

Daniel 8:25 Iomraidhean Croise

Job 34:20

I a verow yn pols, yn kres an nos; shakys yw an bobel hag i dremen dhe-ves, ha kemmerys dhe-ves yw an alloesogyon heb leuv densys.

Yeremia 48:26

Gwrewgh dhodho bos medhow, drefenn ev dhe omvoghhe erbynn an Arloedh; gesewgh Moab dhe omlagenna yn y hwyj y honan; hag ev ynwedh a vydh ges.

Kynvannow 4:6

Brassa yw kessydhyans myrgh ow fobel ages an kessydhyans rag pegh Sodom, a veu domhwelys yn unn lamm, kyn na veu leuv vyth gorrys warnedhi.

Daniel 11:12

Pan vo an ost na kemmerys dhe-ves, y golonn a vydh ughelhes, hag ev a wra dhe dheg-milyow koedha, mes ny wra ev tryghi.

Daniel 11:45

Ev a worr tyldow y balys ynter an moryow, ha menydh sans an splannder. Mes ev a dheu dh'y dhiwedh, heb denvyth orth y weres.

Daniel 7:26

An vreuslys a wra esedha, ha'y vestrynses a vydh kemmerys dhe-ves, rag bos treghys ha distruys bys y'n diwedh.

Daniel 7:8

Ha my ow prederi a-dro dhe'n kern, otta, y sevis yn aga mysk onan moy, onan byghan, ha tri a'n kern kynsa a veu diwreydhys a-ragdho; hag otta, y'n korn ma lagasow avel lagasow tus, ha ganow ow leverel taklow meur.

Daniel 8:11

Ev a vostyas erbynn pryns an lu, ha dhiworto y feu kemmerys dhe-ves an offrynn pub-dydhyek, hag y feu domhwelys y dyller sans.

Daniel 9:25

Godhvydh ytho ha konvedhes: a-dhia dhyllans an ger rag daswul ha dastrehevel Yerusalem bys devedhyans an pryns untys, y fydh seyth seythunweyth; ha dre dhiw seythun ha tri-ugens y fydh dastrehevys gans plenys ha gans pollgleudh, mes yn prys a ankres.

Oberow 12:23

Hware el an Arloedh a'n gweskis, drefenn na ros ev an gordhyans dhe Dhuw, ha devorys gans pryves ev a verwis.

2 Thessalonianys 2:3

Na wres denvyth agas toella yn fordh vytholl; rag ny yll an jydh na dos mar ny dheu an nagh kyns oll, ha'n den dilagha yw diskwedhys, mab an diswrians,

2 Thessalonianys 2:8

Hag ena an den dilagha a vydh diskudhys, neb a wra an Arloedh Yesu y dhistrui gans anall y anow, ha'y dhiswul dre diskwedhyans y dhevedhyans,

Diskwedhyans 17:14

An re ma a wra gwerrya erbynn an Oen, ha'n Oen a wra aga thryghi: drefenn y vos Arloedh arlydhi, ha Myghtern myghternedh, ha'n re usi ganso yw gelwys, ha dewisys, ha len.’

Diskwedhyans 19:16

Ha war y vantell ha war y vordhos, hanow yw skrifys: Myghtern myghternedh, hag Arloedh arlydhi.