Daniel 8:21 - An Bibel Kernewek 20234 (Kernewek Kemmyn)

²¹ An bogh blewek yw myghtern Pow Grek, ha'n korn bras ynter y dhewlagas yw an kynsa myghtern.

Daniel 8:21 Iomraidhean Croise

Daniel 10:20

Hag y leveris ev, ‘A wodhes prag re dheuth dhis? Lemmyn y tehwelav rag omladh erbynn pryns Persia; ha pan vydhav gyllys, otta, y teu pryns Pow Grek.

Daniel 11:2

‘Ha lemmyn y tispletyav dhis an gwiryonedh. Otta, y hwra tri myghtern moy sevel yn Persia, hag y fydh an peswora moy rych yn feur agessa i oll; ha pan vydh ev galloesek der y rychys, y hwra ev dhe beub difuna erbynn an ruvaneth Grek.

Daniel 11:3

Ena myghtern galloesek a sev, neb a wra rewlya gans galloes meur, ow kul herwydh y vodh.

Daniel 2:39

War dha lergh y hwra sevel ruvaneth arall, isella agesos, hag arall, tressa ruvaneth a vrons, hag a rewl oll an norvys.

Daniel 7:6

Wosa henna my a viras, hag ottena onan arall, kepar ha lewpard, ha war y geyn peder askell edhen; peswar penn a'n jevo an best ma ha galloes dhe rewlya a veu res dhodho.

Daniel 8:20

An hordh dewgornek a welsys yw myghternedh Media ha Persia.

Daniel 8:22

An korn a veu terrys, hag yn y le y sevis peswar korn arall, yw peder ruvaneth hag a wra sevel a'y genedhel, mes heb y alloes.

Zekaria 9:13

My a wra plegya Yuda avel gwarak ha gorra Efraym ynni avel seth. My a dhifun dha vebyon, A Sion, erbynn dha vebyon, A Bow Grek, ha my re'th wrug avel kledha kasor.