Daniel 8:11 - An Bibel Kernewek 20234 (Kernewek Kemmyn)

¹¹ Ev a vostyas erbynn pryns an lu, ha dhiworto y feu kemmerys dhe-ves an offrynn pub-dydhyek, hag y feu domhwelys y dyller sans.

Daniel 8:11 Iomraidhean Croise

Ysay 37:23

Piw a wrussys y skonya ha'y gabla, ha piw y trehevsys dha lev er y bynn, ha drehevel dha dhewlagas yn-bann? Erbynn Sans Ysrael!

Ysay 37:29

Rag ty dhe gonneri er ow fynn ha'th valghder dhe dhos dhe'm diwskovarn, my a worr ow hig y'th troen, ha'm genva y'th tiwweus, ha my a wra dhis dehweles war an fordh may teuthys warnedhi.

Yeremia 48:26

Gwrewgh dhodho bos medhow, drefenn ev dhe omvoghhe erbynn an Arloedh; gesewgh Moab dhe omlagenna yn y hwyj y honan; hag ev ynwedh a vydh ges.

Yeremia 48:42

Moab a vydh distruys ma na vydh pobel na fella, drefenn ev dhe omvoghhe erbynn an Arloedh.

Ezekiel 46:14

Ty a brovi offrynn greun ganso pub myttin, unn hweghves rann a efa, hag unn tressa rann a hin a oyl rag glybya an bleus fin, avel offrynn greun dhe'n Arloedh, avel ordenans bys vykken.

Daniel 11:22

Luyow a vydh skubys dhe-ves a-ragdho gans liv, hag a vydh terrys, ha hembrenkyas an kevambos keffrys.

Daniel 11:31

Luyow dannvenys ganso a wra defola an tempel ha'n ger, defendya dhe-ves an offrynn pub-dydhyek hag yn y le gorra pyth kasadow an difeythter.

Daniel 12:11

A-dhia'n prys may fydh kemmerys dhe-ves an offrynn pub-dydhyek, bys yn devedhyans pyth kasadow an difeythter, y fydh dewdhek kans deg dydh ha peswar-ugens.

Daniel 5:23

mes ty a omughelhas erbynn Arloedh an nevow. Lestri y ji re beu dres a-ragos, ha ty ha'th arlydhi, dha wragedh, ha'th iswragedh re evas gwin dhiworta; ha ty re wormolas an duwow a arghans hag owr, brons, horn, prenn ha men, neb na welons na klewes na godhvos; mes an Duw mayth usi dha anall yn y dhorn, hag oll dha hynsyow, ny wrussys y enora.

Daniel 7:25

Ev a lever geryow erbynn an Ughella ha tormentya syns an Ughella, ha gwaytyas chanjya an sesonyow ha'n lagha. Hag i a vydh res yn y dhorn bys termyn, ha termynyow, ha hanter termyn.

Daniel 8:12

Ha dhe'n lu y feu res an charj war an offrynn pub-dydhyek, drefenn an treuspass; ev a dewlis an wiryonedh dhe'n dor. Ev a oberis, hag a sewenis.

Daniel 8:24

Y alloes a wra krevhe, mes ny vydh der y nerth y honan. Marthys y hwra ev distrui, ha seweni yn pypynag a wrello. Ev a wra distrui an re grev ha pobel an syns.

Daniel 8:25

Der y felder ev a wra dhe doell seweni der y dhorn; balgh vydh yn y golonn. Heb gwarnyans y hwra distrui meur a dus; erbynn Pryns an brynsys y sev; y fydh terrys, mes ny vydh dre leuv den.

Daniel 9:25

Godhvydh ytho ha konvedhes: a-dhia dhyllans an ger rag daswul ha dastrehevel Yerusalem bys devedhyans an pryns untys, y fydh seyth seythunweyth; ha dre dhiw seythun ha tri-ugens y fydh dastrehevys gans plenys ha gans pollgleudh, mes yn prys a ankres.

Niverow 28:3

Ha ty a lever dhedha, Hemm yw offrynn dre dan hag a offrynnowgh dhe'n Arloedh: dew oen unn bloedh heb namm, dydh ha dydh, avel offrynn pub-dydhyek.

Luk 21:24

i a goedh dre vin an kledha hag a vydh kemmerys yn keth dhe oll an kenedhlow, ha Yerusalem a vydh trettys yn-dann dreys an Jentilys, bys pan vo termynyow an Jentilys kowlwrys.

2 Thessalonianys 2:4

neb a omsett hag omdhrehevel a-ugh pup-tra yw henwys Duw, po yw gordhys, mayth esedh yn tempel Duw, ow teklarya ev y honan dhe vos Duw.

Ebrowyon 2:10

Rag yth o gwiw ev, mayth usi pup-tra yn few ragdho ha dredho, ow tri lies mab dhe glori, dhe wul awtour aga selwyans perfydh dre wodhevel.

Diskwedhyans 17:14

An re ma a wra gwerrya erbynn an Oen, ha'n Oen a wra aga thryghi: drefenn y vos Arloedh arlydhi, ha Myghtern myghternedh, ha'n re usi ganso yw gelwys, ha dewisys, ha len.’