Daniel 7:8 - An Bibel Kernewek 20234 (Kernewek Kemmyn)

⁸ Ha my ow prederi a-dro dhe'n kern, otta, y sevis yn aga mysk onan moy, onan byghan, ha tri a'n kern kynsa a veu diwreydhys a-ragdho; hag otta, y'n korn ma lagasow avel lagasow tus, ha ganow ow leverel taklow meur.

Daniel 7:8 Iomraidhean Croise

Salmow 12:3

An Arloedh a dregh oll gweusyow fekyl, an taves hag a lever bostow bras,

Daniel 11:36

‘Ha'n myghtern a wra herwydh y vodh; ev a omughelha hag omvostya a-ugh pub duw, ha leverel taklow euthyk erbynn Duw an duwow. Ev a sewen bys may fydh kowlwrys an sorr, rag an pyth apoyntys a vydh gwrys.

Daniel 7:19

Ena my a vynnas godhvos an gwiryonedh a-dro dhe'n peswora best, hag o dihaval dhe'n re erell, euthyk dres eghenn gans y dhyns a horn ha'y ewines a vrons, hag a dhybris an remenant, ha'y derri, ha'y stankya gans y dhewdroes;

2 Thessalonianys 2:4

neb a omsett hag omdhrehevel a-ugh pup-tra yw henwys Duw, po yw gordhys, mayth esedh yn tempel Duw, ow teklarya ev y honan dhe vos Duw.

2 Timothi 3:2

rag tus a vydh omgaroryon, karoryon mona, goethus, ughel aga fenn, ow tespitya tus erell, diwostydh orth kerens, heb godhvos gras, ansans,

2 Peder 2:18

Rag ow kewsel gans bostyans euver, i a dhyn gans drokhwansow direwl an kig an re na dhiank skant dhiworth an dus a vew yn maner bodrek.

Lyther Yud 1:16

An re ma yw grolyogyon grodhek, omres dh'aga flesours aga honan, ha'ga ganow yw leun a vostyans, ow favera tus rag gwayn.

Diskwedhyans 13:1

Ha my a welas best ow trehevel yn-mes a'n mor, ha ganso deg korn ha seyth penn ha deg diadem war y gern, ha hanow blasfemi war y bennow.

Diskwedhyans 9:7

Ha semlans an lokustes o kepar ha mergh parys dhe gas, hag yth esa semlans kurunyow owrek war aga fennow, ha'ga fas o haval dhe fas den,

1 Samuel 2:3

Na gewsewgh prest namoy mar brout, na wres balghder dos a-dhiworth agas ganow; rag an Arloedh yw Duw a skians, ha ganso gwriansow yw poesys.