Daniel 7:5 - An Bibel Kernewek 20234 (Kernewek Kemmyn)

⁵ Hag ottena best arall, an nessa, kepar hag ors. Omdhrehevys veu war unn denewen, hag yn y anow ynter y dhyns yth esa teyr asenn; hag i a leveris dhodho, ‘Sav yn-bann; deber meur a gig.’

Daniel 7:5 Iomraidhean Croise

2 Myghternedh 2:24

Ev a dreylyas a-dro ha mires orta ha'ga milliga yn hanow an Arloedh. Hag y teuth diw orses mes a'n koes ha skwardya dew flogh ha dew-ugens anedha.

Lavarow Koth 17:12

Gwell yw dyerbynna orses ledrys hy orsigow, kyns foll yn y follneth.

Ysay 56:9

Oll hwi bestes an gwel, oll hwi miles y'n gwylvos, dewgh dhe dhybri.

Daniel 11:2

‘Ha lemmyn y tispletyav dhis an gwiryonedh. Otta, y hwra tri myghtern moy sevel yn Persia, hag y fydh an peswora moy rych yn feur agessa i oll; ha pan vydh ev galloesek der y rychys, y hwra ev dhe beub difuna erbynn an ruvaneth Grek.

Daniel 2:39

War dha lergh y hwra sevel ruvaneth arall, isella agesos, hag arall, tressa ruvaneth a vrons, hag a rewl oll an norvys.

Daniel 5:28

peres, dha ruvaneth yw rynnys ha res dhe'n Medys ha dhe'n Persianys.’

Daniel 7:4

An kynsa o kepar ha lew, hag a'n jevo eskelli er. Ha my ow mires, y dhiwaskell a veu dibluvys, hag y feu sevys dhiwar an dor ha gorrys dhe sevel war y dhewdroes avel den; ha kolonn den a veu res dhodho.

Daniel 7:6

Wosa henna my a viras, hag ottena onan arall, kepar ha lewpard, ha war y geyn peder askell edhen; peswar penn a'n jevo an best ma ha galloes dhe rewlya a veu res dhodho.

Hosea 13:8

My a dheu er aga fynn avel orses a gollas hy helyn, ha skwardya aga holonn mes a'ga brest, hag ena my a's devor avel lewes; goedhvil a wra aga frega.

Diskwedhyans 13:2

Ha'n best a welis o kepar ha lewpard, ha'y bawyow kepar ha pawyow ors, ha'y vin kepar ha min lew, ha'n dhragon a ros dhodho hy nerth, ha'y thron, ha galloes meur.