Daniel 7:25 - An Bibel Kernewek 20234 (Kernewek Kemmyn)

²⁵ Ev a lever geryow erbynn an Ughella ha tormentya syns an Ughella, ha gwaytyas chanjya an sesonyow ha'n lagha. Hag i a vydh res yn y dhorn bys termyn, ha termynyow, ha hanter termyn.

Daniel 7:25 Iomraidhean Croise

Ysay 37:23

Piw a wrussys y skonya ha'y gabla, ha piw y trehevsys dha lev er y bynn, ha drehevel dha dhewlagas yn-bann? Erbynn Sans Ysrael!

Daniel 11:28

Ev a wra dehweles dh'y vro gans pythow bras, mes y fydh y golonn treylys erbynn an kevambos sans; ev a wra kowlwul y vodh ha dehweles dh'y vro.

Daniel 12:7

Hag y klewis an gour gwiskys yn lien esa a-ugh dowrow an avon; ev a dhrehevis y dhorn dhyghow ha'y dhorn gledh war-tu ha'n nevow, hag ev a dos ti re Dhuw a vew bys vykken: ‘Wosa oes, dew oes ha hanter oes, pan vydh kowlwrys shyndyans nerth an bobel sans, oll an taklow ma a vydh kewerys.’

Daniel 2:21

Ev a dreyl an prysyow ha'n sesonyow; ev a remov myghternedh ha sevel myghternedh; ev a ro furneth dhe'n re fur, ha godhvos dhe'n re a woer konvedhes.

Daniel 3:26

[93] Ena Nebukadnessar a dheuth nes dhe daras an fornes a dan ow flammya, ha leverel: ‘A Shadrak, Meshak hag Abednego, hwi servysi a Dhuw Ughella, dewgh yn-mes, ha dewgh omma!’ Ena Shadrak, Meshak hag Abednego a dheuth yn-mes a gres an tan.

Daniel 4:17

Der ordenans an woelysi yw an vreus, ha dre gows an syns yw an ervirans, rag may konvettho an re vew bos an Ughella rewler yn gwlaskor mab-den; hag ev a's re dhe'n neb a vynn, hag a sett warnedhi an isella a dus.”

Daniel 4:2

Da yw genev diskwedhes an toknys ha'n anethow re wrug Duw Ughella ragov.

Daniel 4:25

may fi fesys pell dhiworth tus, ha'th annedh a vydh gans bestes gwyls, gwrys dhe dhybri gwels avel oghen, ha glybys gans gluth an nevow. Warnas y tremen seyth seson, bys pan gonvedhydh bos an Ughella rewler yn gwlaskor mab-den, hag y's re dhe neb a vynno.

Daniel 4:32

hag i a'th fes pell dhiworth tus, ha'th annedh a vydh gans an bestes gwyls, hag i a'th wra dhe dhybri gwels avel oghen; warnas y tremen seyth seson bys pan wodhvydhydh bos an Ughella rewler yn gwlaskor mab-den, hag ev a's re dhe neb a vynno.’

Daniel 7:18

mes syns an Ughella a dhegemmer an wlaskor, hag i a bew an wlaskor bys vykken ha bynnari.’

Daniel 7:20

hag a-dro dhe'n deg korn war y benn, ha'n korn arall hag a sevis hag a-ragdho y koedhas tri anedha; an korn esa dhodho lagasow ha ganow a leveri taklow meur, neb a heveli bos brassa ages an re erell.

Daniel 7:8

Ha my ow prederi a-dro dhe'n kern, otta, y sevis yn aga mysk onan moy, onan byghan, ha tri a'n kern kynsa a veu diwreydhys a-ragdho; hag otta, y'n korn ma lagasow avel lagasow tus, ha ganow ow leverel taklow meur.

Daniel 8:11

Ev a vostyas erbynn pryns an lu, ha dhiworto y feu kemmerys dhe-ves an offrynn pub-dydhyek, hag y feu domhwelys y dyller sans.

Daniel 8:14

Hag y leveris dhodho, ‘Dre dhiw vil ha trihans androweyth ha myttinweyth; ena y fydh an tyller sans daskorrys yn y studh ewn.’

Daniel 8:9

Ha dhiworth onan anedha y teuth yn-mes korn byghan, a devis dres eghenn war-tu ha'n dhyghowbarth, war-tu ha'n howldrehevel, ha war-tu ha'n tir splann.

Daniel 9:27

Ha fastya ambos a wra ev gans lies der unn seythun; mes yn kres an seythun na y hwra ev dhe sakrifis hag offrynn hedhi; hag y'n tempel y fydh pyth kasadow an difeythter bys may fo an diwedh ordenys diverys war an distruer.’

Hosea 7:16

Treylya a wrons – a-der war-vann; avel gwarak lows yns i. Aga fennsevigyon a goedh der an kledha drefenn anvri aga thaves. Yndella tus a wra ges anedha yn gwlas Ejyp.

2 Thessalonianys 2:3

Na wres denvyth agas toella yn fordh vytholl; rag ny yll an jydh na dos mar ny dheu an nagh kyns oll, ha'n den dilagha yw diskwedhys, mab an diswrians,

2 Thessalonianys 2:4

neb a omsett hag omdhrehevel a-ugh pup-tra yw henwys Duw, po yw gordhys, mayth esedh yn tempel Duw, ow teklarya ev y honan dhe vos Duw.

2 Thessalonianys 2:8

Hag ena an den dilagha a vydh diskudhys, neb a wra an Arloedh Yesu y dhistrui gans anall y anow, ha'y dhiswul dre diskwedhyans y dhevedhyans,

Diskwedhyans 12:14

Ha dhe'n venyn y feu res diwaskell an er bras may halla nija a-bervedh y'n gwylvos, bys yn hy thyller mayth yw megys ena termyn ha termynyow ha hanter termyn, dhiworth fas an sarf.

Diskwedhyans 12:6

Ha'n venyn a fias dhe'n gwylvos, le may ma dhedhi tyller parys gans Duw, ma's makkens hi ena mil dew kans ha tri-ugens a dhydhyow.

Diskwedhyans 14:12

Ottomma perthyans an syns, neb a with gorhemmynnow Duw, ha fydh Yesu.

Diskwedhyans 16:6

Rag i a skoellyas goes an syns ha'n brofoesi, ha ty re ros dhedha goes dhe eva. Gwiw yns i a henna!’

Diskwedhyans 17:6

Ha my a welas an venyn, medhow der woes an syns ha dre woes mertheryon Yesu. Ha marth meur dres eghenn a veu genev pan y's gwelis.

Diskwedhyans 18:24

Hag ynni hi y feu kevys goes profoesi ha syns, hag oll an re a veu ledhys war an nor.’