Daniel 7:18 - An Bibel Kernewek 20234 (Kernewek Kemmyn)

¹⁸ mes syns an Ughella a dhegemmer an wlaskor, hag i a bew an wlaskor bys vykken ha bynnari.’

Daniel 7:18 Iomraidhean Croise

Salmow 45:16

Dha vebyon a vydh yn le dha dasow; ty a's gwra pennternedh war oll an nor.

Salmow 49:14

Avel deves ymons i gorrys yn ifarn; ankow a's bugel, ha'n re ewnhynsek a wra maystri warnedha y'n myttin. i a dhiyskynn dison dhe'n bedh. Aga furv a beder y ifarn; pell dhiworth aga chiow ughel.

Ysay 14:2

Poblow a's kemmer ha'ga dri dh'aga thyller aga honan. Chi Ysrael a's erit yn tir an Arloedh avel kethyon ha kethesow. I a wra dhe'n re a's kemmeras yn kethneth bos aga hethyon i, hag i a rewl an re a's arwaskas.

Daniel 7:14

Ha dhodho y feu res mestrynses, hag enor ha myghternsys; hag oll an poblow, kenedhlow ha tavosow a'n servyas. Y vestrynses yw mestrynses a dhur bys vykken a ny dremen dhe-ves, ha'y ruvaneth ny vydh distruys.

Daniel 7:17

‘An bestes bras ma, peswar aga niver, a styr peswar myghtern neb a wra sevel a'n dor;

Daniel 7:22

bys pan dheuth an Koth a'n dydhyow, may feu breus res dhe syns an Ughella, ha'n prys devedhys may hwrug an syns degemmeres an wlaskor.

Daniel 7:25

Ev a lever geryow erbynn an Ughella ha tormentya syns an Ughella, ha gwaytyas chanjya an sesonyow ha'n lagha. Hag i a vydh res yn y dhorn bys termyn, ha termynyow, ha hanter termyn.

Daniel 7:27

Ha'n wlaskor ha'n mestrynses ha meuredh an gwlaskordhow yn-dann oll an nev a vydh res dhe bobel syns an Ughella. Y wlaskor a vydh gwlaskor a dhur bys vykken, hag oll an rewloryon a wra y servya hag orto bos gostydh.’

Obadia 1:17

Mes war venydh Sion y fydh remenant a'n re a dhienk, hag y fydh tyller sans. Ha chi Yakob a dhaskemmer eretons an dus a gemmersa aga eretons i.

Luk 1:33

ha reynya a wra war ji Yakob bynitha; ha dh'y vyghternsys ny vydh diwedh.’

1 Korinthianys 6:2

A ny wodhowgh hwi y hwra an syns breusi an bys? Ha mars yw an bys dhe vos breusys genowgh hwi, owgh hwi anwiw dhe vreusi maters byghan?

Efesianys 1:3

Benniges re bo Duw ha Tas agan Arloedh Yesu Krist, neb re'gan bennigas gans pub bennath spyrysel y'n tylleryow nevek yn Krist,

Efesianys 6:12

rag nyns yw agan kas erbynn goes ha kig, mes erbynn prynsipatys, erbynn potestatys, erbynn rewloryon an bys tewl ma, erbynn luyow spyrysel a dhroktra y'n tylleryow nevek.

Diskwedhyans 20:4

Ha my a welas tronys, hag yth esa owth esedha warnedha an re a veu grontys breus dhedha; ha my a welas an enevow a neb re bia dibennys rag dustuni Yesu, ha rag ger Duw, na wrussa gordhya an best, na'y imaj, ha na wrussa degemmeres an merk war aga thal na'ga diwla, hag i a vewas ha reynya gans Krist mil vlydhen.

Diskwedhyans 22:5

Ha ny vydh nos namoy; ha nyns eus edhomm a wolow lugarn po golow howl; drefenn an Arloedh Duw dhe wolowi warnedha: hag i a wra reynya trank heb worfenn.

Diskwedhyans 3:21

Neb a fettho, my a wront dhodho esedha genev war ow thron, kepar dell fethis vy ynwedh, hag esedha gans ow Thas war y dron.

Diskwedhyans 5:10

ha ty a's gwrug gwlaskor hag oferysi dh'agan Duw, hag i a wra reynya war an norvys.’