Daniel 7:15 - An Bibel Kernewek 20234 (Kernewek Kemmyn)

¹⁵ Ha my, Daniel, o prederus ow spyrys ynnov, ha gwelesigethow ow fenn a'm trobla.

Daniel 7:15 Iomraidhean Croise

Jenesis 41:8

Ha myttin, troblys veu y spyrys, hag ev a dhannvonas ha gelwel oll an goelyogyon a Ejyp hag oll hy thus fur, ha Faro a dherivas y hunros dhedha, mes nyns esa denvyth a wodhva aga styrya dhe Faro.

Yeremia 17:16

Mes my, ny fistenis a vones bugel dhe'th siwya, na ny hwensis dydh an anfeusi; ty a woer: an pyth a dheuth a'm diwweus a veu a-rag dha wolok.

Daniel 10:16

Hag otta, onan haval dhe vab-den a dochyas ow diwweus; hag my a igoras ow ganow ha kewsel. Dhodho ev neb esa ow sevel a-ragov y leveris, ‘Ow arloedh, drefenn an welesigeth re dheuth gloesow warnav, ha ny'm beus nerth namoy.

Daniel 2:1

Y'n nessa blydhen a reyn Nebukadnessar, Nebukadnessar a'n jeva hunrosow; ha'y spyrys a veu troblys, ha'y gosk a'n gasas.

Daniel 2:3

Ha'n myghtern a leveris dhedha: ‘Hunros a'm beu, ha troblys yw ow spyrys rag konvedhes an hunros.’

Daniel 4:19

Ena Daniel, henwys Belteshassar, a veu skruthys pols, ha'y brederow a'n ownhas. An myghtern a worthybis ow leverel, ‘A Belteshassar, na vydh ownhes gans an hunros ha'y styr.’ Belteshassar a worthybis ow leverel, ‘Ow arloedh, re bo an hunros rag an re a'th kas, ha'y styr rag dha eskerens!

Daniel 4:5

Hunros a welis hag a wrug own dhymm; prederow war ow gweli ha gwelesigethow ow fenn a'm euthega.

Daniel 7:1

Y'n kynsa blydhen a Belshassar myghtern Babylon, Daniel a welas Daniel hunros ha gwelesigethow yn y benn, hag ev a'y wrowedh yn y weli. Ena ev a skrifas an hunros, ha derivas an mater yn kott.

Daniel 7:28

Ottomma diwedh an mater. My, Daniel, o troblys yn fen gans ow frederow, ha'm liw a janjyas, mes my a withas an dra y'm brys.

Daniel 8:2

Ha my a welas y'n welesigeth, ha my ow mires, yth esen yn Shushan an bennsita, hag usi yn rannvro Elam. Ha my a welas y'n welesigeth, ow bos ryb an dowrgleudh Ulay.

Daniel 8:27

Ha my, Daniel, a glamderas, hag o klav dre nebes dydhyow; ena my a sevis ha gul negys an myghtern. Mes skruth a'm kemmeras drefenn an welesigeth, o dres konvedhes.

Habakkuk 3:16

My a woslowas ha'm torr a grenas; orth an son ow diwweus a dremblas, podredhes a dheu y'm eskern ha'm diwarr a dhegren yn-dannov. Yn kosel my a worta dydh an ahwer dhe dhos war bobel a omsett er agan pynn.

2 Peder 1:14

ow kodhvos my dhe worra dhe-ves yn skon ow thylda dell dhiskwedhas dhymm dhe wir agan Arloedh Yesu Krist,