Daniel 7:13 - An Bibel Kernewek 20234 (Kernewek Kemmyn)

¹³ My a welas yn gwelesigethow an nos, ottena yn mysk kommol an nev yth esa onan avel Mab an den ow tos; ev a dheuth bys y'n Koth a'n dydhyow hag i a'n hembronkas yn y ogas.

Daniel 7:13 Iomraidhean Croise

Salmow 110:2

An Arloedh a dhyllo gwelenn dha nerth yn-mes a Sion. Rewl ty yn mysk dha eskerens.

Salmow 2:8

Govynn orthiv, ha my a re dhis an kenedhlow y'th ertach, ha pennow pella an nor y'th perghennogeth.

Salmow 47:5

Duw re yskynnas gans garm lowender, an Arloedh gans lev an trompa.

Yeremia 49:19

Otta, avel lew ow tos a-dhiworth kaswydh an Yordan erbynn peurva a dhur der an vlydhen, a-dhesempis my a's chas yn-mes anedhi. Piw yw an den dewisys a apoyntyav rag hemma? Rag piw yw haval dhymm? Piw a yll ow gelwel dhe ri akont? Piw yw an bugel a yll sevel er ow fynn?

Ezekiel 1:26

A-ugh an fyrmament esa a-ugh aga fennow yth esa hevelep men saffir, an hevelep a dron; ha war hevelep an tron yth esa an hevelep a dhen a-ughti.

Daniel 2:44

Hag yn dydhyow an vyghternedh ma, y hwra Duw an nevow drehevel gwlaskor na vydh nevra diswrys, ha ny vydh hy myghternsys gesys dhe gen bobel. Hi a wra terri dhe demmyn ha distrui oll an ruvanethow ma, ha pesya bys vykken.

Daniel 7:12

Dhiworth remenant an bestes y feu aga mestrynses kemmerys dhe-ves, mes aga bewnans a veu hirhes dre dermyn ha seson.

Daniel 7:2

Daniel a leveris: My a welas y'm gwelesigeth y'n nos, hag ottena an peswar gwyns a nev ow kul freudh y'n mor bras;

Daniel 7:22

bys pan dheuth an Koth a'n dydhyow, may feu breus res dhe syns an Ughella, ha'n prys devedhys may hwrug an syns degemmeres an wlaskor.

Daniel 7:9

Ha my ow mires, yth esa tronys settys yn-bann, ha'n Koth a'n dydhyow a esedhas; kann avel an ergh o y wisk, ha'y wols avel gwlan glan; flammow tan o y dron ha dhodho rosow a dan ow tewi.

Daniel 8:15

Pan welsen vy, Daniel, an welesigeth, my a hwilas hy honvedhes; hag otta, y sevis dheragov onan ha dhodho semlans gour.

Matthew 13:41

Mab an den a vynn dyllo y eledh hag i a guntell yn-mes a'y wlaskor pub acheson a drebuchya, ha'n re a wra anlaghedh,

Matthew 24:30

Hag ena yth omdhiskwa tokyn Mab an den yn nev, hag ena pub loeth a'n bys a wra kyni, hag i a wel “Mab an den ow tos war gommol an nev” gans galloes ha golewder meur;

Matthew 25:31

‘Ha Mab an den pan dheu yn y wolewder, hag oll an eledh ganso, ena yth esedh war dron y wolewder.

Matthew 26:64

Yesu a leveris dhodho, ‘Ty re'n leveris; mes hwath yn-medhav dhywgh, Wosa hemma, hwi a wel Mab an den esedhys a'n barth dhyghow dhe'n galloes hag ow tos war gommol an nev.’

Matthew 28:18

Ha Yesu a dheuth, ha kewsel dhedha, ow leverel, ‘Pub galloes yn nev ha war an nor re beu res dhymm.

Matthew 8:20

Hag yn-medh Yesu dhodho, ‘Dhe'n lewern yma tell, ha neythow dhe ydhyn an ayr, mes dhe Vab an den nyns eus le may hyll powes y benn ynno.’

Mark 13:26

Hag ena i a wel Mab an den ow tos y'n kommol gans meur alloes ha golewder.

Luk 21:27

Hag ena i a wel Mab an den ow tos yn kommolenn gans nerth ha golewder meur.

Luk 21:36

Bedhewgh hewoel pup-prys, ow pysi may fo dhywgh nerth dhe fia dhiworth pup-tra eus ow tegynsiwa, ha dhe sevel a-rag Mab an den.’

Luk 24:27

Hag ow talleth gans Moyses hag oll an brofoesi ev a styryas dhedha pup-tra esa a-dro dhodho y honan yn oll an skryptors.

Yowann 12:34

Ytho an routh a worthybis dhodho, ‘Ni re glewas y'n lagha, Krist dhe besya bynitha; ha fatell leverowgh y tal Mab an den dhe vos drehevys? Piw yw an “Mab an den” ma?’

Yowann 3:13

Ha ny yskynnas denvyth bys yn nev marnas ev neb a dheuth yn-nans, Mab an den.

Yowann 5:27

Hag ev a ros dhodho galloes dhe vreusi, rag ev dhe vos Mab an den.

Oberow 7:56

hag ev a leveris, ‘Otta, my a wel an nevow igerys, ha Mab an den ow sevel dhe'n barth dhyghow dhe Dhuw.’

1 Thessalonianys 4:17

Ena ni, neb yw yn few, neb yw gesys, a vydh kemmerys war-barth gansa yn kommol dhe vetya an Arloedh y'n ayr; hag yndella pup-prys y fydhyn gans an Arloedh.

1 Timothi 6:16

neb yn unnsel yw anvarwel, neb a drig yn golow na yllir dos nes dhodho; neb na wrug denvyth y weles na ny yll denvyth y weles. Dhodho ev re bo enor ha galloes bys vykken. Amen.

Ebrowyon 2:14

Ytho, a-ban gemmeras an fleghes rann yn kig ha goes, ev y honan a gevrennas a'n keth traow, may tistrua, dre vernans, neb a'n jeves galloes mernans, henn yw, an jowl,

Ebrowyon 9:24

Rag nyns yw a-ji dhe sentri gwrys gans leuv, tokyn an gwir sentri, mayth entras Krist, mes a-ji dhe nev y honan, lemmyn dhe omdhiskwedhes ragon a-rag fas Duw.

Diskwedhyans 1:13

hag yn mysk an kantolbrennyer onan kepar ha Mab den, gwiskys yn pows ow trehedhes bys y'n treys, ha grogysys a-dro dhe'n dhiwvronn gans grogys owrek.

Diskwedhyans 1:18

ha neb a vew; hag yth eth ha bos marow; hag otta, bew ov vy trank heb worfenn, hag y'm beus alhwedhow ankow hag ifarn.

Diskwedhyans 1:7

Awotta, ev a dheu gans an kommol; ha pub lagas a wra y weles, ha'n re ynwedh a'n gwanas; hag oll kenedhlow an norvys a wra kyni warnodho. Ya, Amen.

Diskwedhyans 14:14

Ha my a welas, hag otta, kommolenn wynn, ha war an gommolenn nebonan owth esedha kepar ha Mab den gans kurun owrek war y benn ha kromman lymm yn y dhorn.