Daniel 6:8 - An Bibel Kernewek 20234 (Kernewek Kemmyn)

⁸ Lemmyn, A vyghtern, dyllo an difenn ha sin an skrifenn, rag na allo bos chanjys, herwydh lagha an Medys ha'n Persianys, na yll bos daskelwys.’

Daniel 6:8 Iomraidhean Croise

Ester 1:19

Mara pleg dhe'n myghtern, des gorhemmynn ryel a-dhiworto, ha bedhes skrifys yn mysk laghys Persia ha Media na yll bos daskelwys, na dheffo Vashti namoy a-dherag myghtern Ahasuerus; ha res an myghtern hy studh ryel dhe nebonan a vo gwell agessi hi.

Ester 3:12

Ena skrifwesyon an myghtern a veu gelwys y'n kynsa mis, y'n trydhegves dydh, ha skrifys veu poran dell arghsa Haman, dhe wahalyethow an myghtern ha dhe wovernours pub rannvro, ha dhe bennsevigyon pub pobel; dhe bub rannvro herwydh y skrif, ha dhe bub pobel herwydh hy thaves; y feu skrifys yn hanow an myghtern Ahasuerus, ha selys veu gans bysow an myghtern.

Ester 8:10

Ha skrifa a wrug ev yn hanow an myghtern Ahasuerus, ha'y selya gans bysow an myghtern, ha dannvon lytherow a wrug dre leuv kannasow war geyn margh, marghogyon owth ehwias war vergh skav, dineythys gans an kasegi ryel.

Ester 8:3

Ena Ester a gewsis arta a-dherag an myghtern, ha hi a goedhas a-rag y dreys hag oela, orth y bysi a dreylya dhe-ves droktowl Haman an Agagyas, a dowlsa erbynn an Yedhewon.

Ester 8:8

Ha hwi, skrifewgh ynwedh a-dro dhe'n Yedhewon, dell bleg dhywgh, yn hanow an myghtern, ha'y selya gans bysow an myghtern: rag skrif skrifys yn hanow an myghtern, ha selys gans bysow an myghtern, ny yll bos daskelwys.’

Salmow 94:21

I a omguntell war-barth erbynn enev an den gwiryon, ha dampnya an goes glan.

Ysay 10:1

Go-i neb a wra ordenansow kammhynsek, ha'n skriforyon neb a skrif laghys anewn,

Daniel 5:28

peres, dha ruvaneth yw rynnys ha res dhe'n Medys ha dhe'n Persianys.’

Daniel 6:12

I a dheuth nes, ha kewsel a-rag an myghtern a-dro dhe'n difenn ryel, ‘A ny wrussys sina difenn, piwpynag a wrello pysadow dhe dhuw po dhe dhen a-ji dhe dheg dydhweyth warn ugens, marnas dhiso jy, A vyghtern, dhe vos tewlys yn fow a lewyon?’ An myghtern a worthybis, ‘An mater a sev, herwydh lagha an Medys ha'n Persianys, na yll bos daskelwys.’

Daniel 6:15

Ena an wer na a dheuth yn routh dhe'n myghtern, ha leverel dhodho, ‘Godhvydh, A vyghtern, bos lagha an Medys ha'n Persianys, na yll difenn na ordenans dyllys gans an myghtern bos daskelwys.’

Matthew 24:35

Nev ha nor a dremen dhe-ves, mes ow geryow vy, ny dremenons dhe-ves.