Daniel 6:4 - An Bibel Kernewek 20234 (Kernewek Kemmyn)

⁴ Ena an lewydhyon ha'n wahalyethow a hwilas skila rag krodhvol war Daniel a-dro dhe'n ruvaneth; mes ny yllens kavoes skila rag krodhvol, na kammwul vyth, rag y vos len; ha ny veu kevys ynno na fowt na kammwul.

Daniel 6:4 Iomraidhean Croise

Jenesis 41:38

Hag yn-medh Faro dh'y wesyon, ‘A yllyn ni kavoes gour a'n par ma, hag ynno Spyrys Duw?’

Jenesis 43:18

Ha'n wer a berthi own rag i dhe vos dres a-bervedh yn chi Yosep, hag yn-medhons, ‘Ni re beu dres a-ji drefenn an mona a veu daskorrys yn agan seghyer an kynsa gweyth. Ev a vynn omsettya er agan pynn ha koedha warnan, ha'gan kemmeres dhe vos kethyon, ha'gan asenes ynwedh.’

Lavarow Koth 29:27

Gour anewn yw tra gasadow dhe'n re wiryon, mes an re ewnhynsek yw tra gasadow dhe'n tebelwas.

Ekklesiastes 4:4

Ha my a welas oll an trobel hag oll an sleyghneth yn lavur ow tos dhiworth avi den erbynn y gentrevek. Hemma ynwedh yw euveredh ha chasya war-lergh an gwyns.

Yeremia 18:18

Ena i a leveris, ‘Dewgh, ha tewlel towlow erbynn Yeremia; rag ny vydh kellys an lagha dhiworth an oferyas, na kusul dhiworth an re fur, na'n ger dhiworth an profoes. Dewgh ha'y weskel gans an taves, ha na woslowyn dhe nagonan a'y eryow.’

Yeremia 18:23

Byttegyns, Arloedh, ty a woer oll aga husul er ow fynn dhe'm ladha. Na av aga hammweyth, na dilea aga fegh a'th wolok, mes gas i dhe vos domhwelys a-ragos. Gwra aga dyghtya yn termyn dha sorr.

Yeremia 20:10

Rag my a glewas kabel lies huni: ‘Euth a bub tu! Kuhudh e, gwren y guhudha.’ Yth esa oll ow neskerens ow kwaytya my dhe drebuchya, ow leverel, ‘Martesen ev a vydh dynys, ha ni a wra y fetha, ha tyli agan dial warnodho.’

Yeremia 29:7

Ha hwilewgh kres an sita le may hwrug dhywgh bos degys dhe-ves yn divroedh, ha pysi war Dhuw ragdho, rag yn y gres hwi a'gas bydh kres.

Daniel 3:8

Ytho rakhenna orth an prys ma, nebes gwer a Kaldea a dheuth nes, hag a guhudhas an Yedhewon.

Daniel 5:12

rag y feu kevys spyrys bryntin, godhvos, ha skians dhe styrya hunrosow, dhe glerhe kevrinyow ha dhe dhigelmi kudynnow ynno – yn Daniel, neb o henwys Belteshassar gans an myghtern. Lemmyn re bo Daniel gelwys, hag ev a wra diskwedhes an styr.’

Daniel 6:22

Ow Duw a dhannvonas y el ha degea ganow an lewyon, ha ny wrens ow shyndya, drefenn ow bos kevys divlam a-ragdho; hag ynwedh a-ragos, A vyghtern, ny wrug drog vyth.’

Matthew 26:4

hag omgusulya fatell wrellens dalghenna Yesu dre doell ha'y ladha.

Matthew 27:18

Rag ev a wodhya i dh'y dhaskorr der atti.

Luk 20:20

Hag i a viras orto gluw, ha dannvon aspioryon neb a omwrug gwiryon, dh'y vagla yn y lavarow, rag ma'n daskorrons dhe awtorita ha galloes an governour.

Luk 20:26

Ha ny yllons y vagla yn y lavarow a-rag an bobel; marth a's teva a'y worthyp, ha tewel a wrussons.

Luk 22:2

Hag yth esa an bennoferysi ha'n skribys ow hwilas fatell allens y dhistrui, rag own a's tevo a'n bobel.

Yowann 19:4

Ha Pilat eth yn-mes arta ha leverel dhedha, ‘Otta, my a'n dro yn-mes dhywgh, rag may hwodhvowgh na welav ken vytholl er y bynn.’

2 Korinthianys 11:12

Ha'n pyth a wrav, henna my a wra pesya y wul, may tregghiv an grond a-dhann an re a hwila chons dhe vos aswonnys agan parow y'n taklow a vostyons anedha.

Filippianys 2:15

may fewgh divlam ha heb drog, fleghes heb namm a Dhuw, yn mysk kenedhel gamm ha treus, ha hwi a splann yn aga mysk kepar ha golowys y'n bys,

1 Timothi 5:14

Ytho, my a vynn an re yowynka dhe dhemmedhi, dineythi fleghes, ha bos mestres chi, na vo ken dhe eskar dh'agan kabla.

Titus 2:8

kows yagh, divlam may fo eskar shamys heb kavoes travyth drog dhe leverel a-dro dhyn.

1 Peder 2:12

Bedhes da agas bewedh yn mysk an Jentilys; ena kyn kewsons er agas pynn avel drogoberoryon, y hyllons gordhya Duw yn dydh y dhevedhyans, pan welons agas gwriansow da.

1 Peder 3:16

mes gans klorder hag own, ow kwitha kowses da, may fons i shamys neb a gabel agas bewedh da yn Krist, pan gewsons er agas pynn.

Breusysi 14:4

Ny wodhya y das na'y vamm bos hemma dhiworth an Arloedh, rag yth esa ow hwilas acheson dhe oberi erbynn an Filistysi. Yn termyn na an Filistysi a's tevo maystri war Ysrael.

1 Samuel 12:4

I a leveris, ‘Ny'gan frowsys, na'gan arwaska, na gemmeres travyth a-dhiworth leuv denvyth.’

1 Samuel 18:14

Yth esa sewena dhe Davydh yn oll y oberow; rag yth esa an Arloedh ganso.

1 Samuel 22:14

Ena Ahimelek a worthybis dhe'n myghtern, ha leverel, ‘Piw eus yn mysk oll dha wesyon mar lel avel Davydh? Mab dre lagha an myghtern yw ev, ha kapten dha gorfwithysi, hag enorys yw y'th chi.