Daniel 6:24 - An Bibel Kernewek 20234 (Kernewek Kemmyn)

²⁴ Ha'n myghtern a erghis, ha'n wesyon na re guhudhsa Daniel a veu kyrghys ha tewlys yn fow an lewyon – i, aga mebyon, ha'ga gwragedh; ha kyns i dhe dhrehedhes dhe woeles an fow, an lewyon a's fethas ha terri oll aga eskern dhe demmyn.

Daniel 6:24 Iomraidhean Croise

2 Myghternedh 14:6

Mes ny ladhas fleghes an voldroryon, herwydh an pyth yw skrifys yn lyver lagha Moyses, le may worhemmynnis an Arloedh, ‘Ny vydh tasow ledhys rag mebyon, ha ny vydh mebyon ledhys rag tasow; mes pubonan a vydh ledhys rag y begh y honan.’

Ester 7:10

Ytho, i a grogas Haman war an wydhenn a bareussa ev rag Mordekay, hag yndella koselhes veu konnar an myghtern.

Ester 9:10

an deg mab a Haman mab Hammedatha, eskar an Yedhewon. Mes war an preydh ny settsons aga leuv.

Ester 9:25

mes pan veu hi devedhys a-rag an myghtern, ev a erghis dre lytherow may tehwella y dhroktowl a dowlsa erbynn an Yedhewon war y benn y honan, ha bos ev ha'y vebyon kregys war an wydhenn.

Salmow 54:5

Ev a attal drog dhe'm eskerens; kis i y'th wirder.

Lavarow Koth 11:8

An den gwiryon yw delivrys a boenvos ha'n tebelwas a dheu a-bervedh ynno yn y le.

Lavarow Koth 19:9

Nyns a fals dhustunier heb kessydhyans, ha gowleveryas a dhe goll.

Ysay 38:13

My a wrowedhas bys vyttin; avel lew, yndella ev a derr oll ow eskern; dydh ha nos ty a'm dre dhe dhiwedh.

Yeremia 34:17

Rakhenna yndellma y lever an Arloedh: Ny woslewsowgh orthiv ow krontya rydhses, pubonan dh'y vroder ha pubonan dh'y gentrevek; otta, my a wront rydhses dhywgh yn-medh an Arloedh, dhe'n kledha, dhe'n pla, ha dhe'n divoetter. My a'gas gwra euth dhe oll gwlaskordhow an nor.

Daniel 3:22

Yndella, rag bos mall gans arghadow an myghtern, ha rag bos an fornes toemm dres eghenn, flamm an tan a ladhas an wer neb a dhegi Shadrak, Meshak hag Abednego.

Dewteronomi 24:16

Ny vydh tasow gorrys dhe'n vernans rag mebyon, ha ny vydh mebyon gorrys dhe'n mernans rag tasow. Peub a vydh gorrys dhe'n mernans rag y beghes y honan.