Daniel 6:22 - An Bibel Kernewek 20234 (Kernewek Kemmyn)

²² Ow Duw a dhannvonas y el ha degea ganow an lewyon, ha ny wrens ow shyndya, drefenn ow bos kevys divlam a-ragdho; hag ynwedh a-ragos, A vyghtern, ny wrug drog vyth.’

Daniel 6:22 Iomraidhean Croise

Jenesis 40:15

Rag dhe wir my a veu ledrys yn-mes a bow an Ebrowyon. Ny wrug vy travyth a vo skila rag i dhe'm gorra y'n pytt.’

2 Samuel 22:7

Y'm anken my a elwis war an Arloedh, ha dhe'm Duw y helwis vy. Ev a glewas ow lev yn-mes a'n tempel, ha'm kri a dheuth bys yn y dhiwskovarn.

1 Myghternedh 13:28

Ev eth ha kavoes an korf tewlys y'n fordh, ha'n asen ha'n lew a'ga sav ryb an korf. Ny dhyb'sa an lew an korf na terri an asen.

2 Kroniklys 32:21

Ha'n Arloedh a dhannvonas el neb a ladhas oll an gasoryon alloesek ha'n gaslewydhyon ha'n soedhogyon yn kamp myghtern Assyria. Ytho ev a gildennas yn disenor dh'y dir y honan. Pan dheuth yn chi y dhuw, re a'y vebyon a'n weskis dhe'n dor gans an kledha.

Salmow 118:28

Ty yw ow Duw, ha my a ras dhis; ty yw ow Duw ha my a'th ughelha.

Salmow 26:6

My a wolgh ow diwleuv yn gwiryonsys, ha mos a-dro dhe'th alter, A Arloedh,

Salmow 31:14

Mes my a drestyas ynnos jy, A Arloedh; my a leveris, ‘Ty yw ow Duw.’

Salmow 34:7

El an Arloedh a gamp a-dro dhe'n re a berth own anodho hag ev a's delirv.

Salmow 38:21

Na as vy, A Arloedh; A Dhuw, na vydh pell dhiworthiv.

Salmow 84:11

Rag an Arloedh Duw yw howl ha skoes; an Arloedh a re ras ha golewder, ha ny skon ev a ri dader vytholl dhe'n re a gerdh yn tivlam.

Ysay 3:10

Leverewgh dhe'n den gwiryon, y fydh da ragdho, rag i a dheber frut aga gwriansow.

Ysay 63:9

yn oll aga anken. Nyns o kannas nag el mes y lok ev a's sawyas. Yn y gerensa hag yn y druedh ev a's dasprenas; ev a's drehevis ha'ga doen oll an dydhyow koth.

Yeremia 37:18

Yeremia a leveris ynwedh dhe vyghtern Sedekia, ‘Pana dhrog a wrug dhis po dhe'th servysi po dhe'n bobel ma ma'm gorrsowgh yn prison?

Daniel 3:28

[95] Ena Nebukadnessar a gewsis ow leverel, ‘Benniges re bo Duw Shadrak, Meshak hag Abednego, neb re dhannvonas y el, ha delivra y wesyon neb a drestya ynno, ha treylya ger an myghtern, ha ri aga horf rag na wrellons gologhas dhe dhuw vyth marnas dh'aga Duw i.

Daniel 6:20

Pan dheuth nes dhe'n fow, ev a armas dhe Daniel gans lev troblys, ha leverel dhe Daniel, ‘A Daniel, gwas an Duw bew, a allas dha Dhuw, neb a servydh prest, dha dhelivra a'n lewyon?’

Daniel 6:23

Ena yth o an myghtern lowen dres eghenn ragdho, hag ev a worhemmynnis may fe Daniel tennys dhiworth an fow. Ytho Daniel a veu tennys dhiworth an fow, ha ny veu kevys pystik vyth warnodho, rag ev dhe drestya yn y Dhuw.

Daniel 6:4

Ena an lewydhyon ha'n wahalyethow a hwilas skila rag krodhvol war Daniel a-dro dhe'n ruvaneth; mes ny yllens kavoes skila rag krodhvol, na kammwul vyth, rag y vos len; ha ny veu kevys ynno na fowt na kammwul.

Daniel 6:7

Oll lewydhyon an ruvaneth, an bennternedh ha'n wahalyethow, an gusulyadoryon ha'n wovernours, re omgusulyas may hwrello an myghtern dyllo ordenans ha gweythresa difenn krev: piwpynag a wrello pysadow dhe dhuw po dhe dhen a-ji deg dydhweyth warn ugens, marnas dhiso jy, A vyghtern, dhe vos tewlys yn fow a lewyon.

Mika 7:7

Byttegyns, my a vynn mires dhe'n Arloedh, my a worta Duw ow selwyans; ow Duw a'm klewvydh.

Niverow 20:16

Ha pan grisyn war an Arloedh, ev a glewas agan lev, ha dannvon el, ha'gan dri yn-mes a Ejyp; hag ottani yn Kadesh, sita war amal dha diredh.

Matthew 27:46

Hag a-dro dhe'n nawves eur, Yesu a armas gans lev ughel ow leverel, ‘Eli, Eli, lema sabaghthani?’ henn yw: ‘Ow Duw, Ow Duw, prag y'm forsaksys?’

Oberow 12:11

Ena Peder a dheuth dh'y ewn rewl ha leverel, ‘Lemmyn my a woer yn hwir y tannvonas Duw y el ha'm livra mes a leuv Herod ha mes a oll gwaytyans an bobel yedhowek.’

Oberow 24:16

Rakhenna my ow honan a striv prest dhe synsi kowses divlam a-rag Duw ha tus oll.

Oberow 27:23

Rag nyhewer y sevis rybov el a'n Duw neb a'm piw hag ynwedh neb a servyav,

2 Korinthianys 1:12

Lemmyn, hemm yw agan bost, dustuni agan kowses, ni dhe omdhegi y'n bys yn sempledh ha gwiryonsys Duw, heb skentoleth an kig mes dre ras Duw, ha dres oll orthowgh hwi.

2 Timothi 4:17

Mes an Arloedh a sevis rybov ha ri nerth dhymmo, may fe an pregoth kowlwrys dredhov ha ma'n klewva oll an Jentilys. Ha sawys veuv yn-mes a anow an lew.

Ebrowyon 1:14

A nyns yns i oll spyrysyon menystra dannvenys rag gonis, a-barth an re a wra erita selwyans?

Ebrowyon 11:33

neb dre fydh a fethas ruvanethow, breusi yn ewnder, degemmeres an ambosow, degea ganow lewyon,

1 Samuel 17:37

Yn-medh Davydh, ‘An Arloedh neb a'm delivras dhiworth paw an lew ha dhiworth paw an ors, ev a'm delirv dhiworth dorn an Filistyas ma.’ Ha Sowl a leveris dhe Davydh, ‘Ke, ha re bo an Arloedh genes.’

1 Samuel 26:18

Hag yn-medh ev ynwedh, ‘Prag yth helgh ow arloedh war-lergh y was? Pandr'a wrug vy? Py pegh usi y'm leuv?