Daniel 6:16 - An Bibel Kernewek 20234 (Kernewek Kemmyn)

¹⁶ Ena an myghtern a worhemmynnis, hag i a dhros Daniel ha'y dewlel yn fow an lewyon. Yn-medh an myghtern dhe Daniel, ‘Re wrello dha Dhuw, neb a servydh prest, dha dhelivra!’

Daniel 6:16 Iomraidhean Croise

2 Samuel 3:39

Hedhyw my yw difredh, kynth ov untys myghtern; an wer ma, mebyon Seruya, yw re gales ragov. Re attallo an Arloedh dhe'n den neb a wra drog herwydh y sherewynsi!’

Job 5:19

Ev a wra dha dhelivra dhiworth hwegh trobel; yn seyth ny wra drog mann dha dochya.

Lavarow Koth 29:25

Own den a sett antell, mes neb a drest y'n Arloedh yw saw.

Ysay 41:10

na borth own, rag yth esov genes, na vydh digolonnek, rag my yw dha Dhuw; my a wra dha nertha, my a wra dha weres, my a'th syns gans dorn dhyghow ow selwyans.

Ysay 43:2

Pan dremenydh der an dowrow y fydhav genes, ha der an avonyow, ny livons warnas; pan gerdhydh dre dan, ny vydhydh leskys, ha ny wra an flamm dha woleski.

Yeremia 26:14

Ha dhe'm parth vy, otta, yth esov yn agas diwleuv. Gwra genev an pyth a hevel da hag ewn dhywgh.

Yeremia 38:5

Ena Sedekia an myghtern a leveris, ‘Otta, yma ev yn agas leuv; rag ny yll an myghtern gul travyth er agas pynn.’

Yeremia 38:6

Ena i a gemmeras Yeremia ha'y dewlel yn dorvagh Malkia mab an myghtern esa yn klos an prison, owth iselhe Yeremia gans lovonow. Hag y'n dhorvagh nyns esa dowr, marnas leys, ha Yeremia a sedhas y'n leys.

Yeremia 39:17

Mes my a'th saw y'n jydh na, yn-medh an Arloedh, ha ny vydhydh res yn leuv an wer a berthydh own anedha.

Daniel 3:15

Lemmyn, mars owgh hwi parys orth an keth prys na pan glewowgh an korn, an pib, an gyttrens, an krowd, an sowtri, an pibow-sagh ha pub sort a venestrouthi, dhe goedha dhe'n leur ha gul gologhas dhe'n delow a wrug vy, da yw hemma: mes mar ny wrewgh gologhas, y fydhowgh tewlys an keth eur na yn kres fornes a dan ow flammya; ha py par duw ywa a'gas delirv mes a'm dorn?’

Daniel 3:17

Yndella mars yw yn few, agan Duw neb a servyn a yll agan delivra mes a'n fornes a dan ow flammya, hag ev a'gan delirv mes a'th torn.

Daniel 3:28

[95] Ena Nebukadnessar a gewsis ow leverel, ‘Benniges re bo Duw Shadrak, Meshak hag Abednego, neb re dhannvonas y el, ha delivra y wesyon neb a drestya ynno, ha treylya ger an myghtern, ha ri aga horf rag na wrellons gologhas dhe dhuw vyth marnas dh'aga Duw i.

Daniel 6:20

Pan dheuth nes dhe'n fow, ev a armas dhe Daniel gans lev troblys, ha leverel dhe Daniel, ‘A Daniel, gwas an Duw bew, a allas dha Dhuw, neb a servydh prest, dha dhelivra a'n lewyon?’

Daniel 6:7

Oll lewydhyon an ruvaneth, an bennternedh ha'n wahalyethow, an gusulyadoryon ha'n wovernours, re omgusulyas may hwrello an myghtern dyllo ordenans ha gweythresa difenn krev: piwpynag a wrello pysadow dhe dhuw po dhe dhen a-ji deg dydhweyth warn ugens, marnas dhiso jy, A vyghtern, dhe vos tewlys yn fow a lewyon.

Oberow 24:27

Ha wosa diw vlydhen dhe bassya, Feliks a veu holys gans Porkius Festus; hag ow mynnes diskwedhes favour dhe'n Yedhewon, ev a asas Powl yn prison.

Oberow 25:11

Rakhenna mar kammwrav ha mar kwrug vy neppyth ow tervynn an mernans, ny skonyav a verwel; mes mar nyns eus travyth y'n taklow ma'm kuhudh an re ma, denvyth ny yll ow daskorr dhedha. Orth Sesar y halwav.’

Oberow 25:9

Mes Festus, ow mynnes diskwedhes favour dhe'n Yedhewon, a worthybis dhe Powl, ow leverel, ‘A vynn'ta mos yn-bann dhe Yerusalem dhe vos breusys ena a-ragov a-dro dhe'n taklow ma?’

Romanyon 13:3

Rag nyns yw an routers own dhe'n ober da mes dhe'n drogober. A vynnses jy bos heb own a'n galloes? Gwra an da, ha ty a' fydh gormola ganso.

2 Korinthianys 1:10

Ev re'gan delivras dhiworth mernans mar vras, hag ev a wra agan delivra; warnodho ni re worras agan govenek ev dh'agan delivra arta,