Daniel 5:7 - An Bibel Kernewek 20234 (Kernewek Kemmyn)

⁷ An myghtern a armas yn ughel rag dri an worhenysi, an Kaldeanys, ha'n goelyogyon. Ev a leveris dhe'n dus fur a Babylon, ‘Seul a rettyo an skrif ma, hag a dhiskwettho dhymm y styr, a vydh gwiskys yn purpur, gans kadon owr a-dro dh'y gonna, hag a vydh an tressa rewler y'n ruvaneth.’

Daniel 5:7 Iomraidhean Croise

Jenesis 41:8

Ha myttin, troblys veu y spyrys, hag ev a dhannvonas ha gelwel oll an goelyogyon a Ejyp hag oll hy thus fur, ha Faro a dherivas y hunros dhedha, mes nyns esa denvyth a wodhva aga styrya dhe Faro.

Ester 3:1

Wosa an taklow ma, myghtern Ahasuerus a ughelhas Haman mab Hammedatha an Agagyas, ha'y avonsya, ha settya y se dres an bennsevigyon oll esa ganso.

Eksodus 7:11

Ena Faro a elwis an dus fur ha'n bystrioryon; hag i ynwedh, hudoryon Ejyp, a wrug an keth tra der aga artow kevrinek.

Lavarow Koth 1:9

rag garlont teg yns i rag dha benn ha torgh rag dha gonna.

An Gan a Ganow 1:10

Teg yw dha dhiwvogh gans kadonyow a degennow, dha gonna gans tergh a gregyn.

Ysay 47:13

Skwith yth os gans dha gusulyansow pals; seves ha'th sawya an re a hwither an nevow, neb a vir orth an ster; an re a dhargan yn termyn an loer nowydh an pyth a dheu warnas.

Yeremia 50:35

Kledha erbynn an Kaldeanys, yn-medh an Arloedh, hag erbynn annedhysi Babylon, hag erbynn hy fennsevigyon ha'y gwer dhoeth!

Ezekiel 16:11

My a'th afinas gans tegennow ha gorra breghelligow war dha dhiwla ha torgh war dha gonna.

Daniel 1:20

Yn pub mater a furneth po a gonvedhes hag a veu govynnys dhiworta gans an myghtern, ev a's kavas deg gweyth gwell ages oll an hudoryon ha'n worhenysi esa yn y ruvaneth oll.

Daniel 1:4

gwer yowynk dhinamm, teg dhe weles, ha konnyk yn pub furneth, leun a skians, ow konvedhes dyskans, ha gwiw rag servya yn palys an myghtern, ha dhe dhyski dhedha lytherennow ha taves an Kaldeanys.

Daniel 2:2

Ena an myghtern a erghis may fe gelwys an hudoryon, an worhenysi, an bystrioryon, ha'n Kaldeanys, rag displegya dhe'n myghtern y hunrosow. Ytho y teuthons a-ji ha sevel a-dherag an myghtern.

Daniel 2:27

Daniel a worthybis a-rag an myghtern ow leverel: ‘Nyns eus tus fur, na gorhenysi, na hudoryon, na koelyogyon neb a woer diskwedhes dhe'n myghtern an kevrin re beu govynnys gans an myghtern,

Daniel 2:48

Ena ev a ughelhas Daniel, ha ri dhodho meur a rohow bras, ha'y wul rewler war rannvro Babylon oll, ha bos penn an bennternedh war oll an dus fur a Babylon.

Daniel 2:6

Mes mar tiskwedhowgh an hunros ha'y styr, hwi a dhegemmer dhiworthiv rohow ha pewasow hag enor bras. Ytho, diskwedhewgh dhymm an hunros ha'y styr.’

Daniel 4:14

Ev a armas yn fen, ow leverel, “Hakkyewgh an wydhenn dhe'n leur, ha treghewgh hy skorrow dhe-ves; kryghyllewgh hy delyow kwit ha skoellewgh hy frut; fies an bestes a-dhanno, ha'n ydhyn mes a'y skorrow.

Daniel 5:11

yma y'th ruvaneth gour hag ynno spyrys an duwow sans. Yn dydhyow dha das y feu kevys ynno golow, skians ha furneth, avel furneth an duwow. Myghtern Nebukadnessar, dha das, a'n gwrug penn an hudoryon, an worhenysi, an Kaldeanys, ha'n goelyogyon;

Daniel 5:15

Lemmyn an dus fur, an worhenysi a veu dres a-ragov rag redya an skrif ma ha diskwedhes dhymm y styr; mes ny wodhyens diskwedhes styr an mater.

Daniel 5:16

Mes my re glewas ahanas, ty dhe wodhvos ri styryow ha digelmi kudynnow. Ytho mar kyllydh redya an skrif ha diskwedhes dhymm y styr, y fydhydh gwiskys yn purpur, gans kadon owr a-dro dhe'th konna, hag y fydhydh an tressa rewler y'n ruvaneth.’

Daniel 5:29

Ena Belshassar a worhemmynnis, hag i a wiskas Daniel gans purpur, gans kadon owr a-dro dh'y gonna, hag i a wrug gwarnyans yn y gever, may fedha an tressa rewler y'n ruvaneth.

Niverow 22:17

rag my a re dhywgh yn sur enor meur, ha pup-tra a leverydh dhymm my a'n gwra; dewgh, mollethewgh an bobel ma ragov.” ’

Niverow 22:7

Ytho henavogyon Moab ha henavogyon Midyan eth yn-kerdh gans pygans rag dewinieth yn aga dorn, ha dos dhe Balaam, ha ri dhodho messaj Balak.

Niverow 24:11

Ytho lemmyn fi dhe'th tyller; my a leveris, “My a wra dha enora yn sertan”, mes an Arloedh re'th withas dhiworth enor.’

1 Samuel 17:25

Ha gwer Ysrael a leveris, ‘A welsowgh an gour ma neb a dheuth yn-bann? Yn sur ev re dheuth yn-bann dhe dhefia Ysrael. An myghtern a wra rych an gour neb a'n ladh, ha ri dhodho y vyrgh ha gul y deylu rydh a doll yn Ysrael.’