Daniel 5:6 - An Bibel Kernewek 20234 (Kernewek Kemmyn)

⁶ Ena liw an myghtern a dreylyas, y brederow a'n troblas, mellow y dhiwglun a omlowsyas, ha'y dhewlin a gnoukyas an eyl orth y gila.

Daniel 5:6 Iomraidhean Croise

Salmow 22:14

Skoellys ov vy avel dowr, ha'm eskern oll yw diskevelsys, ow holonn yw kepar ha koer; teudhys yw yn mysk ow holodhyon.

Salmow 69:23

Bedhes aga dewlagas tewl rag na wellons, ha gwra dh'aga diwglun prest krena.

Ysay 35:3

Nerthewgh an dhiwleuv ydhil ha krevhewgh an dhewlin wann.

Ysay 5:27

Nyns yw nagonan skwith, nagonan ny drebuch ynna, nagonan ny hun, nagonan ny gosk, nyns yw grogys diwglun denvyth lows, kroen sandal ny vydh terrys.

Yeremia 50:43

Myghtern Babylon a glewas nowodhow anedha, ha'y dhiwleuv a goedhas diweres; angoes a'n dalghennas, ha gloesow avel benyn yn gwelivos.

Ezekiel 21:7

Ha pan leverons dhis, ‘Prag yth esos ow hanasa?’ ty a lever, ‘Rag an nowodhow yw devedhys. Pub kolonn a deudh, ha pub leuv a vydh ydhil; pub spyrys a glamder, ha pub glin a dreyl dhe dhowr. Otta, hemma a dheu hag a hwyrvydh’, yn-medh an Arloedh Duw.

Ezekiel 7:17

Oll an dhiwla a vydh dinerth, hag oll an dhewlin a vydh kepar ha dowr.

Daniel 2:1

Y'n nessa blydhen a reyn Nebukadnessar, Nebukadnessar a'n jeva hunrosow; ha'y spyrys a veu troblys, ha'y gosk a'n gasas.

Daniel 3:19

Ena yth o Nebukadnessar leun a gonnar, ha semlans y vejeth a veu treylys erbynn Shadrak, Meshak hag Abednego; ytho ev a gewsis, hag erghi may fe an fornes poethhes seythkemmys moy ages dell vedha an us.

Daniel 4:19

Ena Daniel, henwys Belteshassar, a veu skruthys pols, ha'y brederow a'n ownhas. An myghtern a worthybis ow leverel, ‘A Belteshassar, na vydh ownhes gans an hunros ha'y styr.’ Belteshassar a worthybis ow leverel, ‘Ow arloedh, re bo an hunros rag an re a'th kas, ha'y styr rag dha eskerens!

Daniel 4:5

Hunros a welis hag a wrug own dhymm; prederow war ow gweli ha gwelesigethow ow fenn a'm euthega.

Daniel 5:5

Desempis yth omdhiskwedhas bysies dorn den, ow skrifa war blaster fos palys an myghtern, a-dal an kantoler; ha'n myghtern a welas palv an dhorn ow skrifa.

Daniel 7:28

Ottomma diwedh an mater. My, Daniel, o troblys yn fen gans ow frederow, ha'm liw a janjyas, mes my a withas an dra y'm brys.

Nahum 2:10

Gwakter, difeyth ha diswrians! An golonn ow teudhi, dewlin ow trebuchya, diwglun oll ow krena, ha pub fas devedhys ha bos diliw!

Ebrowyon 12:12

Ytho krevhewgh an dhiwdhorn ydhil ha'gas dewlin dhifreth,