Daniel 5:21 - An Bibel Kernewek 20234 (Kernewek Kemmyn)

²¹ Ev a veu herdhys pell a vab-den, ha'y vrys a veu gwrys avel best, ha'y annedh o gans an asenes gwyls; i a ros dhodho gwels dhe dhybri avel oghen, ha glyb o y gorf gans gluth a nev, bys pan gonvedhas bos an Duw Ughella ow rewlya gwlaskor mab-den, hag a sett warnodho neb a vynn.

Daniel 5:21 Iomraidhean Croise

Job 39:5

‘Piw a asas dhe'n oneger mos dhe wari? Piw a dhigolmas rawyow an asen gwyls?

Ezekiel 17:24

Ena oll gwydh an gwel a woer my dhe vos an Arloedh. My a dhre dhe'n leur an wydhenn hir hag ughelhe an wydhenn isel, my a dhesygh an wydhenn las, ha gul dhe'n wydhenn sygh skylla; My an Arloedh re gewsis ha my a'n gwra.

Daniel 4:14

Ev a armas yn fen, ow leverel, “Hakkyewgh an wydhenn dhe'n leur, ha treghewgh hy skorrow dhe-ves; kryghyllewgh hy delyow kwit ha skoellewgh hy frut; fies an bestes a-dhanno, ha'n ydhyn mes a'y skorrow.

Daniel 4:17

Der ordenans an woelysi yw an vreus, ha dre gows an syns yw an ervirans, rag may konvettho an re vew bos an Ughella rewler yn gwlaskor mab-den; hag ev a's re dhe'n neb a vynn, hag a sett warnedhi an isella a dus.”

Daniel 4:22

ty yw, A vyghtern, neb yw tevys krev, ha dha veuredh re devis ha drehedhes dhe'n nevow, ha'th vestrynses bys finweth an norvys.

Daniel 4:25

may fi fesys pell dhiworth tus, ha'th annedh a vydh gans bestes gwyls, gwrys dhe dhybri gwels avel oghen, ha glybys gans gluth an nevow. Warnas y tremen seyth seson, bys pan gonvedhydh bos an Ughella rewler yn gwlaskor mab-den, hag y's re dhe neb a vynno.

Daniel 4:26

Ha dell o erghys gasa kyf gwreydhyow an wydhenn, y fydh dha ruvaneth sur ragos wosa ty dhe aswonnvos an rewl a nev.

Daniel 4:34

Orth diwedh an dydhyow, my, Nebukadnessar, a dhrehevis ow dewlagas dhe nev, ha'm skians a dheuth arta dhymm. My a vennigas an Ughella, ha gul gormel ha gologhas dhe'n neb a vew bys vykken. Rag y vestrynses yw mestrynses a bes vynitha, ha'y wlaskor a dhur a henedh dhe henedh;

Daniel 4:35

ha pub annedhyas a'n norvys yw reknys avel mann; kepar dell vynno y hwra yn mysk lu an nev, hag yn mysk annedhysi an norvys; ny yll denvyth lettya y dhorn na leverel dhodho, ‘Pandr'a wredh?’

Daniel 4:37

Lemmyn yth esov vy, Nebukadnessar, ow praysya, owth ughelhe hag owth enora Myghtern nev, rag gwiryon yw oll y weythresow hag ewn y hynsyow, hag y hwoer iselhe an re a gerdh yn goeth.

Daniel 5:18

A vyghtern, an Duw Ughella a ros dhe'th tas Nebukadnessar myghternsys ha meuredh hag enor ha splannder;