Daniel 5:2 - An Bibel Kernewek 20234 (Kernewek Kemmyn)

² Pan dastyas an gwin, Belshassar a worhemmynnis may fe dres an lestri owr hag arghans a gemmersa Nebukadnessar y das yn-mes a'n tempel yn Yerusalem, rag dhiworta mayth effa an myghtern ha'y arlydhi, y wragedh, ha'y iswragedh.

Daniel 5:2 Iomraidhean Croise

2 Samuel 9:7

Davydh a leveris dhodho, ‘Na borth own, rag my a dhiskwa tregeredh dhis rag Yonathan dha das; ha my a dhaskorr dhis oll tir a Sowl dha das, ha ty a dheber boes orth ow moes pup-prys.’

2 Myghternedh 24:13

Ev a gemmeras dhe-ves oll tresoryow chi an Arloedh, ha treghi dhe demmyn oll an lestri a owr re wrussa Solomon myghtern Ysrael yn tempel an Arloedh, dell dharganas an Arloedh.

2 Myghternedh 25:15

an padellow-tan, ha'n basonyow. Taklow gwrys a owr kapten an withysi a gemmeras rag an owr, ha taklow gwrys a arghans, rag an arghans.

2 Kroniklys 11:20

War hi lergh ev a gemmeras Maaka myrgh Absalom, ha hi a dhineythis ragdho Abia, Attay, Ziza, ha Shelomith.

2 Kroniklys 15:16

Ynwedh ev a wordhellos Maaka mamm myghtern Asa dhiworth hy soedh avel mamm-vyghternes, drefenn hi dhe wruthyl imaj kasadow a Ashera. Asa a droghas dhe'n dor hy thra gasadow ha'y vrewi ha'y leski yn nans Kidron.

2 Kroniklys 36:10

Yn gwenton an vlydhen myghtern Nebukadnessar a dhannvonas ha'y dhri dhe Babylon, war-barth ha lestri drudh chi an Arloedh, hag a wrug y vroder Sedekia myghtern war Yuda ha Yerusalem.

2 Kroniklys 36:18

Oll lestri chi Duw, bras ha byghan, ha tresoryow chi an Arloedh, ha tresoryow an myghtern ha'y soedhogyon, oll an re ma ev a dhros dhe Babylon.

Ezra 5:14

Ha'n lestri ynwedh gwrys a owr hag a arghans yn chi Duw, a wrug Nebukadnessar aga hemmeres mes a'n tempel usi yn Yerusalem, ha'ga dri a-ji dhe dempel Babylon – Kyrus an myghtern a's kemmeras mes a dempel Babylon, ha'ga ri dhe nebonan henwys Sheshbassar, neb a apoyntyas governour.

Yeremia 27:7

An kenedhlow oll a'n serv, ha'y vab, ha mab y vab, bys pan dheu termyn y dir y honan; ena lies kenedhel ha myghternedh veur a wra y gethhe.

Yeremia 50:35

Kledha erbynn an Kaldeanys, yn-medh an Arloedh, hag erbynn annedhysi Babylon, hag erbynn hy fennsevigyon ha'y gwer dhoeth!

Yeremia 52:19

Kapten an withysi a gemmeras an pojeryow ynwedh, an padellow-tan, an basonyow, an kalteryow, an golowbrennyer, ha'n bollow-offrynn, ha'n re owrek ha'n re arghansek.

Daniel 1:2

Ha'n Arloedh a worras yn y dhorn Yehoyakim myghtern Yuda, ha re a'n lestri dhiworth chi Duw; hag ev a's kyrghas dhe bow Shinar, dhe ji y dhuw, hag a worras an lestri yn tresorva y dhuw.

Daniel 5:11

yma y'th ruvaneth gour hag ynno spyrys an duwow sans. Yn dydhyow dha das y feu kevys ynno golow, skians ha furneth, avel furneth an duwow. Myghtern Nebukadnessar, dha das, a'n gwrug penn an hudoryon, an worhenysi, an Kaldeanys, ha'n goelyogyon;

Daniel 5:13

Ena Daniel a veu dres a-rag an myghtern. Ha'n myghtern a leveris dhe Daniel, ‘Osta Daniel, onan a'n dhivresow a Yuda, neb a veu dres a Yuda gans ow thas, an myghtern?

Daniel 5:18

A vyghtern, an Duw Ughella a ros dhe'th tas Nebukadnessar myghternsys ha meuredh hag enor ha splannder;

Daniel 5:23

mes ty a omughelhas erbynn Arloedh an nevow. Lestri y ji re beu dres a-ragos, ha ty ha'th arlydhi, dha wragedh, ha'th iswragedh re evas gwin dhiworta; ha ty re wormolas an duwow a arghans hag owr, brons, horn, prenn ha men, neb na welons na klewes na godhvos; mes an Duw mayth usi dha anall yn y dhorn, hag oll dha hynsyow, ny wrussys y enora.

Daniel 5:3

Ena y feu dres an lestri owr re biens kemmerys yn-mes a'n tempel a ji Duw yn Yerusalem; ha dhiworta yth evas an myghtern ha'y arlydhi, y wragedh, ha'y iswragedh.

Daniel 5:30

An keth nos na y feu ledhys Belshassar, myghtern an Kaldeanys,

Daniel 5:4

I a evas gwin, ha gormel an duwow a owr hag arghans, brons, horn, prenn ha men.

Niverow 7:79

y offrynn o unn plat a arghans ha dhodho poes a gans shekel ha deg warn ugens, unn bolla a arghans a dheg shekel ha tri-ugens, war-lergh shekel an sentri, ha'n dhew leun a vleus fin kemmyskys gans oyl rag offrynn greun;