Daniel 5:12 - An Bibel Kernewek 20234 (Kernewek Kemmyn)

¹² rag y feu kevys spyrys bryntin, godhvos, ha skians dhe styrya hunrosow, dhe glerhe kevrinyow ha dhe dhigelmi kudynnow ynno – yn Daniel, neb o henwys Belteshassar gans an myghtern. Lemmyn re bo Daniel gelwys, hag ev a wra diskwedhes an styr.’

Daniel 5:12 Iomraidhean Croise

Salmow 16:3

A-barth an syns usi y'n vro, ha'n re vryntin, yma oll ow lowena ynna i.

Lavarow Koth 12:26

Den gwiryon yw kevarwoedher dh'y gentrevek, mes fordh an debeles a's hembronk yn sowdhan.

Lavarow Koth 17:27

Neb a fronn y eryow a'n jeves godhvos; ha neb a'n jeves spyrys kosel yw gour a gonvedhes.

Ezekiel 28:3

Otta ty yw furra ages Daniel, ha nyns eus kevrin kudhys dhiworthis.

Daniel 1:17

Dhe'n peswar mab ma, Duw a ros dyskans ha skians yn pub lyenn ha furneth; ha Daniel a gonvedhi pub gwelesigeth ha hunros.

Daniel 1:7

Ha penn an spadhesigyon a ros dhedha les-henwyn: Daniel a henwis Belteshassar, Hanania a henwis Shadrak, Mishael a henwis Meshak, hag Azaria a henwis Abednego.

Daniel 2:26

An myghtern a leveris dhe Daniel, henwys Belteshassar, ‘A wodhes derivas dhymm an hunros re welis vy, ha'n styr anedhi?’

Daniel 4:19

Ena Daniel, henwys Belteshassar, a veu skruthys pols, ha'y brederow a'n ownhas. An myghtern a worthybis ow leverel, ‘A Belteshassar, na vydh ownhes gans an hunros ha'y styr.’ Belteshassar a worthybis ow leverel, ‘Ow arloedh, re bo an hunros rag an re a'th kas, ha'y styr rag dha eskerens!

Daniel 4:8

Ha wortiwedh y teuth a-ragov Daniel, henwys Belteshassar war-lergh hanow ow duw, mayth usi ynno spyrys an duwow sans; ha'n hunros a-ragdho a dherivis:

Daniel 5:14

Re glewis ahanas bos ynnos spyrys an duwow sans, hag yma kevys ynnos golow ha skians ha furneth bryntin.

Daniel 5:16

Mes my re glewas ahanas, ty dhe wodhvos ri styryow ha digelmi kudynnow. Ytho mar kyllydh redya an skrif ha diskwedhes dhymm y styr, y fydhydh gwiskys yn purpur, gans kadon owr a-dro dhe'th konna, hag y fydhydh an tressa rewler y'n ruvaneth.’

Daniel 6:3

Ena an Daniel ma a dheuth ha bos meur y vri dres an lewydhyon erell, ha dres an wahalyethow, drefenn bos ynno spyrys bryntin; ha'n myghtern a dybis y settya war an ruvaneth oll.

Daniel 6:4

Ena an lewydhyon ha'n wahalyethow a hwilas skila rag krodhvol war Daniel a-dro dhe'n ruvaneth; mes ny yllens kavoes skila rag krodhvol, na kammwul vyth, rag y vos len; ha ny veu kevys ynno na fowt na kammwul.

Kolossianys 1:29

Rag hemma, my a lavur, ow strivya gans y oberyans owth oberi ynnov gans nerth.