Daniel 4:8 - An Bibel Kernewek 20234 (Kernewek Kemmyn)

⁸ Ha wortiwedh y teuth a-ragov Daniel, henwys Belteshassar war-lergh hanow ow duw, mayth usi ynno spyrys an duwow sans; ha'n hunros a-ragdho a dherivis:

Daniel 4:8 Iomraidhean Croise

Jenesis 41:38

Hag yn-medh Faro dh'y wesyon, ‘A yllyn ni kavoes gour a'n par ma, hag ynno Spyrys Duw?’

Ysay 46:1

Bel a ombleg dhe'n dor, Nebo a warrgromm, yma aga imajys war vestes ha gwarthek; an taklow degys genowgh yw beghus, avel beghyow poes war enyval skwith.

Ysay 63:11

Ena ev a borthas kov a'n dydhyow koth, Moyses ha'y bobel. Ple'ma ev neb a's dros war-vann yn-mes a'n mor, gans bugeledh y flokk? Ple'ma ev neb a settyas y Spyrys Sans a-berth ynno,

Yeremia 50:2

Diskleryewgh yn mysk an kenedhlow ha derivewgh, sevewgh baner ha derivewgh, na'n kudhewgh, leverewgh: Babylon yw kemmerys, Bel yw gorrys dhe veth, Merodak yw dyegrys. Hy imajys yw gorrys dhe veth, hy idolyow yw digolonnek.

Ezekiel 17:23

Yn ughella menydh Ysrael my a'n plans, may hallo dri yn-mes skorrennow ha doen frut, ha dos ha bos kederwydhenn vryntin, ha pub par edhen a drig yn-danno, ha pub par kreatur askellek a drig yn skeus y skorrennow.

Daniel 1:7

Ha penn an spadhesigyon a ros dhedha les-henwyn: Daniel a henwis Belteshassar, Hanania a henwis Shadrak, Mishael a henwis Meshak, hag Azaria a henwis Abednego.

Daniel 2:11

Kales yw an pyth govynnys gans an myghtern, ha nyns eus denvyth a yll y dhiskwedhes dhe'n myghtern marnas an duwow, neb na drigons yn mysk mab-den.’

Daniel 2:26

An myghtern a leveris dhe Daniel, henwys Belteshassar, ‘A wodhes derivas dhymm an hunros re welis vy, ha'n styr anedhi?’

Daniel 3:14

Nebukadnessar a gewsis ha leverel dhedha, ‘Yw gwir, A Shadrak, Meshak hag Abednego, na wrewgh servya ow duwow, na gul gologhas dhe'n delow owrek a wrug vy y dhrehevel?

Daniel 4:18

‘An hunros ma a welis vy, myghtern Nebukadnessar. Ty, A Belteshassar, deriv hy styr, rag na ylli oll an dus fur y'm ruvaneth diskwedhes dhymm hy styr; mes ty a yll, rag bos ynnos spyrys an duwow sans.’

Daniel 4:9

‘A Belteshassar, mester an hudoryon, yth aswonnav bos ynnos spyrys an duwow sans, ha nag eus kevrin re gales ragos. Preder an pyth a welis y'm hunros, ha lavar dhymm y styr.

Daniel 5:14

Re glewis ahanas bos ynnos spyrys an duwow sans, hag yma kevys ynnos golow ha skians ha furneth bryntin.