Daniel 4:7 - An Bibel Kernewek 20234 (Kernewek Kemmyn)

⁷ Ena y teuth an hudoryon, an worhenysi, an Kaldeanys, ha'n goelyogyon; ha my a dherivas dhedha an hunros, mes ny yllens diskwedhes dhymm y styr.

Daniel 4:7 Iomraidhean Croise

Jenesis 41:24

Ha'n seyth penn-ys tanow a lonkas an seyth penn-ys da. My re dherivas hemma dhe'n goelyogyon, mes nyns esa nagonan anedha a wodhvo y styrya dhymm.’

Jenesis 41:8

Ha myttin, troblys veu y spyrys, hag ev a dhannvonas ha gelwel oll an goelyogyon a Ejyp hag oll hy thus fur, ha Faro a dherivas y hunros dhedha, mes nyns esa denvyth a wodhva aga styrya dhe Faro.

Salmow 37:35

My re welas an tebelwas didruedh, hag ev ow klasa avel baywydhenn las.

Ysay 44:25

neb a lett toknys oferysi-dhargan, hag a wra ges a goelyogyon; neb a dreyl tus fur war-dhelergh, ha gul foll aga godhvos;

Ezekiel 31:3

Otta Assyria, kederwydhenn yn Lebanon, gans skorr teg, ow ri skeus dhe'n koes, meur hy ughelder; hy thopp a veu ynter an kommol.

Daniel 1:4

gwer yowynk dhinamm, teg dhe weles, ha konnyk yn pub furneth, leun a skians, ow konvedhes dyskans, ha gwiw rag servya yn palys an myghtern, ha dhe dhyski dhedha lytherennow ha taves an Kaldeanys.

Daniel 2:10

An Kaldeanys a worthybis dhe'n myghtern ow leverel, ‘Nyns eus denvyth y'n bys neb a yll styrya mater an myghtern; yndella ny wrug myghtern, na gwalader na rewler govynn tra a'n par ma dhiworth huder, po dhiworth gorhenyas, po dhiworth Kaldean.

Daniel 2:27

Daniel a worthybis a-rag an myghtern ow leverel: ‘Nyns eus tus fur, na gorhenysi, na hudoryon, na koelyogyon neb a woer diskwedhes dhe'n myghtern an kevrin re beu govynnys gans an myghtern,

Daniel 2:7

I a worthybis arta, ‘Re wrello an myghtern derivas an hunros dh'y servysi, ha ni a dhiskwedh hy styr.’

Daniel 3:8

Ytho rakhenna orth an prys ma, nebes gwer a Kaldea a dheuth nes, hag a guhudhas an Yedhewon.

Daniel 4:18

‘An hunros ma a welis vy, myghtern Nebukadnessar. Ty, A Belteshassar, deriv hy styr, rag na ylli oll an dus fur y'm ruvaneth diskwedhes dhymm hy styr; mes ty a yll, rag bos ynnos spyrys an duwow sans.’

Daniel 5:7

An myghtern a armas yn ughel rag dri an worhenysi, an Kaldeanys, ha'n goelyogyon. Ev a leveris dhe'n dus fur a Babylon, ‘Seul a rettyo an skrif ma, hag a dhiskwettho dhymm y styr, a vydh gwiskys yn purpur, gans kadon owr a-dro dh'y gonna, hag a vydh an tressa rewler y'n ruvaneth.’

Daniel 5:8

Ena y teuth oll tus fur an myghtern, mes ny wodhyens redya an skrif na, na diskwedhes y styr dhe'n myghtern.