Daniel 4:6 - An Bibel Kernewek 20234 (Kernewek Kemmyn)

⁶ Rag hemma my a wrug ordenans may fe dres a-ragov oll an dus fur a Babylon, rag may tiskwetthens dhymm styr an hunros.

Daniel 4:6 Iomraidhean Croise

Eksodus 7:11

Ena Faro a elwis an dus fur ha'n bystrioryon; hag i ynwedh, hudoryon Ejyp, a wrug an keth tra der aga artow kevrinek.

Ysay 8:19

Mar leverons dhywgh, ‘Hwilewgh kusul a nygromonsoryon ha koelyogyon neb a hwyster ha hanasa; a ny goedh dhe bobel hwila aga Duw, hwila kusul an re varow a-barth an re vew

Daniel 1:17

Dhe'n peswar mab ma, Duw a ros dyskans ha skians yn pub lyenn ha furneth; ha Daniel a gonvedhi pub gwelesigeth ha hunros.

Daniel 2:2

Ena an myghtern a erghis may fe gelwys an hudoryon, an worhenysi, an bystrioryon, ha'n Kaldeanys, rag displegya dhe'n myghtern y hunrosow. Ytho y teuthons a-ji ha sevel a-dherag an myghtern.

Daniel 2:48

Ena ev a ughelhas Daniel, ha ri dhodho meur a rohow bras, ha'y wul rewler war rannvro Babylon oll, ha bos penn an bennternedh war oll an dus fur a Babylon.

Daniel 4:15

Mes gas kyf hy gwreydh y'n dor, kelmys gans kyngel a horn ha brons, yn gwels yr an gwel. Gans gluth an nev re bo ev glybys, ha re bo y rann gans an bestes yn gwels an dor.

Daniel 5:11

yma y'th ruvaneth gour hag ynno spyrys an duwow sans. Yn dydhyow dha das y feu kevys ynno golow, skians ha furneth, avel furneth an duwow. Myghtern Nebukadnessar, dha das, a'n gwrug penn an hudoryon, an worhenysi, an Kaldeanys, ha'n goelyogyon;

Daniel 5:7

An myghtern a armas yn ughel rag dri an worhenysi, an Kaldeanys, ha'n goelyogyon. Ev a leveris dhe'n dus fur a Babylon, ‘Seul a rettyo an skrif ma, hag a dhiskwettho dhymm y styr, a vydh gwiskys yn purpur, gans kadon owr a-dro dh'y gonna, hag a vydh an tressa rewler y'n ruvaneth.’