Daniel 4:34 - An Bibel Kernewek 20234 (Kernewek Kemmyn)

³⁴ Orth diwedh an dydhyow, my, Nebukadnessar, a dhrehevis ow dewlagas dhe nev, ha'm skians a dheuth arta dhymm. My a vennigas an Ughella, ha gul gormel ha gologhas dhe'n neb a vew bys vykken. Rag y vestrynses yw mestrynses a bes vynitha, ha'y wlaskor a dhur a henedh dhe henedh;

Daniel 4:34 Iomraidhean Croise

2 Samuel 22:31

Duw – y fordh yw perfydh; lavar an Arloedh yw prevys; skoes yw dhe seul a hwila skovva ynno.

1 Kroniklys 29:10

Davydh a vennigas an Arloedh a-dherag an kuntelles oll. Ha Davydh a leveris, ‘Benniges os, A Arloedh, Duw Ysrael agan tas, bys vykken ha bynnari.

1 Kroniklys 29:13

Ha lemmyn, agan Duw, ni a woer gras dhis ha ni a wormel dha hanow gloryus.

Job 1:21

Hag ev a leveris, ‘Noeth y teuth vy dhiworth torr ow mamm, ha noeth y tehwelav ena; an Arloedh a ros, ha'n Arloedh re gemmeras dhe-ves; benniges re bo hanow an Arloedh.’

Salmow 10:16

An Arloedh yw Myghtern bys vykken ha bynnari; an kenedhlow res eth dhe goll yn-mes a'y dir ev.

Salmow 102:24

My a leveris, ‘Ow Duw, na dhog vy yn-mes yn mysk ow dydhyow; dha vlydhynyow a dhur a unn henedh dhe'n nessa.’

Salmow 107:15

A krassens i dhe'n Arloedh y dregeredh, ha'y varthusyon rag mebyon den!

Salmow 107:22

Ha gwrens i offrynna offrynnow grasyans, ha derivas y wriansow gans kanow lowena.

Salmow 107:31

A krassens i dhe'n Arloedh y dregeredh, ha'y varthusyon rag mebyon den!

Salmow 107:8

A krassens i dhe'n Arloedh y dregeredh, ha'y varthusyon rag mebyon den!

Salmow 111:7

Gwriansow y dhiwleuv yw gwirder ha gwirvreus; oll y arghadowyow yw sur.

Salmow 121:1

My a dhrehav ow dewlagas dhe'n menydhyow; a-ble teu ow gweres?

Salmow 123:1

Dhiso jy y trehavav ow dewlagas, ty neb yw esedhys war dha dron y'n nevow.

Salmow 145:13

Dha wlaskor yw gwlaskor nevra a bes, ha'th vestrynses a dhur a unn henedh dhe'n nessa. An Arloedh yw len yn oll y eryow, ha grassyes yn oll y oberow.

Salmow 146:10

An Arloedh a reyn bynitha, dha Duw, A Sion, a unn henedh dhe'n nessa. Gormelewgh an Arloedh.

Salmow 50:14

Offrynn grasyans dhe Dhuw, ha kollanw dha ambosow dhe'n Ughella.

Salmow 66:7

Ev a rewl der y nerth bynitha; y dhewlagas a aspi an kenedhlow; na vedhes an re worth ughelhes.

Salmow 7:17

My a wormel an Arloedh herwydh y ewnder, ha kana gormola dhe hanow an Arloedh, an Ughella.

Salmow 9:2

My a lowenha hag a vydh fest heudhik ynnos; my a gan gormola dhe'th hanow, an Ughella.

Salmow 92:1

Da yw grassa dhe'n Arloedh, ha kana gormola dhe'th hanow, an Ughella,

Ysay 13:11

My a gessydh an norvys rag y dhroktra, ha'n debeles rag aga sherewynsi. My a wra dhe woeth an re orgelus sessya, hag uvelhe balghder turans.

Ysay 2:11

Dewlagas balghder den a vydh uvelhes, ha goeth tus a vydh iselhes, ha'n Arloedh unnsel a vydh ughelhes y'n jydh na.

Ysay 24:15

Rakhenna y'n howldrevel ri glori dhe'n Arloedh; hanow an Arloedh, Duw Ysrael, yn ynysow an mor.

Yeremia 10:10

Mes an Arloedh yw gwir Dhuw, ev yw an Duw bew, ha myghtern heb diwedh: orth y sorr an norvys a gren, ha ny yll an kenedhlow perthi y sorrvann.

Kynvannow 3:38

A nyns yw yn-mes a anow an Ughella y teu drog ha da?

Daniel 12:7

Hag y klewis an gour gwiskys yn lien esa a-ugh dowrow an avon; ev a dhrehevis y dhorn dhyghow ha'y dhorn gledh war-tu ha'n nevow, hag ev a dos ti re Dhuw a vew bys vykken: ‘Wosa oes, dew oes ha hanter oes, pan vydh kowlwrys shyndyans nerth an bobel sans, oll an taklow ma a vydh kewerys.’

Daniel 2:44

Hag yn dydhyow an vyghternedh ma, y hwra Duw an nevow drehevel gwlaskor na vydh nevra diswrys, ha ny vydh hy myghternsys gesys dhe gen bobel. Hi a wra terri dhe demmyn ha distrui oll an ruvanethow ma, ha pesya bys vykken.

Daniel 4:2

Da yw genev diskwedhes an toknys ha'n anethow re wrug Duw Ughella ragov.

Daniel 4:26

Ha dell o erghys gasa kyf gwreydhyow an wydhenn, y fydh dha ruvaneth sur ragos wosa ty dhe aswonnvos an rewl a nev.

Daniel 4:3

Ass yw bras y toknys, ass yw krev y anethow! Y vyghternsys yw myghternsys a dhur bys vykken, ha'y vestrynses a henedh dhe henedh.

Daniel 4:32

hag i a'th fes pell dhiworth tus, ha'th annedh a vydh gans an bestes gwyls, hag i a'th wra dhe dhybri gwels avel oghen; warnas y tremen seyth seson bys pan wodhvydhydh bos an Ughella rewler yn gwlaskor mab-den, hag ev a's re dhe neb a vynno.’

Daniel 4:36

Yn keth prys na y tehwelis dhymm ow skians; ha rag enor ow myghternsys, ow meuredh ha'm splannder a dhehwelis dhymm. Ow husulyoryon ha'm arlydhi a'm hwila, hag y feuv daskorrys y'm myghternsys, ha moy a veuredh a veu keworrys warnav.

Daniel 5:18

A vyghtern, an Duw Ughella a ros dhe'th tas Nebukadnessar myghternsys ha meuredh hag enor ha splannder;

Daniel 5:21

Ev a veu herdhys pell a vab-den, ha'y vrys a veu gwrys avel best, ha'y annedh o gans an asenes gwyls; i a ros dhodho gwels dhe dhybri avel oghen, ha glyb o y gorf gans gluth a nev, bys pan gonvedhas bos an Duw Ughella ow rewlya gwlaskor mab-den, hag a sett warnodho neb a vynn.

Daniel 6:26

Ordenans a wrav, yn pub arloetteth a'm ruvaneth, may hwrello tus krena ha kavoes own a-rag Duw Daniel, Rag ev yw an Duw bew, neb a dhur bys vykken; nevra ny vydh y wlaskor distruys, ha'y roweth a vydh bys y'n diwedh.

Daniel 7:14

Ha dhodho y feu res mestrynses, hag enor ha myghternsys; hag oll an poblow, kenedhlow ha tavosow a'n servyas. Y vestrynses yw mestrynses a dhur bys vykken a ny dremen dhe-ves, ha'y ruvaneth ny vydh distruys.

Daniel 7:27

Ha'n wlaskor ha'n mestrynses ha meuredh an gwlaskordhow yn-dann oll an nev a vydh res dhe bobel syns an Ughella. Y wlaskor a vydh gwlaskor a dhur bys vykken, hag oll an rewloryon a wra y servya hag orto bos gostydh.’

Daniel 9:14

Yndella an Arloedh a woelyas, ow hwilas chons dhe dhri an droglamm warnan; rag gwiryon yw an Arloedh agan Duw yn y weythresow oll, ha ny woslowsyn orth y lev.

Yona 1:14

Ytho i a grias war an Arloedh ow leverel, ‘A Arloedh, ni a'th pys, na as ni dhe vos dhe goll rag bewnans an gour ma, ha na worr warnan an blam rag skoellya goes gwiryon; rag ty, A Arloedh, re wrug kepar dell veu dha vodh.’

Mika 4:7

hag a'n evredhyon y hwrav vy remenant; ha'n re a veu tewlys dhe skoell, kenedhel grev; ha'n Arloedh a reyn dresta yn menydh Sion alemma rag ha bynitha.

Luk 1:33

ha reynya a wra war ji Yakob bynitha; ha dh'y vyghternsys ny vydh diwedh.’

Luk 18:13

Mes an toller a sevis a-bell ha ny vynni na hwath drehevel y dhewlagas dhe nev, mes ev a weskis y vronn ha leverel, “Duw, kemmer truedh ahanav, peghador.”

Yowann 5:26

Rag kepar dell eus dhe'n Tas bewnans ynno y honan, yndella ynwedh ev re wrontyas dhe'n Mab kavoes bewnans ynno y honan.

Dewteronomi 32:4

An Garrek – perfydh yw y ober, rag oll y fordhow yw ewn; Duw a lenduri, heb kammhynseth, gwiryon ha kompes yw ev.

1 Timothi 1:17

Dhe Vyghtern an oesow, anvarwel, diwel, an unn Duw, re bo enor ha gordhyans trank heb worfenn. Amen.

1 Timothi 6:16

neb yn unnsel yw anvarwel, neb a drig yn golow na yllir dos nes dhodho; neb na wrug denvyth y weles na ny yll denvyth y weles. Dhodho ev re bo enor ha galloes bys vykken. Amen.

Diskwedhyans 10:6

ha lia re neb a vew trank heb worfenn, a wrug gul an nev, ha'n taklow usi ynno, ha'n dor ha'n taklow usi ynno, ha'n mor ha'n taklow usi ynno, ‘Na vedha lett namoy;

Diskwedhyans 11:15

Ha'n seythves el a hwythas an hirgorn, hag yth esa levow bras yn nev ow leverel, ‘Gwlaskor an bys ma res eth ha bos gwlaskor agan Arloedh ha'y Grist, hag ev a reyn trank heb worfenn.’

Diskwedhyans 4:10

an peswar henavek warn ugens a wra koedha dhe'n dor a-dherag neb yw esedhys war an tron, hag omblegya dhe neb a vew trank heb worfenn, ha tewlel aga hurunyow a-dherag an tron, ow leverel,

Diskwedhyans 4:9

Ha pan wra an kreaturs bew ri gordhyans hag enor ha grasow dhe neb yw esedhys war an tron, neb a vew trank heb worfenn,