Daniel 4:32 - An Bibel Kernewek 20234 (Kernewek Kemmyn)

³² hag i a'th fes pell dhiworth tus, ha'th annedh a vydh gans an bestes gwyls, hag i a'th wra dhe dhybri gwels avel oghen; warnas y tremen seyth seson bys pan wodhvydhydh bos an Ughella rewler yn gwlaskor mab-den, hag ev a's re dhe neb a vynno.’

Daniel 4:32 Iomraidhean Croise

2 Kroniklys 33:13

Ev a bysis dhodho, ha Duw a gemmeras y bysadow hag a glewas y bledyans, hag a'n dros arta dhe Yerusalem ha'y dhaskorra dh'y ruvaneth. Ena Manasse a wodhya bos an Arloedh an gwir Dhuw.

Job 42:2

‘My a woer y hyllydh gul pup-tra, ha ny yll towl ahanas bos lestys.

Job 9:12

Awotta, ev a gib dhe-ves; piw a yll y lettya? Piw a yll leverel dhodho, “Pandr'a wredh?”

Salmow 115:3

Mes agan Duw, yma ev y'n nevow; ev re wrug kekemmys a vynnas.

Salmow 135:6

Pup-tra a vynnas an Arloedh, ev a'n gwrug yn nev hag yn nor, y'n moryow hag y'n downderyow oll.

Eksodus 8:10

Hag y leveris, ‘A-vorow.’ Moyses a leveris, ‘Bedhes par dell leverydh, may hwodhvi nag eus nagonan avel an Arloedh agan Duw.

Eksodus 9:14

Rag an dreveth ma my a wra dannvon oll ow flagys war dha golonn, ha war dha servysi ha war dha bobel, may hwodhvi nag eus nagonan avelov vy yn oll an nor.

Eksodus 9:29

Moyses a leveris dhodho, ‘Kettell av vy a'n sita, my a wra ystynn ow diwla dhe'n Arloedh; hedhi a wra an taran, ha ny vydh namoy keser, may hwodhvi bos an nor dhe'n Arloedh.

Ysay 37:20

Lemmyn, A Arloedh agan Duw, saw ni yn-mes a'y leuv, may hwodhvo oll gwlaskordhow an norvys, ty dha honan dhe vos an Arloedh.’

Ysay 40:15

Otta, an kenedhlow yw avel banna dhiworth kelorn, hag avel polter war an vantol synsys yns. Otta, ev a gemmer an ynysow yn-bann avel ponn.

Ysay 40:17

An kenedhlow oll yw avel mann a-ragdho; synsys yns ganso le es mann, ha gwakter.

Ysay 45:3

My a re dhis tresoryow a dewlder, ha rychys kudhys yn tylleryow kevrinek, rag may hwodhvi yth yw my, an Arloedh, Duw Ysrael, neb a'th elow orth dha hanow.

Yeremia 27:5

My re wrug an nor, an den ha'n best usi war an nor, der ow galloes meur ha der ow bregh ystynnys, ha'y ri dhe biwpynag a blekkyo dhymm.

Daniel 2:21

Ev a dreyl an prysyow ha'n sesonyow; ev a remov myghternedh ha sevel myghternedh; ev a ro furneth dhe'n re fur, ha godhvos dhe'n re a woer konvedhes.

Daniel 4:31

Pan esa an geryow hwath yn ganow an myghtern, y koedhas lev a'n nevow: ‘Dhis y leverir, A Nebukadnessar an myghtern: gallas an ruvaneth dhiworthis,

Daniel 5:21

Ev a veu herdhys pell a vab-den, ha'y vrys a veu gwrys avel best, ha'y annedh o gans an asenes gwyls; i a ros dhodho gwels dhe dhybri avel oghen, ha glyb o y gorf gans gluth a nev, bys pan gonvedhas bos an Duw Ughella ow rewlya gwlaskor mab-den, hag a sett warnodho neb a vynn.

Yoshua 4:24

may hwodhve oll poblow an norvys bos krev leuv an Arloedh, ha may perthewgh own a'n Arloedh agas Duw bys vykken.’