Daniel 4:31 - An Bibel Kernewek 20234 (Kernewek Kemmyn)

³¹ Pan esa an geryow hwath yn ganow an myghtern, y koedhas lev a'n nevow: ‘Dhis y leverir, A Nebukadnessar an myghtern: gallas an ruvaneth dhiworthis,

Daniel 4:31 Iomraidhean Croise

Jenesis 14:18

Ha Melkisedek myghtern Salem a dhros yn-mes bara ha gwin, hag ev o oferyas Duw Ughella.

Job 20:23

Wosa ev dhe lenwel y dorr Duw a dhannvon y sorr fers warnodho, ha gul dhodho koedha warnodho avel glaw, hag ev ow tybri.

Salmow 145:13

Dha wlaskor yw gwlaskor nevra a bes, ha'th vestrynses a dhur a unn henedh dhe'n nessa. An Arloedh yw len yn oll y eryow, ha grassyes yn oll y oberow.

Lavarow Koth 29:23

Goeth den a'n dre isel, mes neb yw uvel yn spyrys a'n jevydh enor.

Ysay 14:27

Ytho Arloedh an luyow re erviris, ha piw a'n lest? Y leuv yw ystynnys, ha piw a's treyl dhe-ves?

Daniel 12:7

Hag y klewis an gour gwiskys yn lien esa a-ugh dowrow an avon; ev a dhrehevis y dhorn dhyghow ha'y dhorn gledh war-tu ha'n nevow, hag ev a dos ti re Dhuw a vew bys vykken: ‘Wosa oes, dew oes ha hanter oes, pan vydh kowlwrys shyndyans nerth an bobel sans, oll an taklow ma a vydh kewerys.’

Daniel 4:24

ottomma an styr, A vyghtern: ordenans an Ughella yth yw, hag yw devedhys erbynn ow arloedh an myghtern,

Daniel 4:26

Ha dell o erghys gasa kyf gwreydhyow an wydhenn, y fydh dha ruvaneth sur ragos wosa ty dhe aswonnvos an rewl a nev.

Daniel 4:30

An myghtern a gewsis ow leverel, ‘A nyns yw homma Babylon veur, hag a dhrehevis vy avel chi ryel dre nerth ow galloes, ha rag enor ow meuredh?’

Daniel 4:32

hag i a'th fes pell dhiworth tus, ha'th annedh a vydh gans an bestes gwyls, hag i a'th wra dhe dhybri gwels avel oghen; warnas y tremen seyth seson bys pan wodhvydhydh bos an Ughella rewler yn gwlaskor mab-den, hag ev a's re dhe neb a vynno.’

Daniel 4:34

Orth diwedh an dydhyow, my, Nebukadnessar, a dhrehevis ow dewlagas dhe nev, ha'm skians a dheuth arta dhymm. My a vennigas an Ughella, ha gul gormel ha gologhas dhe'n neb a vew bys vykken. Rag y vestrynses yw mestrynses a bes vynitha, ha'y wlaskor a dhur a henedh dhe henedh;

Daniel 5:20

Mes pan veu ughelhes y golonn ha kaleshes y spyrys, may tyghtyas gans goeth, y feu tennys a'y dron ryel, ha'y enor a veu degemmerys dhiworto.

Daniel 5:28

peres, dha ruvaneth yw rynnys ha res dhe'n Medys ha dhe'n Persianys.’

Daniel 6:27

Delivra ha sawya a wra, ev a wra toknys hag anethow yn nev hag yn nor; ev re sawyas Daniel dhiworth galloes an lewyon.’

Matthew 3:17

hag awotta lev yn-mes a'n nevow ow leverel, ‘Hemm yw ow Mab karadow, mayth usi ynno ow delit.’

Luk 12:20

Mes Duw a leveris dhodho, “Ty foll, haneth y'n nos dha enev a vydh rekwirys dhiworthis; ha'n pythow a bareussys, piw dhodho y fydhons?”

Yowann 12:28

A Das, gwra glorifia dha hanow.’ Ena lev a dheuth dhiworth nev, ‘My a'n glorifias, ha my a'n glorifi arta.’

1 Thessalonianys 5:3

Tus pan leverons, ‘Yma kres ha diogeledh’, ena diswrians tromm a dheu warnedha kepar ha gloes dineythyans dhe venyn gans flogh, ha ny wrons diank mann.

Diskwedhyans 16:7

Ha my a glewas an alter ow leverel, ‘Dhe wir, A Arloedh Duw Ollgalloesek, gwir hag ewn yw dha vreusow.’

1 Samuel 13:14

mes lemmyn ny wra dha wlaskor durya; an Arloedh re hwilas ragdho gour war-lergh y golonn y honan, ha'n Arloedh re'n apoyntyas dhe vos rewler war y bobel, drefenn na withsys an pyth a erghis an Arloedh dhis.’

1 Samuel 15:23

Rag rebellyans yw avel pegh dewinieth, ha gorthter yw kepar ha kammweyth ha gordhyans idolys. Drefenn ty dhe skonya ger an Arloedh, ev ynwedh re'th skonyas a vones myghtern.’