Daniel 4:14 - An Bibel Kernewek 20234 (Kernewek Kemmyn)

¹⁴ Ev a armas yn fen, ow leverel, “Hakkyewgh an wydhenn dhe'n leur, ha treghewgh hy skorrow dhe-ves; kryghyllewgh hy delyow kwit ha skoellewgh hy frut; fies an bestes a-dhanno, ha'n ydhyn mes a'y skorrow.

Daniel 4:14 Iomraidhean Croise

Job 24:20

An dorr a'n ankev, hweg yw dhe'n gontron; ny berthir kov anodho na fella; ytho kammhynseth yw terrys kepar ha gwydhenn.”

Yeremia 27:5

My re wrug an nor, an den ha'n best usi war an nor, der ow galloes meur ha der ow bregh ystynnys, ha'y ri dhe biwpynag a blekkyo dhymm.

Yeremia 51:6

Fiewgh yn-mes a Babylon, re sawyo peub y vewnans! Na ewgh dhe goll drefenn hy anewnder, rag hemm yw termyn dial an Arloedh; ev a attal dhedhi hy gober.

Yeremia 51:9

Ni a assayas yaghhe Babylon, mes ny allas hi bos yaghhes. Gesewgh hi, ha gwren ni mos peub dh'y vro y honan; rag hy barn re dhrehedhas bys yn nev ha re beu drehevys hwath dhe'n ebron.

Ezekiel 31:10

Rakhenna yndellma y lever an Arloedh Duw: Drefenn hi dhe devi ughel, ha settya hy thopp ynter an kommol, ha rag bos hy holonn goethus yn hy ughelder,

Daniel 2:21

Ev a dreyl an prysyow ha'n sesonyow; ev a remov myghternedh ha sevel myghternedh; ev a ro furneth dhe'n re fur, ha godhvos dhe'n re a woer konvedhes.

Daniel 3:4

Ha krier a grias yn fen, ‘Gorhemmynnys owgh hwi, A boblow, A genedhlow, A davosow,

Daniel 4:12

Teg o hy del, ha leun o hi a frut, hag ynni yth esa boes rag peub-oll. Yn-danni y hwre bestes gwyls kavoes skeus, hag yth esa ydhyn an ebron trigys yn hy skorrow; dhiworti y fedha megys pub kig.

Daniel 4:23

Ha'n pyth re welas an myghtern, goelyador, sans hogen, ow tiyskynna a nev ha leverel, “Hakk an wydhenn dhe'n leur, ha'y distrui; mes gas kyf hy gwreydhyow y'n dor, kelmys gans kyngel a horn ha brons, yn gwels yr an gwel: gans gluth an nev re bo ev glybys, ha re bo y rann gans bestes gwyls erna dremenno warnodho seyth seson” –

Daniel 4:29

Orth penn dewdhek mis, yth esa ev ow kerdhes ev war do an palys ryel yn Babylon.

Daniel 5:20

Mes pan veu ughelhes y golonn ha kaleshes y spyrys, may tyghtyas gans goeth, y feu tennys a'y dron ryel, ha'y enor a veu degemmerys dhiworto.

Daniel 5:21

Ev a veu herdhys pell a vab-den, ha'y vrys a veu gwrys avel best, ha'y annedh o gans an asenes gwyls; i a ros dhodho gwels dhe dhybri avel oghen, ha glyb o y gorf gans gluth a nev, bys pan gonvedhas bos an Duw Ughella ow rewlya gwlaskor mab-den, hag a sett warnodho neb a vynn.

Matthew 3:10

Ha lemmyn yma an voel gorrys war wreydhenn an gwydh; pub gwydhenn ytho na dheg frut da a vydh treghys dhe'n dor ha tewlys yn tan.

Matthew 7:19

Pub gwydhenn na dheg frut da a vydh treghys dhe'n dor ha tewlys y'n tan.

Luk 3:9

Ha lemmyn ynwedh yma an voel gorrys orth gwreydhenn an gwydh; ytho pub gwydhenn na dheg frut da yw treghys dhe'n dor ha tewlys yn tan.’

Diskwedhyans 10:3

Hag ev a armas ughel y lev kepar dell wra lew usa, ha pan armas, an seyth taran a gewsis gans aga lev.

Diskwedhyans 18:2

Hag ev a armas, nerthek y lev, ow leverel, ‘Koedhys, koedhys yw Babylon vras, ha devedhys yw trigva dywolow ha menowghva pub spyrys avlan, ha menowghva pub edhen avlan, ha menowghva pub best avlan ha kasadow.