Daniel 4:13 - An Bibel Kernewek 20234 (Kernewek Kemmyn)

¹³ ‘Yth esen war ow gweli ow mires orth gwelesigethow ow fenn, hag ottena goelyador, sans hogen, ow tiyskynna a nev.

Daniel 4:13 Iomraidhean Croise

Job 12:24

Ev a gemmer dhe-ves konvedhes dhiworth rewloryon pobel an tir, ha gul dhedha gwandra yn difeyth heb fordh.

Salmow 103:20

Bennigewgh an Arloedh, hwi eledh ev, hwi alloesogyon a wra herwydh y er ev, seul a woslow orth y lev pan gews ev.

Salmow 89:7

Ownys yw Duw yn kuntelles an syns; pur euthyk a-ugh oll an re usi yn y gyrghynn.

Daniel 4:10

An gwelesigethow y'm penn war ow gweli: Yth esen ow mires, hag otta gwydhenn yn kres an dor, ha meur o hy ughelder.

Daniel 4:17

Der ordenans an woelysi yw an vreus, ha dre gows an syns yw an ervirans, rag may konvettho an re vew bos an Ughella rewler yn gwlaskor mab-den; hag ev a's re dhe'n neb a vynn, hag a sett warnedhi an isella a dus.”

Daniel 4:23

Ha'n pyth re welas an myghtern, goelyador, sans hogen, ow tiyskynna a nev ha leverel, “Hakk an wydhenn dhe'n leur, ha'y distrui; mes gas kyf hy gwreydhyow y'n dor, kelmys gans kyngel a horn ha brons, yn gwels yr an gwel: gans gluth an nev re bo ev glybys, ha re bo y rann gans bestes gwyls erna dremenno warnodho seyth seson” –

Daniel 4:5

Hunros a welis hag a wrug own dhymm; prederow war ow gweli ha gwelesigethow ow fenn a'm euthega.

Daniel 7:1

Y'n kynsa blydhen a Belshassar myghtern Babylon, Daniel a welas Daniel hunros ha gwelesigethow yn y benn, hag ev a'y wrowedh yn y weli. Ena ev a skrifas an hunros, ha derivas an mater yn kott.

Daniel 7:17

‘An bestes bras ma, peswar aga niver, a styr peswar myghtern neb a wra sevel a'n dor;

Daniel 7:23

Yndellma y leveris: ‘An peswora best a styr an peswora gwlaskor y'n norvys, hag a vydh dihaval dhe oll an gwlaskordhow erell; hi a wra devorya oll an norvys, ha'y stankya ha'y derri dhe demmyn.

Daniel 8:13

Ha my a glewas unn sans ow kewsel; ha sans arall a leveris dhodho ev neb a gewsi, ‘Dre bes termyn y fydh an welesigeth a-dro dhe'n offrynn pub-dydhyek, ha'n treuspass a dhifeythyans, hag omrians an tyller sans ha'n lu dhe vos stankys yn-dann dreys?’

Zekaria 14:5

Hwi a wra fia dre nans ow menydhyow; rag nans an menydhyow a dhrehedh bys Asal. Hwi a wra fia dhe'n fo kepar dell fisowgh a-rag an dorgrys yn dydhyow Uzzia myghtern Yuda. Ena an Arloedh ow Duw a dheu, hag oll an syns genes.

Matthew 25:31

‘Ha Mab an den pan dheu yn y wolewder, hag oll an eledh ganso, ena yth esedh war dron y wolewder.

Mark 1:24

‘Pandr'a vynnydh tejy genen ni, Yesu a Nazareth? Osta devedhys rag agan diswul ni? My a'th aswonn piw os, an Sans a Dhuw.’

Luk 4:34

‘Ha! Pandr'a vynnydh tejy genen ni, Yesu a Nazareth? Osta devedhys rag agan diswul ni? My a'th aswonn, piw os, an Sans a Dhuw.’

Dewteronomi 33:2

Ev a leveris: An Arloedh a dheuth dhiworth Sinay, ha tardha warnedha dhiworth Seir; ev a splannas dhiworth menydh Paran, hag ev a dheuth gans degow a vilyow a syns; ha tan a flammyas dhiworth y leuv dhyghow.

Lyther Yud 1:14

A-dro dhe'n re ma y'n seythves henedh a Adam y profoesas Enok pan leveris, ‘Otta, an Arloedh a dheuth gans y dheg-vilyow a syns,

Diskwedhyans 14:10

ev ynwedh a wra eva a'n gwin a'n sorr a Dhuw, dinewys heb gwannhe y'n hanaf a'y sorr, hag ev a vydh tormentys gans tan ha loskven a-dherag an eledh sans hag a-dherag an Oen.