Daniel 4:12 - An Bibel Kernewek 20234 (Kernewek Kemmyn)

¹² Teg o hy del, ha leun o hi a frut, hag ynni yth esa boes rag peub-oll. Yn-danni y hwre bestes gwyls kavoes skeus, hag yth esa ydhyn an ebron trigys yn hy skorrow; dhiworti y fedha megys pub kig.

Daniel 4:12 Iomraidhean Croise

Job 12:24

Ev a gemmer dhe-ves konvedhes dhiworth rewloryon pobel an tir, ha gul dhedha gwandra yn difeyth heb fordh.

Job 14:7

‘Rag yma govenek dhe wydhenn: mars yw treghys dhe'n dor, hi a skyll arta, ha ny fyll hy eginyow.

Job 14:9

hwath der an ethenn a dhowr hi a vleujyow ha dyllo eginyow kepar ha plans yowynk.

Kynvannow 4:20

Untys an Arloedh, anall agan dewfrik, a veu kechys yn aga antylli, may leversyn anodho ‘Yn-dann y skeus y fewyn ni yn mysk an kenedhlow.’

Ezekiel 17:23

Yn ughella menydh Ysrael my a'n plans, may hallo dri yn-mes skorrennow ha doen frut, ha dos ha bos kederwydhenn vryntin, ha pub par edhen a drig yn-danno, ha pub par kreatur askellek a drig yn skeus y skorrennow.

Ezekiel 31:17

An re esa trigys yn hy skeus, hy heffrysysi yn mysk an kenedhlow, i ynwedh dhiyskynnas dhe ifarn gensi, dhe'n re ledhys gans an kledha.

Daniel 4:14

Ev a armas yn fen, ow leverel, “Hakkyewgh an wydhenn dhe'n leur, ha treghewgh hy skorrow dhe-ves; kryghyllewgh hy delyow kwit ha skoellewgh hy frut; fies an bestes a-dhanno, ha'n ydhyn mes a'y skorrow.

Matthew 13:32

Hi yw an byghanna a oll an hasennow, mes pan vo tevys, an brassa yw hi yn mysk oll an losow ha hi a dheu ha bos gwydhenn may teu ydhyn an ayr ha triga yn hy skorrennow.’

Mark 13:32

‘Mes a-dro dhe'n jydh na ha'n eur, ny woer denvyth, naneyl an eledh yn nev, na'n Mab, marnas an Tas.

Mark 4:32

ha wosa hy bos hesys, hi a dyv yn-bann, hag a dheu ha bos brassa ages oll an losow, hag a dheg skorrennow meur, may hallo ydhyn an nevow triga yn-dann an goskes anedhi.’

Luk 13:19

Haval yw dhe hasenn kedhow a wrug nebonan hy hemmeres ha'y hasa yn y lowarth, ha hi a devis, ha dos ha bos gwydhenn veur, hag yth esa ydhyn an ayr trigys yn hy skorrennow.’