Daniel 4:1 - An Bibel Kernewek 20234 (Kernewek Kemmyn)

¹ Nebukadnessar an myghtern, dhe oll an poblow, an kenedhlow ha'n tavosow trigys y'n norvys oll: Pals re bo agas kres!

Daniel 4:1 Iomraidhean Croise

1 Kroniklys 12:18

Ena an Spyrys a dheuth war Amasay, penn an deg warn ugens, hag ev a leveris, ‘Ni yw dhis, A Davydh, ni yw genes, A vab Yesse! Kres, kres dhis, ha kres dhe'th weresoryon, rag dha Dhuw a'th weres.’ Ena Davydh a's degemmeras ha'ga gul pennow an bagasow.

Ezra 4:17

Ena an myghtern a dhannvonas gorthyp: Dhe Rehum an chansler, ha dhe Shimshay an skrifwas, ha dh'aga heskowetha erell trigys yn Samaria, hag yn rannow erell an rannvro Dres-an-Avon: Salusyans.

Ezra 5:7

i a dhannvonas lyther dhodho hag ynno skrifys veu yndellma: Dhe Darius an myghtern. Salusyans oll.

Ester 3:12

Ena skrifwesyon an myghtern a veu gelwys y'n kynsa mis, y'n trydhegves dydh, ha skrifys veu poran dell arghsa Haman, dhe wahalyethow an myghtern ha dhe wovernours pub rannvro, ha dhe bennsevigyon pub pobel; dhe bub rannvro herwydh y skrif, ha dhe bub pobel herwydh hy thaves; y feu skrifys yn hanow an myghtern Ahasuerus, ha selys veu gans bysow an myghtern.

Ester 8:9

Ena, gelwys veu skrifwesyon an myghtern y'n eur na, y'n tressa mis, yw an mis Sivan, y'n tressa dydh warn ugens anodho; ha skrifys veu herwydh pup-tra a wrug Mordekay y erghi dhe'n Yedhewon, ha dhe'n wahalyethow, ha governours ha pennsevigyon an rannvroyow esa a-dhiworth Eynda bys yn Ethiopia, seyth rannvro ha hwegh ugens, dhe bub rannvro herwydh hy skrif, ha dhe bub pobel herwydh hy thaves, ha dhe'n Yedhewon herwydh aga skrif ha herwydh aga thaves.

Daniel 3:29

[95] My a dhyllo gorhemmynn: pub pobel, pub kenedhel ha pub taves neb a gews erbynn Duw Shadrak, Meshak hag Abednego, a vydh hakkys dhe demmyn, ha'y ji a vydh treylys dhe vern teyl; rag nyns eus Duw nahen neb a yll delivra yndellna.’

Daniel 3:4

Ha krier a grias yn fen, ‘Gorhemmynnys owgh hwi, A boblow, A genedhlow, A davosow,

Daniel 6:25

Ena myghtern Darius a skrifas dhe oll an poblow, kenedhlow ha tavosow trigys y'n norvys oll: ‘Pals re bo agas kres!

Daniel 6:27

Delivra ha sawya a wra, ev a wra toknys hag anethow yn nev hag yn nor; ev re sawyas Daniel dhiworth galloes an lewyon.’

Daniel 7:14

Ha dhodho y feu res mestrynses, hag enor ha myghternsys; hag oll an poblow, kenedhlow ha tavosow a'n servyas. Y vestrynses yw mestrynses a dhur bys vykken a ny dremen dhe-ves, ha'y ruvaneth ny vydh distruys.

Zekaria 8:23

Yndellma y lever Arloedh an luyow: Y'n dydhyow na deg gour dhiworth oll yethow an kenedhlow a dhalghenn lostenn an goen a wour yedhowek, ow leverel, ‘Deun ni genowgh hwi, rag ni re glewas bos Duw genowgh.’

Oberow 2:6

ha pan hwarva an tros ma, an routh a dheuth war-barth, ha penndegys ens drefenn pub huni dh'aga klewes ow kewsel yn y yeth y honan.

Romanyon 1:7

Dhe'n re oll usi yn Rom, kerys gans Duw, gelwys dhe vos syns: Gras dhywgh hwi ha kres a Dhuw agan Tas ha'n Arloedh Yesu Krist.

Efesianys 1:2

Gras dhywgh hwi ha kres dhiworth Duw agan Tas ha'n Arloedh Yesu Krist.

1 Timothi 1:2

Dhe Timothi, ow gwir flogh y'n fydh: Gras, tregeredh ha kres dhiworth Duw an Tas ha Krist Yesu agan Arloedh.

1 Peder 1:2

dewisys war-lergh ragwodhvos Duw an T as, yn sansheans an Spyrys, dhe wostytter ha skoellyans goes Yesu Krist: Gras ha kres re bo palshes dhywgh hwi.