Daniel 3:2 - An Bibel Kernewek 20234 (Kernewek Kemmyn)

² ha Nebukadnessar an myghtern a dhannvonas rag kuntell an wahalyethow, an bennternedh, ha'n wovernours, an vreusysi, an alhwedhoryon, an gusulyadoryon, an justisyow hag oll soedhogyon an rannvro, rag dones dhe sakrans an delow a wrussa Nebukadnessar an myghtern y dhrehevel.

Daniel 3:2 Iomraidhean Croise

1 Myghternedh 12:32

Yeroboam a fondyas goel y'n pymthegves dydh a'n ethves mis kepar ha'n goel yn Yuda, hag ev a offrynnas sakrifisow war an alter; yndella ev a wrug ynwedh yn Bethel, ow sakrifia dhe'n leughi re wrussa. Hag ev a worras yn Bethel oferysi an tylleryow ughel re wrussa.

Lavarow Koth 29:12

Mar koslow rewler orth gow, y soedhogyon oll a vydh tebelwesyon.

Daniel 3:27

[94] Ha'n wahalyethow, an bennternedh, ha'n wovernours, ha kusulyoryon an myghtern, neb a vedha kuntellys, a welas an wer ma; fatell ny'n jevia an tan galloes vyth war aga horf, nag o goleskys blewenn a'ga fenn, nag o treylys aga lavrek, nag esa fler an tan warnedha.

Daniel 3:3

Ena y feu kuntellys an wahalyethow, an bennternedh, ha'n wovernours, an vreusysi, an alhwedhoryon, an gusulyadoryon, an justisyow hag oll soedhogyon an rannvro, dhe sakrans an delow a wrussa Nebukadnessar an myghtern y dhrehevel; hag yth esens ow sevel a-rag an delow a wrussa Nebukadnessar y dhrehevel.

Niverow 25:2

An re ma a elwis an bobel dhe sakrifisow aga duwow, ha'n bobel a dhybris, hag omblegya dh'aga duwow.

Diskwedhyans 17:2

ha gensi myghternedh an norvys re wrug fornikasyon, ha trigoryon an nor re omvedhwis dre win hy fornikasyon.’

Breusysi 16:23

Lemmyn gwahalyethow an Filistysi a omguntellas rag offrynna sakrifis meur dh'aga duw Dagon ha rag lowenhe; rag y lavarsons, ‘Agan duw re ros Samson agan eskar yn agan leuv.’