Daniel 3:19 - An Bibel Kernewek 20234 (Kernewek Kemmyn)

¹⁹ Ena yth o Nebukadnessar leun a gonnar, ha semlans y vejeth a veu treylys erbynn Shadrak, Meshak hag Abednego; ytho ev a gewsis, hag erghi may fe an fornes poethhes seythkemmys moy ages dell vedha an us.

Daniel 3:19 Iomraidhean Croise

Jenesis 31:2

Ha Yakob a welas fas Laban, hag awotta, nyns o trohag ev kepar dell via kyns.

Ester 3:5

Ha pan welas Haman nag e Mordekay war benn-glin nag omblegya dhodho, Haman a veu lenwys a sorr.

Ester 7:7

Ena sevel a wrug an myghtern yn y gonnar dhiworth an kevewi a win ha mos bys yn lowarth an palys, ha Haman a wortas rag hwilas y vewnans orth Ester an vyghternes; rag ev a weli bos drog ervirys er y bynn gans an myghtern.

Salmow 76:10

Sorr mab-den a dreyl dhe'th wormola; remenant an sorr ty a wisk a-dro dhis avel grogys.

Lavarow Koth 16:14

Sorr myghtern yw kannas ankow, ha gour fur a'n diserr.

Lavarow Koth 21:24

An orgelus goethus, ‘Skornyer’ y hanow, a omdheg gans balghder dres musur.

Ysay 51:23

Ha my a'n gorr yn dorn dha dormentorys, neb a leveris dhis, ‘Pleg dhe'n dor rag may kerthyn warnas’; ha ty re wrug dha geyn avel an dor, hag avel an stret rag tus dhe dremena warnodho.

Daniel 2:12

Rag hemma, an myghtern eth yn sorr hag a wrug fernewi yn feur, hag a erghis may fe distruys pub den fur a Babylon.

Daniel 3:13

Ena Nebukadnessar o serrys fest, hag ev a erghis may fe dres Shadrak, Meshak hag Abednego. Ena i a's dros a-rag an myghtern.

Daniel 3:20

Hag ev a erghis dhe'n kreffa gwer yn y lu-ervys may kelmens Shadrak, Meshak hag Abednego, ha'ga thewlel y'n fornes a dan ow flammya.

Daniel 5:6

Ena liw an myghtern a dreylyas, y brederow a'n troblas, mellow y dhiwglun a omlowsyas, ha'y dhewlin a gnoukyas an eyl orth y gila.

Daniel 6:24

Ha'n myghtern a erghis, ha'n wesyon na re guhudhsa Daniel a veu kyrghys ha tewlys yn fow an lewyon – i, aga mebyon, ha'ga gwragedh; ha kyns i dhe dhrehedhes dhe woeles an fow, an lewyon a's fethas ha terri oll aga eskern dhe demmyn.

Levitikus 26:18

Ha mar ny vynnowgh koela orthiv yn spit dhe hemma, my a vynn agas kessydhya seythgweyth moy rag agas peghosow.

Levitikus 26:21

Ha mar kerdhowgh kontrari dhymmo vy, ha mar ny vynnowgh koela orthiv, my a dhre seythgweyth moy plagys warnowgh rag agas peghosow.

Levitikus 26:24

ena my ynwedh a gerdh kontrari dhywgh hwi, ha'gas kessydhya seythgweyth rag agas peghosow,

Levitikus 26:28

ena my ynwedh a gerdh kontrari dhywgh hwi, ha my ynwedh a wra agas kessydhya seythgweyth rag agas peghosow.

Oberow 5:33

Ha pan glewsons hemma, i a veu serrys meur, ha mynnes aga ladha.

Oberow 7:54

Lemmyn pan glewsons an taklow ma, konneryek vons yn aga holonnow, hag i a dheskornas orto.