Daniel 2:5 - An Bibel Kernewek 20234 (Kernewek Kemmyn)

⁵ An myghtern a worthybis dhe'n Kaldeanys ow leverel, ‘An mater re beu ervirys genev: mar ny'm gwrewgh dhe gonvedhes an hunros ha'y styr, y fydhowgh hakkys dhe demmyn, ha'gas chiow a vydh treylys dhe vern teyl.

Daniel 2:5 Iomraidhean Croise

2 Myghternedh 10:27

Ena i a vrewis peulven Baal, ha distrui tempel Baal, ha gul anodho kawghti, bys y'n jydh hedhyw.

Ezra 6:11

Ynwedh, my re dhellos arghadow, piwpynag a janchyo an ordenans ma, bedhes prenn tennys yn-nans a'y ji, ha bos settys yn-bann, ha bedhes ev kregys warnodho ha bedhes y ji gwrys teylek.

Salmow 50:22

‘Prederewgh hemma, hwi neb a ankev Duw, ma na wrylliv agas skwardya, ha na vo nagonan dhe dhelivra.

Salmow 58:7

Gwrens i mos dhe-ves i avel dowr prest ow resek; pan bleg y warak, na vedhes y sethow lymm.

Daniel 2:12

Rag hemma, an myghtern eth yn sorr hag a wrug fernewi yn feur, hag a erghis may fe distruys pub den fur a Babylon.

Daniel 3:29

[95] My a dhyllo gorhemmynn: pub pobel, pub kenedhel ha pub taves neb a gews erbynn Duw Shadrak, Meshak hag Abednego, a vydh hakkys dhe demmyn, ha'y ji a vydh treylys dhe vern teyl; rag nyns eus Duw nahen neb a yll delivra yndellna.’

Daniel 4:9

‘A Belteshassar, mester an hudoryon, yth aswonnav bos ynnos spyrys an duwow sans, ha nag eus kevrin re gales ragos. Preder an pyth a welis y'm hunros, ha lavar dhymm y styr.

Dewteronomi 13:16

Ty a dhre oll hy freydh war-barth bys yn plen an dre, ha leski an dre hag oll hy freydh gans tan, offrynn kowlleskys dhe'n Arloedh dha Dhuw, hag y fydh krug bynitha; ny vydh drehevys arta.

Yoshua 6:26

Yoshua a wrug an ti ma y'n termyn na, ow leverel, ‘Mollothek a-dherag an Arloedh a vydh an gour a assay dastrehevel an sita ma, Yeriko. Ev a worr an selyow orth kost y vab kynsa genys, ev a sett hy yetow yn-bann orth kost y vab yowynka.’

1 Samuel 15:33

Mes Samuel a leveris, ‘Kepar dell wrug dha gledha benynes dhe vos anvap, yndella y fydh dha vamm anvap yn mysk benynes.’ Ha Samuel a hakkyas Agag dhe demmyn a-dherag an Arloedh yn Gilgal.