Daniel 2:47 - An Bibel Kernewek 20234 (Kernewek Kemmyn)

⁴⁷ Yn-medh an myghtern dhe Daniel, ‘Yn hwir yth yw dha Dhuw Duw a dhuwow, hag Arloedh a vyghternedh, ha diskudher a gevrinyow, rag ty re allas diskudha an kevrin ma.’

Daniel 2:47 Iomraidhean Croise

Jenesis 41:39

Ytho Faro a leveris dhe Yosep, ‘A-ban wrug Duw diskwedhes hemma oll dhiso, nyns eus denvyth mar dhoeth ha fur avelos.

2 Myghternedh 5:15

Ena ev a dhehwelis dhe wour Duw, ev hag oll y gowethas, ha dos ha sevel a-ragdho ha leverel, ‘Lemmyn my a woer nag eus Duw yn oll an norvys, marnas yn Ysrael. Lemmyn kemmer, my a'th pys, ro dhiworth dha was.’

Job 12:19

Ev a led oferysi dhe-ves dieskis, ha domhwel an re alloesek.

Salmow 136:2

Grassewgh dhe Dhuw an duwow, rag y dregeredh a dhur bys vykken.

Salmow 136:3

Grassewgh dhe Arloedh an arlydhi, rag y dregeredh a dhur bys vykken;

Salmow 72:11

Re omblekko myghternedh oll a-dheragdho; hag oll an kenedhlow bos y sojets.

Salmow 82:1

Duw a sev yn kuntelles nev; ev a vreus yn mysk an duwow.

Salmow 96:4

Rag meur yw an Arloedh, ha pur wiw yw y wormel; res yw perthi own anodho dres oll duwow.

Ezekiel 26:7

Rag yndellma y lever an Arloedh Duw: Awottavy ow tri erbynn Tyr Nebukadnessar myghtern Babylon dhiworth an gogledh, myghtern myghternedh, war-barth gans mergh ha charettow, gans marghoglu ha troeslu meur.

Daniel 11:36

‘Ha'n myghtern a wra herwydh y vodh; ev a omughelha hag omvostya a-ugh pub duw, ha leverel taklow euthyk erbynn Duw an duwow. Ev a sewen bys may fydh kowlwrys an sorr, rag an pyth apoyntys a vydh gwrys.

Daniel 2:19

Ena y feu displetys an kevrin dhe Daniel dre welesigeth yn nos. Ena Daniel a vennigas Duw nev.

Daniel 2:22

Ev a dhiskudh taklow down ha kevrinek; ev a aswonn pyth eus y'n tewolgow, ha'n golow usi trigys ganso ev.

Daniel 2:28

mes yma yn nev Duw neb a dhiskudh kevrinyow, hag ev re dherivas dhe vyghtern Nebukadnessar pandr'a hwyrvydh y'n dydhyow diwettha. Dha hunros, ha'n gwelesigethow y'th penn war dha weli, o an re ma:

Daniel 2:29

Dhiso, A vyghtern, y teuth prederow war dha weli a'n pyth a hwarva a-wosa, hag ev neb a dhiskudh kevrinyow re wrug orthis konvedhes pandr'a hwyrvydh.

Daniel 2:30

A-dro dhymmo vy, nyns yw dre furneth eus ynnov moy es dell eus yn tus vew oll, y feu diskudhys dhymm an kevrin ma, mes rag may fo an styr diskudhys dhe'n myghtern, ha rag mayth aswonni prederow dha golonn.

Daniel 2:37

Ty, a vyghtern, yw myghtern a vyghternedh; Duw an nevow re ros dhis ruvaneth, galloes, nerth hag enor.

Daniel 3:15

Lemmyn, mars owgh hwi parys orth an keth prys na pan glewowgh an korn, an pib, an gyttrens, an krowd, an sowtri, an pibow-sagh ha pub sort a venestrouthi, dhe goedha dhe'n leur ha gul gologhas dhe'n delow a wrug vy, da yw hemma: mes mar ny wrewgh gologhas, y fydhowgh tewlys an keth eur na yn kres fornes a dan ow flammya; ha py par duw ywa a'gas delirv mes a'm dorn?’

Daniel 3:28

[95] Ena Nebukadnessar a gewsis ow leverel, ‘Benniges re bo Duw Shadrak, Meshak hag Abednego, neb re dhannvonas y el, ha delivra y wesyon neb a drestya ynno, ha treylya ger an myghtern, ha ri aga horf rag na wrellons gologhas dhe dhuw vyth marnas dh'aga Duw i.

Daniel 3:29

[95] My a dhyllo gorhemmynn: pub pobel, pub kenedhel ha pub taves neb a gews erbynn Duw Shadrak, Meshak hag Abednego, a vydh hakkys dhe demmyn, ha'y ji a vydh treylys dhe vern teyl; rag nyns eus Duw nahen neb a yll delivra yndellna.’

Daniel 4:17

Der ordenans an woelysi yw an vreus, ha dre gows an syns yw an ervirans, rag may konvettho an re vew bos an Ughella rewler yn gwlaskor mab-den; hag ev a's re dhe'n neb a vynn, hag a sett warnedhi an isella a dus.”

Daniel 4:25

may fi fesys pell dhiworth tus, ha'th annedh a vydh gans bestes gwyls, gwrys dhe dhybri gwels avel oghen, ha glybys gans gluth an nevow. Warnas y tremen seyth seson, bys pan gonvedhydh bos an Ughella rewler yn gwlaskor mab-den, hag y's re dhe neb a vynno.

Daniel 4:32

hag i a'th fes pell dhiworth tus, ha'th annedh a vydh gans an bestes gwyls, hag i a'th wra dhe dhybri gwels avel oghen; warnas y tremen seyth seson bys pan wodhvydhydh bos an Ughella rewler yn gwlaskor mab-den, hag ev a's re dhe neb a vynno.’

Daniel 5:11

yma y'th ruvaneth gour hag ynno spyrys an duwow sans. Yn dydhyow dha das y feu kevys ynno golow, skians ha furneth, avel furneth an duwow. Myghtern Nebukadnessar, dha das, a'n gwrug penn an hudoryon, an worhenysi, an Kaldeanys, ha'n goelyogyon;

Amos 3:7

Yredi ny wra an Arloedh Duw travyth heb diskudha y dowl kudh dh'y servysi an brofoesi.

1 Korinthianys 14:25

kevrinyow y golonn diskudhys yw; rakhenna, koedhys dhe'n dor, gordhya Duw a wra ev hag avowa bos Duw yntredhowgh yn tevri.

Dewteronomi 10:17

Rag an Arloedh agas Duw yw Duw a'n duwow hag Arloedh a'n arlydhi, an Duw bras ha krev hag euthyk, nag eus dhodho faverans, ha na gemmer falswober;

1 Timothi 6:15

Hemma, y'n termyn ewn, a wra ev diskwedhes, an unn Pennsevik benniges, Myghtern myghternedh, hag Arloedh arlydhi,

Yoshua 22:22

‘An Galloesek, Duw, an Arloedh, Duw an duwow! An Arloedh, ev a woer; ha re wodhvo Ysrael y honan! Mar pe hemma yn rebellyans po yn dislelder erbynn an Arloedh, na'n sparyewgh ni y'n jydh ma.

Diskwedhyans 1:5

ha dhiworth Yesu Krist, an test len, an kynsa dineythys a'n re varow, ha rewler myghternedh an norvys. Dhe neb a'gan kar ha'gan delivras mes a'gan peghosow der y woes,

Diskwedhyans 17:14

An re ma a wra gwerrya erbynn an Oen, ha'n Oen a wra aga thryghi: drefenn y vos Arloedh arlydhi, ha Myghtern myghternedh, ha'n re usi ganso yw gelwys, ha dewisys, ha len.’

Diskwedhyans 19:16

Ha war y vantell ha war y vordhos, hanow yw skrifys: Myghtern myghternedh, hag Arloedh arlydhi.