Daniel 2:46 - An Bibel Kernewek 20234 (Kernewek Kemmyn)

⁴⁶ Ena myghtern Nebukadnessar a goedhas war y fas, hag omblegya a-rag Daniel; hag erghi may fe res dhodho offrynn hag ynkys.

Daniel 2:46 Iomraidhean Croise

Ezra 6:10

mayth offrynnons sakrifisow plegadow dhe Dhuw an nev, ha pysi rag bewnans an myghtern, ha dh'y vebyon.

Daniel 3:5

pan pynag y klewvowgh son an korn, an pib, an gyttrens, an krowd, an sowtri, an pibow-sagh ha pub sort a venestrouthi, y koedhowgh dhe'n leur ha gul gologhas dhe'n delow owrek a wrussa Nebukadnessar an myghtern y dhrehevel.

Daniel 3:7

Ytho, dhe'n keth prys na, kettell glewas oll an poblow son an korn, an pib, an gyttrens, an krowd, an sowtri, an pibow-sagh ha pub sort a venestrouthi, oll an poblow, an kenedhlow ha'n tavosow a goedhas dhe'n leur ha gul gologhas dhe'n delow owrek a wrussa Nebukadnessar an myghtern y dhrehevel.

Daniel 8:17

Ytho y teuth ogas dhe'm savla, ha pan dheuth, my a gemmeras own ha koedha war ow fas. Mes y leveris dhymm, ‘Konvedh, A vab-den, bos an welesigeth rag termyn an diwedh.’

Levitikus 26:31

Ha my a wra agas sitys magoryow ha'gas sentris dibobel, ha ny vynnav blasa agas saweryow plegadow.

Luk 17:16

hag ev a goedhas war y fas orth treys Yesu ha grassa dhodho. Samaritan o ev.

Oberow 10:25

Lemmyn y hwarva pan entras Peder, Kornelius a vetyas orto ha koedha orth y dreys, ha'y wordhya.

Oberow 14:13

Hag oferyas Zeus, dhe neb esa y dempel a-rag an sita, a dhros terewi ha garlontow dhe'n porthow ha mynnes sakrifia gans an routhow.

Oberow 28:6

mes i a waytyas y hwre hwythfi po a-dhesempis koedha marow. Mes wosa i dhe wortos hag aspia termyn hir, ha gweles na'n darva travyth koynt, i a dreylyas aga howses ha leverel y vos duw.

Diskwedhyans 11:16

Ha'n peswar henavek warn ugens o esedhys war aga thronys, a goedhas war aga fas ha gordhya Duw,

Diskwedhyans 19:10

Ha my a goedhas orth y dreys rag y wordhya. Hag ev a leveris dhymm, ‘Na wra henna. My yw dha geskethwas, ha keskethwas dha vreder a's teves dustuni Yesu. Gwra gordhya Duw, rag dustuni Yesu yw an spyrys a brofoesans.’

Diskwedhyans 22:8

Ha my, Yowann, yw neb a glewas ha gweles an taklow ma. Ha pan glewis ha gweles, my a goedhas dhe wordhya a-dherag treys an el a dhiskwedhas dhymm an taklow ma.