Daniel 2:4 - An Bibel Kernewek 20234 (Kernewek Kemmyn)

⁴ Ena an Kaldeanys a leveris dhe'n myghtern yn Aramaek: ‘A vyghtern, re vewi bys vykken! Gwra derivas an hunros dhe'th servysi, ha ni a dhiskwedh hy styr.’

Daniel 2:4 Iomraidhean Croise

Jenesis 31:47

Laban a'n gelwis Yegar-sahadutha, ha Yakob a'n gelwis Galeed.

Jenesis 41:8

Ha myttin, troblys veu y spyrys, hag ev a dhannvonas ha gelwel oll an goelyogyon a Ejyp hag oll hy thus fur, ha Faro a dherivas y hunros dhedha, mes nyns esa denvyth a wodhva aga styrya dhe Faro.

1 Myghternedh 1:25

Rag ev yw gyllys yn-nans hedhyw, ha re ladhas oghen ha bualyon peskys ha deves pals, ha re elwis oll mebyon an myghtern, ha kaptenyon an lu, hag Abiathar an oferyas; hag, otta, i a dheber hag eva a-ragdho, ha leverel, “Re vewo myghtern Adoniya.”

1 Myghternedh 1:31

Ena Bathsheba a goedhas war benn-dewlin gans hy fas dhe'n leur, hag omblegya dhe'n myghtern, ha leverel, ‘Re vewo ow arloedh myghtern Davydh bys vykken.’

2 Myghternedh 18:26

Ena Elyakim mab Hilkia, ha Shebna, ha Yoagh a leveris dhe'n Rabshake, ‘Kows dh'agas gwesyon y'n yeth Aramaek, mar pleg, drefenn ni dh'y honvedhes; na gews dhyn yn yeth Yuda yn klewans an bobel war an fos.’

Ezra 4:7

Hag yn dydhyow Artakserkses, Bishlam, Mithredath, Tabeel ha'ga heskowetha erell a skrifas dhe Artakserkses myghtern Persia; an lyther o skrifys yn skrif aramaek, hag y'n yeth aramaek.

Nehemia 2:3

My a leveris dhe'n myghtern, ‘Re vewo an myghtern bys vykken! Prag na via ow fas trist, pan yw difeyth an sita, tyller bedhow ow thasow, ha hy yetow re beu distruys gans tan?’

Ysay 36:11

Ena Elyakim, Shebna ha Yoagh a leveris dhe'n Rabshake, ‘Kows, my a'th pys, dhe'th servysi yn Aramaek rag ni a'n konvedh; na gows orthyn yn Yedhowek a-ji dhe glewans an bobel usi war an fos.’

Ysay 44:25

neb a lett toknys oferysi-dhargan, hag a wra ges a goelyogyon; neb a dreyl tus fur war-dhelergh, ha gul foll aga godhvos;

Daniel 1:4

gwer yowynk dhinamm, teg dhe weles, ha konnyk yn pub furneth, leun a skians, ow konvedhes dyskans, ha gwiw rag servya yn palys an myghtern, ha dhe dhyski dhedha lytherennow ha taves an Kaldeanys.

Daniel 2:7

I a worthybis arta, ‘Re wrello an myghtern derivas an hunros dh'y servysi, ha ni a dhiskwedh hy styr.’

Daniel 3:9

I a gewsis ha leverel dhe Nebukadnessar an myghtern, ‘A vyghtern, re vewi bys vykken!

Daniel 4:19

Ena Daniel, henwys Belteshassar, a veu skruthys pols, ha'y brederow a'n ownhas. An myghtern a worthybis ow leverel, ‘A Belteshassar, na vydh ownhes gans an hunros ha'y styr.’ Belteshassar a worthybis ow leverel, ‘Ow arloedh, re bo an hunros rag an re a'th kas, ha'y styr rag dha eskerens!

Daniel 4:7

Ena y teuth an hudoryon, an worhenysi, an Kaldeanys, ha'n goelyogyon; ha my a dherivas dhedha an hunros, mes ny yllens diskwedhes dhymm y styr.

Daniel 4:9

‘A Belteshassar, mester an hudoryon, yth aswonnav bos ynnos spyrys an duwow sans, ha nag eus kevrin re gales ragos. Preder an pyth a welis y'm hunros, ha lavar dhymm y styr.

Daniel 5:10

An vyghternes, dre reson geryow an myghtern ha'y arlydhi, a dheuth a-ji dhe hel an kevewi. Ha'n vyghternes a leveris, ‘A vyghtern, bys vykken re vewi! Na wrello dha brederow dha drobla, ha na wrello dha liw treylya:

Daniel 5:8

Ena y teuth oll tus fur an myghtern, mes ny wodhyens redya an skrif na, na diskwedhes y styr dhe'n myghtern.

Daniel 6:21

Ena y leveris Daniel dhe'n myghtern, ‘A vyghtern, re vewi bys vykken!

Daniel 6:6

Ena an lewydhyon ha'n wahalyethow ma eth yn routh dhe'n myghtern, hag a leveris dhodho, ‘A vyghtern Darius, re vewi bys vykken!

Daniel 6:7

Oll lewydhyon an ruvaneth, an bennternedh ha'n wahalyethow, an gusulyadoryon ha'n wovernours, re omgusulyas may hwrello an myghtern dyllo ordenans ha gweythresa difenn krev: piwpynag a wrello pysadow dhe dhuw po dhe dhen a-ji deg dydhweyth warn ugens, marnas dhiso jy, A vyghtern, dhe vos tewlys yn fow a lewyon.

Matthew 21:9

Ha'n routhow esa ow mos a-ragdho, ha'n re a'n siwya a armas ow leverel, ‘Hosanna dhe Vab Davydh, Benniges yw neb a dheu yn hanow an Arloedh, Hosanna y'n ughelder!’

1 Samuel 10:24

Yn-medh Samuel dhe oll an bobel, ‘A'n gwelowgh, neb a wrug an Arloedh y dhewis? Rag nyns eus y bar yn mysk oll an bobel.’ Ha'n bobel oll a grias, ‘Re vewo an myghtern!’