Daniel 2:37 - An Bibel Kernewek 20234 (Kernewek Kemmyn)

³⁷ Ty, a vyghtern, yw myghtern a vyghternedh; Duw an nevow re ros dhis ruvaneth, galloes, nerth hag enor.

Daniel 2:37 Iomraidhean Croise

1 Myghternedh 4:24

Rag ev a'n jevo mestrynses war oll an ranndir a'n gorlewin dhe'n avon a Tifsagh bys yn Gaza, war oll an vyghternedh a'n gorlewin dhe'n avon; hag ev a'n jevo kres a bub tu.

2 Myghternedh 25:28

ev a gewsis dhodho yn kuv, ha ri dhodho esedh a-ugh esedhow an vyghternedh erell esa ganso yn Babylon.

2 Kroniklys 36:23

‘Yndellma y lever myghtern Kyrus a Persia: An Arloedh, Duw an nev, re ros dhymmo oll ruvanethow an norvys, hag ev re worhemmynnis dhymm may treheffiv chi yn Yerusalem. Piw pynag yn agas mysk a oll y bobel, re bo ganso an Arloedh y Dhuw, hag es ev yn-bann.’

Ezra 1:2

‘Yndellma y lever Kyrus myghtern Persia: An Arloedh Duw nev, re ros dhymm oll ruvanethow an norvys; hag ev re erghis dhymm drehevel dhodho chi yn Yerusalem, usi yn Yuda.

Ezra 7:12

Artakserkses, myghtern myghternedh. Dhe Ezra an oferyas, dyskys yn lagha Duw nev, salusyans. Ha lemmyn:

Salmow 62:11

Unnweyth re gewsis Duw, my re glewas hemma diwweyth: bos galloes dhe Dhuw.

Lavarow Koth 8:15

Dredhov myghternedh a reyn, ha rewloryon a orden an pyth yw ewn;

Ysay 10:8

Rag yn-medh ev, ‘A nyns yw oll ow fennsevigyon myghternedh?

Ysay 47:5

Esedh yn taw, ha ke yn tewlder, A vyrgh Kaldea! Rag ny'th henwir na fella mestres gwlaskordhow.

Yeremia 28:14

Rag yndellma y lever Arloedh an luyow, Duw Ysrael: My re worras yew horn war warr oll an kenedhlow ma may serfyens Nebukadnessar myghtern Babylon, hag i a'n serv; ha my re ros dhodho an bestes gwyls ynwedh.

Yeremia 34:1

An ger hag a dheuth dhe Yeremia a-dhiworth an Arloedh, pan esa Nebukadnessar myghtern Babylon hag oll y lu hag oll gwlaskordhow an bys a'y vestrynses, hag oll an poblow, owth omladh erbynn Yerusalem, hag erbynn oll hy sitys, ow leverel:

Ezekiel 26:7

Rag yndellma y lever an Arloedh Duw: Awottavy ow tri erbynn Tyr Nebukadnessar myghtern Babylon dhiworth an gogledh, myghtern myghternedh, war-barth gans mergh ha charettow, gans marghoglu ha troeslu meur.

Daniel 1:2

Ha'n Arloedh a worras yn y dhorn Yehoyakim myghtern Yuda, ha re a'n lestri dhiworth chi Duw; hag ev a's kyrghas dhe bow Shinar, dhe ji y dhuw, hag a worras an lestri yn tresorva y dhuw.

Daniel 2:31

‘Yth eses ow mires, A vyghtern, hag ottena unn delow bras. An delow ma, galloesek ha splann dres eghenn, a sevis a-ragos, hag euthyk o y semlans.

Daniel 2:44

Hag yn dydhyow an vyghternedh ma, y hwra Duw an nevow drehevel gwlaskor na vydh nevra diswrys, ha ny vydh hy myghternsys gesys dhe gen bobel. Hi a wra terri dhe demmyn ha distrui oll an ruvanethow ma, ha pesya bys vykken.

Daniel 4:19

Ena Daniel, henwys Belteshassar, a veu skruthys pols, ha'y brederow a'n ownhas. An myghtern a worthybis ow leverel, ‘A Belteshassar, na vydh ownhes gans an hunros ha'y styr.’ Belteshassar a worthybis ow leverel, ‘Ow arloedh, re bo an hunros rag an re a'th kas, ha'y styr rag dha eskerens!

Daniel 4:22

ty yw, A vyghtern, neb yw tevys krev, ha dha veuredh re devis ha drehedhes dhe'n nevow, ha'th vestrynses bys finweth an norvys.

Daniel 4:25

may fi fesys pell dhiworth tus, ha'th annedh a vydh gans bestes gwyls, gwrys dhe dhybri gwels avel oghen, ha glybys gans gluth an nevow. Warnas y tremen seyth seson, bys pan gonvedhydh bos an Ughella rewler yn gwlaskor mab-den, hag y's re dhe neb a vynno.

Daniel 4:3

Ass yw bras y toknys, ass yw krev y anethow! Y vyghternsys yw myghternsys a dhur bys vykken, ha'y vestrynses a henedh dhe henedh.

Daniel 4:32

hag i a'th fes pell dhiworth tus, ha'th annedh a vydh gans an bestes gwyls, hag i a'th wra dhe dhybri gwels avel oghen; warnas y tremen seyth seson bys pan wodhvydhydh bos an Ughella rewler yn gwlaskor mab-den, hag ev a's re dhe neb a vynno.’

Daniel 4:34

Orth diwedh an dydhyow, my, Nebukadnessar, a dhrehevis ow dewlagas dhe nev, ha'm skians a dheuth arta dhymm. My a vennigas an Ughella, ha gul gormel ha gologhas dhe'n neb a vew bys vykken. Rag y vestrynses yw mestrynses a bes vynitha, ha'y wlaskor a dhur a henedh dhe henedh;

Daniel 5:18

A vyghtern, an Duw Ughella a ros dhe'th tas Nebukadnessar myghternsys ha meuredh hag enor ha splannder;

Daniel 7:14

Ha dhodho y feu res mestrynses, hag enor ha myghternsys; hag oll an poblow, kenedhlow ha tavosow a'n servyas. Y vestrynses yw mestrynses a dhur bys vykken a ny dremen dhe-ves, ha'y ruvaneth ny vydh distruys.

Hosea 8:10

Kynth arvethsons yn mysk an kenedhlow, lemmyn my a wra aga huntell, hag i a hedh pols byghan a untya myghtern ha pennternedh.

Matthew 6:13

Ha na wra agan dri yn temptasyon, mes delirv ni dhiworth drog.

Yowann 19:11

Yesu a worthybis, ‘Ny via dhis maystri warnav mar ny ve res dhis a wartha; rakhenna yma dhe neb a'm daskorras dhis an brassa pegh.’

Diskwedhyans 1:5

ha dhiworth Yesu Krist, an test len, an kynsa dineythys a'n re varow, ha rewler myghternedh an norvys. Dhe neb a'gan kar ha'gan delivras mes a'gan peghosow der y woes,

Diskwedhyans 17:14

An re ma a wra gwerrya erbynn an Oen, ha'n Oen a wra aga thryghi: drefenn y vos Arloedh arlydhi, ha Myghtern myghternedh, ha'n re usi ganso yw gelwys, ha dewisys, ha len.’

Diskwedhyans 19:16

Ha war y vantell ha war y vordhos, hanow yw skrifys: Myghtern myghternedh, hag Arloedh arlydhi.

Diskwedhyans 4:11

‘Gwiw osta, agan Arloedh ha'gan Duw dhe dhegemmeres gordhyans hag enor ha galloes, rag ty a wrug pup-tra ha dre dha vodh yth esens i, hag y fons i gwrys.’

Diskwedhyans 5:12

ow leverel, ughel aga lev, ‘Gwiw yw an Oen a veu ledhys dhe dhegemmeres galloes, ha rychys, ha furneth, ha nerth, hag enor, ha gordhyans, ha bennath.’