Daniel 2:35 - An Bibel Kernewek 20234 (Kernewek Kemmyn)

³⁵ Ena an horn, an priweyth, an brons, an arghans, ha'n owr, oll war-barth, a veu terrys dhe demmyn, hag a dheuth ha bos kepar hag us leuryow-drushya an hav, ha'n gwyns a's hwythas dhe-ves, ma na veu kevys ol vyth anedha. Mes an men hag a weskis an delow a dheuth ha bos menydh bras ha lenwel oll an norvys.

Daniel 2:35 Iomraidhean Croise

Job 6:17

Yn termyn a doemmder desyghys yns; pan yw toemm gyllys yns dhiworth aga le.

Salmow 103:16

an gwyns a dremen dresti, ha gyllys yw, ha ny aswonnir hy thyller byth moy.

Salmow 22:27

Oll pennow an norvys a berth kov ha treylya dhe'n Arloedh; hag oll teyluyow an kenedhlow a wordh a-dheragos.

Salmow 37:10

Hwath pols byghan ha ny vydh an tebelwas namoy; ty a vir orth y dyller, ha ny vydh ev ena.

Salmow 37:36

Mes my a dremenas hag otta, nyns esa ol anodho; my a'n hwilas, ha nyns o kevys.

Salmow 46:9

Ev a wra dhe vreselyow hedhi bys yn pennow an nor; ev a derr an warak, ha treghi an guw, ha leski an charettow y'n tan.

Salmow 66:4

Oll an nor a'th wordh; ha kana dhis, ha gormel dha hanow.’ Sela.

Salmow 86:9

Oll an kenedhlow a wrussys a dheu hag omblegya a-dheragos, A Arloedh, ha gordhya dha hanow.

Ysay 11:9

Ny wrons dregynn na ny dhistruons yn oll ow menydh sans; rag an norvys a vydh leun a wodhvos an Arloedh dell wra an dowrow kudha an mor.

Ysay 8:9

Bedhewgh terrys, poblow, ha bedhewgh dralys; ha goslowewgh, oll hwi vroyow pell, Omwrogysewgh, ha bedhewgh dralys! Omwrogysewgh, ha bedhewgh dralys!

Daniel 2:44

Hag yn dydhyow an vyghternedh ma, y hwra Duw an nevow drehevel gwlaskor na vydh nevra diswrys, ha ny vydh hy myghternsys gesys dhe gen bobel. Hi a wra terri dhe demmyn ha distrui oll an ruvanethow ma, ha pesya bys vykken.

Hosea 13:3

Rakhenna i a vydh avel kommolenn-vyttin, hag avel an gluth a dremen a-varr, hag avel us yw hwythys a leur-drushya gans an awel, hag avel mog a fenester.

Mika 4:13

Sav ha drushya, A vyrgh Sion, rag my a vynn gwruthyl dha gorn a horn ha'th karnow a vrons; ty a wra brewi lies pobel, ha sakra aga freydh dhe'n Arloedh, aga rychys dhe Arloedh an norvys oll.

Zekaria 12:3

Y'n jydh na my a wra Yerusalem karrek veghus rag oll an poblow. Myns yw beghys gensi a vydh skwardys yn sevur, pan omguntell oll kenedhlow an norvys er hy fynn.

1 Korinthianys 15:25

Rag res yw dhodho reynya bys pan worro oll y eskerens yn-dann y dreys.

Diskwedhyans 11:15

Ha'n seythves el a hwythas an hirgorn, hag yth esa levow bras yn nev ow leverel, ‘Gwlaskor an bys ma res eth ha bos gwlaskor agan Arloedh ha'y Grist, hag ev a reyn trank heb worfenn.’

Diskwedhyans 12:8

ha ny fethsons i; ha ny veu aga thyller kevys namoy yn nev.

Diskwedhyans 20:11

Ha my a welas tron gwynn meur, ha neb esa owth esedha warnodho, ha nor ha nev a fias dhiworth y fas, ha nyns o tyller kevys ragdha.