Daniel 2:26 - An Bibel Kernewek 20234 (Kernewek Kemmyn)

²⁶ An myghtern a leveris dhe Daniel, henwys Belteshassar, ‘A wodhes derivas dhymm an hunros re welis vy, ha'n styr anedhi?’

Daniel 2:26 Iomraidhean Croise

Jenesis 41:15

Yn-medh Faro dhe Yosep, ‘My re hunrosas hunros mes nyns eus denvyth a wodhvo y styrya. My re glewas y vos leverys a-dro dhis, pan glewydh hunros ty a yll y styrya.’

Daniel 1:7

Ha penn an spadhesigyon a ros dhedha les-henwyn: Daniel a henwis Belteshassar, Hanania a henwis Shadrak, Mishael a henwis Meshak, hag Azaria a henwis Abednego.

Daniel 4:8

Ha wortiwedh y teuth a-ragov Daniel, henwys Belteshassar war-lergh hanow ow duw, mayth usi ynno spyrys an duwow sans; ha'n hunros a-ragdho a dherivis:

Daniel 5:12

rag y feu kevys spyrys bryntin, godhvos, ha skians dhe styrya hunrosow, dhe glerhe kevrinyow ha dhe dhigelmi kudynnow ynno – yn Daniel, neb o henwys Belteshassar gans an myghtern. Lemmyn re bo Daniel gelwys, hag ev a wra diskwedhes an styr.’

Daniel 5:16

Mes my re glewas ahanas, ty dhe wodhvos ri styryow ha digelmi kudynnow. Ytho mar kyllydh redya an skrif ha diskwedhes dhymm y styr, y fydhydh gwiskys yn purpur, gans kadon owr a-dro dhe'th konna, hag y fydhydh an tressa rewler y'n ruvaneth.’

Daniel 7:1

Y'n kynsa blydhen a Belshassar myghtern Babylon, Daniel a welas Daniel hunros ha gwelesigethow yn y benn, hag ev a'y wrowedh yn y weli. Ena ev a skrifas an hunros, ha derivas an mater yn kott.

1 Samuel 17:33

Ha Sowl a leveris dhe Davydh, ‘Ny yllydh mones erbynn an Filistyas ma dhe omladh ganso; rag ty yw marnas maw, hag ev re beu kasor a-dhia y yowynkneth.’