Daniel 2:25 - An Bibel Kernewek 20234 (Kernewek Kemmyn)

²⁵ Ena Aryok a dhros Daniel yn hast a-rag an myghtern, ha kewsel dhodho yndellma: ‘My re gavas, ynter an dhivresow a Yuda, gour neb a woer derivas an styr dhe'n myghtern.’

Daniel 2:25 Iomraidhean Croise

Jenesis 41:14

Ena Faro a dhannvonas ha gelwel Yosep, hag i a'n dros yn hast mes a'n pytt; ev a omdhivarvas ha chanjya y dhillas, ha dos dhe Faro.

Nehemia 7:6

An re ma yw mebyon an rannvro a dheuth yn-bann yn-mes a gethneth, a'n dhivresow re bia degys yn divroedh gans Nebukadnessar myghtern Babylon; i a dhehwelis dhe Yerusalem ha dhe Yuda, peub dh'y dre y honan.

Lavarow Koth 24:11

Delirv an re yw draylys dhe-ves dhe'n mernans, ha saw an re usi ow trebuchya troha dibennans.

Ekklesiastes 9:10

Pypynag a gyv dha leuv dh'y wul, gwra e gans oll dha nerth, rag nyns eus nag ober na resna na godhvos na furneth yn ifarn le mayth edh.

Daniel 1:6

Yn mysk an Yedhewon ma yth esa Daniel, Hanania, Mishael hag Azaria.

Daniel 5:13

Ena Daniel a veu dres a-rag an myghtern. Ha'n myghtern a leveris dhe Daniel, ‘Osta Daniel, onan a'n dhivresow a Yuda, neb a veu dres a Yuda gans ow thas, an myghtern?

Daniel 6:13

Ena i a worthybis ow leverel dhe'n myghtern, ‘Daniel, neb yw onan an dhivresow a Yuda, ny wra vri orthis, A vyghtern, nag orth an difenn sinys genes, mes ev a wra y bysadow teyrgweyth pub dydh.’