Daniel 2:11 - An Bibel Kernewek 20234 (Kernewek Kemmyn)

¹¹ Kales yw an pyth govynnys gans an myghtern, ha nyns eus denvyth a yll y dhiskwedhes dhe'n myghtern marnas an duwow, neb na drigons yn mysk mab-den.’

Daniel 2:11 Iomraidhean Croise

Jenesis 41:39

Ytho Faro a leveris dhe Yosep, ‘A-ban wrug Duw diskwedhes hemma oll dhiso, nyns eus denvyth mar dhoeth ha fur avelos.

Jenesis 41:8

Ha myttin, troblys veu y spyrys, hag ev a dhannvonas ha gelwel oll an goelyogyon a Ejyp hag oll hy thus fur, ha Faro a dherivas y hunros dhedha, mes nyns esa denvyth a wodhva aga styrya dhe Faro.

1 Myghternedh 8:27

‘Mes a wra Duw triga yn hwir war an dor? Hwath ny yll nev ha nev an nevow dha synsi, myns le an chi ma re dhrehevis!

2 Kroniklys 6:18

‘Mes a yll Duw triga yn hwir gans mab-den war an dor? Ny yll nev, na'n ughella nev hogen, dha synsi, pygemmys le an chi ma re dhrehevis!

Salmow 132:14

‘Hemma a vydh ow fowesva bynitha; omma y trigav, rag my re yeunis war hy lergh.

Salmow 68:18

Ty re yskynnas y'n ughelder, ty re hembronkas prisnoryon, ty re dhegemmeras rohow yn mysk tus, hag yn mysk an re worth, rag may trykko an Arloedh Duw ena.

Eksodus 29:45

Ha my a drig yn mysk mebyon Ysrael, ha my a vydh aga Duw.

Eksodus 8:19

Ha'n hudoryon a leveris dhe Faro, ‘Hemm yw bys Duw.’ Mes kolonn Faro o kaleshes, ha ny vynna koela orta; dell lavarsa an Arloedh.

Ysay 47:12

Sav fast y'th husow ha'th hworhanow pals, gansa may lavursys a-dhia'th yowynkneth; martesen ty a yll gwaynya prow, martesen ty a yll ownekhe dredha.

Ysay 57:15

Rag yndellma y lever an ughel hag eksaltys neb a drig trank heb worfenn, ha sans yw y hanow: Trigys esov yn tyller ughel ha sans, hag ynwedh gans an den yw keudhesik hag isel y spyrys, dhe wul dhe spyrys an re uvel dasvewa ha dhe wul dhe golonn a'n re brewys dasvewa.

Ysay 8:18

Awotta, my ha'n fleghes a wrug an Arloedh aga ri dhymm yw toknys ha marthusyon yn Ysrael dhiworth Arloedh an luyow usi trigys yn menydh Sion.

Daniel 4:4

Yth esen vy, Nebukadnessar, attes y'm chi, hag ow floryshya y'm palys.

Daniel 5:11

yma y'th ruvaneth gour hag ynno spyrys an duwow sans. Yn dydhyow dha das y feu kevys ynno golow, skians ha furneth, avel furneth an duwow. Myghtern Nebukadnessar, dha das, a'n gwrug penn an hudoryon, an worhenysi, an Kaldeanys, ha'n goelyogyon;

Yoel 3:21

My a gemmer dial a'ga goes, ha ny asav denvyth dhe vos heb kessydhyans, rag an Arloedh a drig yn Sion.

Niverow 35:34

Ny wrewgh defola an tir may fydhowgh trigys, mayth esov trigys yn kres anodho, rag yth esov vy an Arloedh trigys yn mysk mebyon Ysrael.

Matthew 19:26

Yesu a viras orta ha leverel, ‘Hemm yw dres galloes den mes gans Duw pup-tra a yll bos gwrys.’

Yowann 1:14

Ha'n Ger a veu gwrys kig hag a drigas yn agan mysk, ha ni a welas y wolewder, golewder avel dhe'n unn Vab dineythys a'n Tas, leun a ras hag a wirder.

Yowann 14:17

an Spyrys a wiryonedh, neb na yll an bys y dhegemmeres, rag ny'n gwel na ny'n aswonn. Mes hwi a'n aswonn, rag ev a drig genowgh hag ev a vydh ynnowgh.

Yowann 14:23

Yesu a worthybis ha leverel dhodho, ‘Piwpynag a'm karro a with ow geryow, ha'm Tas a'n karvydh, ha ni a dheu dhodho ha gul agan trigva ynno.

2 Korinthianys 6:16

Ha py akord eus dhe dempel Duw gans idolys? Rag ni yw tempel an Duw bew, dell leveris Duw, ‘My a wra triga yn aga mysk, ha my a wra kerdhes yn aga mysk; aga Duw vydhav vy, hag ow fobel vydhons i.

Diskwedhyans 21:3

Ha my a glewas lev bras yn-mes a'n tron ow leverel, ‘Otta, yma tabernakel Duw gans mab-den, hag ev a drig gansa, hag i a vydh y bobel, ha Duw y honan a vydh gansa.