Daniel 12:4 - An Bibel Kernewek 20234 (Kernewek Kemmyn)

⁴ Mes ty, A Daniel, kudh an geryow, ha sel an lyver bys prys an diwedh. Lies a boen a-derdro, dhe ynkressya godhvos.’

Daniel 12:4 Iomraidhean Croise

Ysay 11:9

Ny wrons dregynn na ny dhistruons yn oll ow menydh sans; rag an norvys a vydh leun a wodhvos an Arloedh dell wra an dowrow kudha an mor.

Ysay 29:11

An gwelesigeth a hemma oll yw dhywgh kepar ha geryow a lyver selys. Pan y'n rons dhe dhen lettrys, ow leverel ‘Lenn hemma’, yn-medh ev, ‘Ny allav, drefenn y vos selys.’

Ysay 30:26

Golow an loer a vydh avel golow an howl, ha golow an howl a vydh seythplek, avel golow seyth dydh, y'n jydh may kelm an Arloedh torrva y bobel, ha yaghhe goli an strekys a weskis.

Ysay 32:3

Ena ny vydh deges dewlagas an re a wel, ha diwskovarn an re a glew a woslow.

Ysay 8:16

Kolm an dustuni, sel an dyskans yn mysk ow dyskyblon.

Yeremia 5:1

Gwandrewgh a-dro dre stretow Yerusalem, gwelewgh lemmyn, ha godhvydhewgh, ha hwilewgh yn hy flenys, mar kyllowgh kavoes gour, mars eus nebonan a wra breus, a hwila gwirder; ha my a's gav.

Daniel 10:1

Y'n tressa blydhen a Kyrus, myghtern Persia, y feu diskwedhys ger dhe Daniel, neb o henwys Belteshassar. Gwir o an ger na: kas vras. Ev a gonvedhas an ger – an welesigeth a'n styryas.

Daniel 10:14

Devedhys ov rag gul dhis konvedhes an pyth a hwyrvydh dhe'th pobel yn diwedh an dydhyow, rag bos an welesigeth rag an dydhyow a dheu.’

Daniel 10:21

Mes my dhisplet dhis an pyth yw skrifys yn lyver an gwiryonedh. Nyns eus nagonan a sev yn krev genev erbynn an re na, marnas Mighal agas pryns.

Daniel 11:33

An re fur yn mysk an bobel a dhysk lies, mes i a goedh der an kledha, dre flammow, dre gethneth ha dre ravna, nebes dydhyow.

Daniel 11:40

‘Orth prys an diwedh, y hwra myghtern an dhyghowbarth omsett er y bynn; mes myghtern an gledhbarth a dheu er y bynn avel korwyns, gans charettow, ha gans marghogyon, ha gans lies gorhel. Ev a enter yn tiryow, ha tremena avel liv.

Daniel 12:13

Ha ty, ke bys y'n diwedh, hag y hwredh powes, ha degemmeres dha rann orth diwedh an dydhyow.’

Daniel 12:5

Ena my, Daniel, a viras, hag otta, dew erell ow sevel, an eyl omma war lann ma an avon, ha'y gila war lann arall an avon.

Daniel 12:9

Hag ev a leveris, ‘Ke, Daniel, rag y fydh an taklow ma gwithys yn-dann gel ha selys bys prys an diwedh.

Daniel 8:17

Ytho y teuth ogas dhe'm savla, ha pan dheuth, my a gemmeras own ha koedha war ow fas. Mes y leveris dhymm, ‘Konvedh, A vab-den, bos an welesigeth rag termyn an diwedh.’

Daniel 8:19

Yn-medh ev, ‘Otta, my a dheriv dhis an pyth a hwyrvydh troha diwedh termyn an sorr, rag an welesigeth yw a-dro dhe brys ordenys an diwedh.

Daniel 8:26

Gwelesigeth an gorthugher ha'n myttin, re beu leverys, yw an gwiryonedh; mes ty, gwra selya an welesigeth, rag yth yw a-dro dhe lies dydh alemma.’

Matthew 24:14

Ha'n aweyl ma a'n wlaskor a vydh pregewthys yn oll an bys yn dustuni dhe oll an kenedhlow, hag ena y teu an diwedh.

Romanyon 10:18

Mes my a lever, A wrussons i klewes? Gwrussons yn hwir! Rag ‘Dhe'n bys oll yth eth aga lev, ha'ga geryow dhe bennow an norvys.’

Diskwedhyans 10:4

Ha pan gewssa an seyth taran, my a vynnas skrifa: ha my a glewas lev a nev ow leverel dhymm, ‘Gwra selya yn-bann an taklow a leveris an seyth taran, ha na wra aga skrifa.’

Diskwedhyans 22:10

Hag ev a leveris dhymm, ‘Na wra selya yn-bann lavarow profoesans an rol ma: rag ogas yw an termyn.

Diskwedhyans 5:1

Ha my a welas y'n dhorn dhyghow a neb o esedhys war an tron, rol-skrifa, skrifys warnedhi a-ji ha war an keyn, selys gans seyth sel.