Daniel 12:10 - An Bibel Kernewek 20234 (Kernewek Kemmyn)

¹⁰ Lies a vydh purhes, ha kannyes, ha prevys, mes an debeles a bes ow kul drog. Nagonan a'n debeles ny gonvedh; mes an re fur a gonvedh.

Daniel 12:10 Iomraidhean Croise

Salmow 107:43

Piwpynag a vo fur, avisyes a'n taklow ma, ha prederens i a dregeredh an Arloedh.

Salmow 51:7

Purha vy gans hyssop ha glan vydhav; golgh vy, ha my a vydh gwynna es ergh.

Lavarow Koth 1:5

An den fur a woslow hag ynkressya yn dyskans, ha'n den a gonvedhes a gyv kevarwoedhyans;

Ysay 1:18

Dewgh, ha resnyn ni war-barth, yn-medh an Arloedh. Kyn fons agas peghosow kepar ha kogh, y fydhons mar wynn avel an ergh; kyn fons mar rudh avel purpur, y fydhons kepar ha gwlan.

Ezekiel 36:25

Skoellya a wrav warnowgh dowr glan, ha hwi a vydh glanhes dhiworth oll agas avlander, ha dhiworth oll agas idolys.

Ezekiel 47:11

Mes ny vydh yaghhes y wernow ha'y halow; i a vydh gesys rag hoelan,

Daniel 11:33

An re fur yn mysk an bobel a dhysk lies, mes i a goedh der an kledha, dre flammow, dre gethneth ha dre ravna, nebes dydhyow.

Daniel 11:35

Darn a'n re fur a drebuch, rag may fons prevys, purhes ha kannyes, bys yn prys an diwedh, rag hemm yw hwath rag an prysweyth ordenys.

Daniel 12:3

Ha'n re fur a wra splanna avel golowyjyon an fyrmament; ha'n re a dreyl lies dhe wiryonedh a vydh avel an ster bys vykken ha bynnari.

Hosea 14:9

Piw yw skentel? Re gonvettho an taklow ma. Piw yw doeth? Re's godhvo. Fordhow an Arloedh yw ewn, an re wiryon a gerdh ynna, mes drogoberoryon a drebuch ynna.

Zekaria 13:9

My a dhre an tressa rann dre'n tan, ha'ga furhe dell yw purhes an arghans, a'ga frevi dell yw prevys an owr. Ev a wra gelwel war ow hanow, ha my a worthyp dhodho; my a lever, ‘Ev yw ow fobel’, hag ev a lever, ‘An Arloedh yw ow Duw.’

Malaki 3:3

Ev a esedh dhe lanhe ha dhe burhe arghans; ev a wra glanhe mebyon Levi hag ev a's purha avel owr hag arghans, hag i a dhre dhe'n Arloedh offrynn yn ewnder.

Mark 4:11

Hag ev a leveris dhedha, ‘Dhywgh hwi yma grontys kevrin gwlaskor Duw, mes dhe'n re a-ves, pup-tra a dheu dre barabolennow,

Luk 24:25

Hag yn-medh ev dhedha, ‘A hwi dalsogh ha lent an golonn dhe grysi yn pup-tra a gewsis an brofoesi!

Yowann 18:37

Ena yn-medh Pilat dhodho, ‘Osta myghtern ytho?’ Yesu a worthybis, ‘Ty a lever, ow bos myghtern. Rakhenna y feuv vy genys, ha rakhenna y teuth vy y'n bys, may hallen dustunia a'n gwiryonedh. Peub neb yw a'n gwiryonedh a glew ow lev.’

Yowann 7:17

Mar mynn nebonan gul y volonjedh, ev a woer a-dro dhe'n dyskas, pyneyl y vos a Dhuw, po my dhe gewsel a'm awtorita ow honan.

Yowann 8:47

Ev neb yw a Dhuw a glew geryow Duw; rakhenna, hwi ny glewowgh, drefenn nag owgh hwi a Dhuw.’

1 Korinthianys 6:11

Hag yndella y fedha re ahanowgh hwi; mes golghys vewgh, sanshes vewgh, akwitys vewgh yn hanow an Arloedh Yesu Krist ha gans Spyrys agan Duw.

2 Korinthianys 7:1

Rakhenna a-ban eus dhyn an ambosow ma, karadowyon, gwren glanhe agan honan dhiworth pub defolans a gig hag a spyrys, ow kul dhe sansoleth bos perfydh y'n own a Dhuw.

Titus 2:14

neb a omros ragon ni may hwrella agan dasprena dhiworth pub ober dilagha ha glanhe ragdho pobel dh'y berghennogeth y honan, diwysyk yn gwriansow da.

Ebrowyon 12:10

Rag i a'gan kessydhyas rag nebes dydhyow herwydh aga bodh, mes ev a'gan kessydh dh'agan les may kevrennyn yn y sansoleth.

1 Peder 1:22

Wosa glanhe agas enev der wostytter dhe'n gwir, dhe gerensa broder heb fayntys, kerewgh an eyl y gila yn tiwysyk, yn-mes a golonn lan.

1 Peder 1:7

rag may fo kevys prov agas fydh, moy y bris es owr a yll pedri kyn fo prevys gans tan, dhe wormola ha gordhyans hag enor orth diskwedhyans Yesu Krist,

1 Yowann 5:20

Ha ni a woer re dheuth Mab Duw ha re ros dhyn konvedhes, dhe aswonn neb yw gwiryon; hag yth eson ynno ev yw gwiryon, yn y Vab Yesu Krist. Hemm yw an gwir Dhuw ha bewnans heb diwedh.

Diskwedhyans 16:11

Hag i a vlasfemyas Duw nev drefenn aga faynys ha'ga podredhes, ha ny gemmersons edrek a'ga gwriansow.

Diskwedhyans 19:14

Ha'n luyow esa yn nev a'n siwyas war vergh gwynn, gwiskys yn sendal, gwynn ha glan.

Diskwedhyans 19:8

Ha res veu dhedhi hi bos gwiskys yn sendal, splann ha pur’ – rag an sendal yw oberow gwiryon an syns.

Diskwedhyans 22:11

Neb yw kammhynsek, kammhynsek bedhes hwath: ha neb yw plos, plos bedhes hwath: ha neb yw ewn, ewn bedhes hwath: ha neb yw sans, sans bedhes hwath.’

Diskwedhyans 3:18

My a'th kusul a brena owr prevys y'n tan dhiworthiv may fi rych, ha dillas gwynn may fi gwiskys ha na omdhiskwettho an meth a'th noethedh, ha prena eli rag ura dha dhewlagas may hylli gweles.

1 Samuel 24:13

Kepar dell lever henlavar an dus koth, “Dhiworth tebelwesyon a dheuth yn-rag sherewynsi”; mes ny vydh ow leuv er dha bynn.