Daniel 11:6 - An Bibel Kernewek 20234 (Kernewek Kemmyn)

⁶ Dhe benn an blydhynyow i a wra keffrysyans, ha myrgh myghtern an dhyghowbarth a dheu bys yn myghtern an gledhbarth rag gul kres. Mes ny wra hi gwitha nerth hy bregh; ha ny wra ev na'y fleghes pesya; y'n termynyow na hi a vydh traytys, war-barth gans an re a's kyrghas, ha'y flogh, ha neb a's skoedhyas.

Daniel 11:6 Iomraidhean Croise

Job 38:15

Skonys yw an golow dhiworth an dhrogoberoryon, ha terrys yw aga bregh dhrehevys.

Salmow 10:5

Y fordhow a sewen pup-prys; yma dha vreusow a-vann, yn-mes a'y wel; ev a hwyth orth y eskerens oll.

Ezekiel 30:21

Mab den, my re dorras bregh Faro myghtern Ejyp, hag otta nyns yw kelmys rag yaghheans na nyns yw lystennys dh'y gelmi may fo krev lowr dhe synsi kledha.

Daniel 11:13

Rag myghtern an gledhbarth a dhehwel, ha kuntell ost brassa ages an kynsa; orth diwedh nebes blydhynyow y teu gans lu bras ha daffar pals.

Daniel 11:15

Ena myghtern an gledhbarth a dheu, ha krugya gweyth-esedhva, ha kemmeres sita krev hy fosow. Ny wra breghow an gledhbarth perthi, na'y soudoryon dhewisys, rag ny vydh dhedha nerth dhe sevel er y bynn.

Daniel 11:40

‘Orth prys an diwedh, y hwra myghtern an dhyghowbarth omsett er y bynn; mes myghtern an gledhbarth a dheu er y bynn avel korwyns, gans charettow, ha gans marghogyon, ha gans lies gorhel. Ev a enter yn tiryow, ha tremena avel liv.

Daniel 11:7

Ena skorrenn a'y gwreydhyow hi a sev yn y le ev; ev a dheu erbynn an lu hag entra ker myghtern an gledhbarth, ha strivya er aga fynn, ha tryghi.

Zekaria 11:16

Awotta my a wra drehevel bugel y'n tir na wra vri a'n re usi ow mos dhe goll, na hwilas an yowynk, na sawya an shyndys; ny sosten an gwann, mes ev a dheber kig an tew, ow tenna hwath aga harnow dhe-ves.