Daniel 11:40 - An Bibel Kernewek 20234 (Kernewek Kemmyn)

⁴⁰ ‘Orth prys an diwedh, y hwra myghtern an dhyghowbarth omsett er y bynn; mes myghtern an gledhbarth a dheu er y bynn avel korwyns, gans charettow, ha gans marghogyon, ha gans lies gorhel. Ev a enter yn tiryow, ha tremena avel liv.

Daniel 11:40 Iomraidhean Croise

Ysay 21:1

Profoesans a-dro dhe wylvos an mor. Kepar dell dremen hwaffys awelyow y'n Negeb, ev a dheu dhiworth an gwylvos, dhiworth tir euthyk.

Ysay 5:28

Y sethow yw lymmys hag oll y waregow yw plegys; karnow y vergh yw reknys avel kellester, ha'y rosow avel an korwyns.

Ysay 66:15

Rag otta, an Arloedh a dheu gans tan, ha'y jarettow avel korwyns, dhe attyli y sorr gans konnar, ha'y geredh gans flammow tan.

Yeremia 4:13

Otta, ev a yskynn avel kommol, ha'y jarettow a vydh avel korwyns: y vergh yw uskissa ages eryon. Go-ni! rag diswrys on ni.

Ezekiel 38:4

My a'th treyl a-dro ha gorra higow y'th tiwen, ha'th tri yn-mes gans oll dha lu, mergh ha marghogyon, i oll gwiskys yn arvwisk leun, kowethas bras, i oll gans boklers ha skoesow, i oll ow synsi kledhedhyow.

Ezekiel 38:9

Ty a yskynn, ow tos yn-rag avel annawel, kepar ha kommolenn ow kudha an tir, ty ha'th luyow, ha genes poblow pals.

Daniel 11:10

‘Y vebyon a ombareus rag kas ha kuntell routh a luyow meur, neb a wra entra, fenna ha treusi, ha gwerrya bys yn y ger.

Daniel 11:11

Ena myghtern an dhyghowbarth a vydh serrys fest, dos yn-mes ha batalyas orto, orth myghtern an gledhbarth, neb a guntell ost bras, mes an ost na a vydh gorrys yn y dhorn.

Daniel 11:13

Rag myghtern an gledhbarth a dhehwel, ha kuntell ost brassa ages an kynsa; orth diwedh nebes blydhynyow y teu gans lu bras ha daffar pals.

Daniel 11:22

Luyow a vydh skubys dhe-ves a-ragdho gans liv, hag a vydh terrys, ha hembrenkyas an kevambos keffrys.

Daniel 11:25

Ev a dhifun y nerth ha'y golonnekter erbynn myghtern an dhyghowbarth gans lu bras; ha myghtern an dhyghowbarth a ombareus rag kas gans lu bras ha galloesek dres eghenn; mes ny wra sevel, rag i a wra brasow er y bynn.

Daniel 11:35

Darn a'n re fur a drebuch, rag may fons prevys, purhes ha kannyes, bys yn prys an diwedh, rag hemm yw hwath rag an prysweyth ordenys.

Daniel 11:39

Ev a omsett erbynn keryow krev gans gweres duw estren, ha neb a wra y aswonn ev a veurha gans enor, ha'ga gul dhe vos rewloryon war lies; ha kevrenna an tir avel gober.

Daniel 11:7

Ena skorrenn a'y gwreydhyow hi a sev yn y le ev; ev a dheu erbynn an lu hag entra ker myghtern an gledhbarth, ha strivya er aga fynn, ha tryghi.

Daniel 12:4

Mes ty, A Daniel, kudh an geryow, ha sel an lyver bys prys an diwedh. Lies a boen a-derdro, dhe ynkressya godhvos.’

Daniel 12:9

Hag ev a leveris, ‘Ke, Daniel, rag y fydh an taklow ma gwithys yn-dann gel ha selys bys prys an diwedh.

Daniel 8:17

Ytho y teuth ogas dhe'm savla, ha pan dheuth, my a gemmeras own ha koedha war ow fas. Mes y leveris dhymm, ‘Konvedh, A vab-den, bos an welesigeth rag termyn an diwedh.’

Habakkuk 3:14

Gans y shaftys y honan ty a wanas pennow y gasoryon; i a dheuth avel korwyns dh'agan skattra; I a lowenhas kepar hag ow lenki an den truan yn-dann gel.

Zekaria 9:14

Ena an Arloedh a omdhiskwedh a-ughta; y seth a yn-mes avel lughes. An Arloedh Duw a hwyth an hirgorn, ha mos yn-rag yn korwynsow an dyghow,

Diskwedhyans 16:12

Ha'n hweghves a skoellyas y fiol war an avon vras Ewfrates; ha'y dowr a veu syghys may halla bos pareusys fordh an vyghternedh dhiworth an howldrevel.

Diskwedhyans 9:16

Ha'n niver a'n lu a varghogyon o dew kans milvil, ha my a glewas an niver anedha.