Daniel 11:37 - An Bibel Kernewek 20234 (Kernewek Kemmyn)

³⁷ Ny wra vri orth duwow y dasow, na hwath orth an duw kerys gans benynes, nag orth duw arall vytholl, rag a-ughta i oll ev a omvoghha.

Daniel 11:37 Iomraidhean Croise

Jenesis 3:16

Dhe'n venyn ev a leveris, ‘My a gress dha bayn yn feur ha ty gans flogh; yn payn y fydhydh ow tineythi fleghes, mes dha dhesir a vydh troha dha wour, hag ev a wra dha rewlya.’

Jenesis 3:5

rag Duw a woer, y'n jydh may typprowgh anodho, agas dewlagas a vydh igerys, ha hwi a vydh kepar ha duwow, ow kodhvos da ha drog.’

An Gan a Ganow 7:10

My yw dhe'm karadow, ha warnav yw y dhesir.

Ysay 14:13

Ty a leveris y'th kolonn, ‘My a yskynn dhe nev; my a dhrehav ow thron a-ugh ster Duw; esedhys vydhav war venydh an kuntelles, yn pella rannow an gogledh;

Ysay 14:14

my a yskynn a-ugh keyn an kommol; my a vydh kepar ha'n Ughella.’

Ezekiel 24:16

Mab den, awottavy ow kemmeres dhiworthis desir dha dhewlagas gans strekys; ny gynydh, na ny oelydh, na ny vydh dhis dagrow.

Ezekiel 28:2

Mab den, lavar dhe bennsevik Tyr, Yndellma y lever an Arloedh Duw: Drefenn goeth dha golonn, ty a lever, ‘My yw duw, owth esedha war dron duwow yn kolonn an moryow.’ Mes den osta a-der duw, kyn settydh dha golonn avel kolonn duw.

Daniel 11:36

‘Ha'n myghtern a wra herwydh y vodh; ev a omughelha hag omvostya a-ugh pub duw, ha leverel taklow euthyk erbynn Duw an duwow. Ev a sewen bys may fydh kowlwrys an sorr, rag an pyth apoyntys a vydh gwrys.

Daniel 11:38

Yn le an re ma, ev a enor duw an keryow; duw na vedha aswonnys gans y dasow a wra ev enora gans owr hag arghans, gans meyn drudh ha rohow kostek.

Daniel 8:11

Ev a vostyas erbynn pryns an lu, ha dhiworto y feu kemmerys dhe-ves an offrynn pub-dydhyek, hag y feu domhwelys y dyller sans.

Dewteronomi 21:11

ha ty a wel yn mysk an gethyon benyn teg hy semlans, ha ty a wra hy hara ha'y hemmeres avel dha wreg,

Dewteronomi 5:21

Na hwans benyn dha gentrevek. Na yeun chi dha gentrevek, na'y wel, na'y was, na'y vaghteth, na'y ojyon, na'y asen, na travyth eus dhe'th kentrevek.

2 Thessalonianys 2:4

neb a omsett hag omdhrehevel a-ugh pup-tra yw henwys Duw, po yw gordhys, mayth esedh yn tempel Duw, ow teklarya ev y honan dhe vos Duw.

1 Timothi 4:3

I a dhifenn demmedhyans hag a worhemmynn omwitha rag boes a veu gwrys gans Duw dhe ranna gans grasyans yntra kryjygyon, ha'n re re wodhva an gwir