Daniel 11:36 - An Bibel Kernewek 20234 (Kernewek Kemmyn)

³⁶ ‘Ha'n myghtern a wra herwydh y vodh; ev a omughelha hag omvostya a-ugh pub duw, ha leverel taklow euthyk erbynn Duw an duwow. Ev a sewen bys may fydh kowlwrys an sorr, rag an pyth apoyntys a vydh gwrys.

Daniel 11:36 Iomraidhean Croise

Salmow 136:2

Grassewgh dhe Dhuw an duwow, rag y dregeredh a dhur bys vykken.

Salmow 33:10

An Arloedh a dhiswra kusul an kenedhlow; ev a dhiswra towlow an poblow.

Lavarow Koth 19:21

Lies yw an towlow a-ji dhe golonn gour, mes porpos an Arloedh, henna a sev.

Ysay 10:23

Rag an Arloedh, Duw an luyow, a wra distruyans leun, dell veu ordenys, yn kres oll an tir.

Ysay 10:25

Yn pols pur vyghan sorrvann er agas pynn a worfenn, ha'm sorr a dreyl dh'aga distruyans i.

Ysay 10:5

Ogh, Assyria, gwelenn ow sorr! an fust yn aga leuv yw ow honnar.

Ysay 14:13

Ty a leveris y'th kolonn, ‘My a yskynn dhe nev; my a dhrehav ow thron a-ugh ster Duw; esedhys vydhav war venydh an kuntelles, yn pella rannow an gogledh;

Ysay 14:14

my a yskynn a-ugh keyn an kommol; my a vydh kepar ha'n Ughella.’

Ysay 26:20

Ke ow fobel, enter dhe'th chambour ha dege dha dharas a-dryv dhis; omgudh prysweyth bys pan dremen sorrvann.

Ysay 30:33

Rag Tofeth re beu ordenys a hirneth, ynwedh parys yw rag an myghtern. Re beu gwrys down ha ledan, gans tan ha palster a brenn. Anall an Arloedh avel gover a loskven a wra y enowi.

Ysay 46:10

ow tarleverel an diwedh a-dhia'n dalleth, hag a-dhia dermynyow koth taklow na veu hwarvedhys hwath, ow leverel, ‘Ow forpos a sev, ha my a wra oll ow bodh’,

Ysay 57:9

Ty a vyajyas dhe Molek gans oyl hag ynkressya dha velysethow. Ty a dhannvonas dha gannasow pell ha dannvon yn-nans bys yn ifarn.

Ezekiel 28:2

Mab den, lavar dhe bennsevik Tyr, Yndellma y lever an Arloedh Duw: Drefenn goeth dha golonn, ty a lever, ‘My yw duw, owth esedha war dron duwow yn kolonn an moryow.’ Mes den osta a-der duw, kyn settydh dha golonn avel kolonn duw.

Ezekiel 35:13

Hwi a vostyas er ow fynn gans agas ganow, ha kressya agas geryow er ow fynn; my a'n glewas.

Daniel 11:16

Neb a dheu er y bynn a wra herwydh y vodh, ha den ny yll sevel a-ragdho; ev a sev y'n tir splann, gans distruyans yn y dhorn.

Daniel 11:3

Ena myghtern galloesek a sev, neb a wra rewlya gans galloes meur, ow kul herwydh y vodh.

Daniel 11:37

Ny wra vri orth duwow y dasow, na hwath orth an duw kerys gans benynes, nag orth duw arall vytholl, rag a-ughta i oll ev a omvoghha.

Daniel 12:7

Hag y klewis an gour gwiskys yn lien esa a-ugh dowrow an avon; ev a dhrehevis y dhorn dhyghow ha'y dhorn gledh war-tu ha'n nevow, hag ev a dos ti re Dhuw a vew bys vykken: ‘Wosa oes, dew oes ha hanter oes, pan vydh kowlwrys shyndyans nerth an bobel sans, oll an taklow ma a vydh kewerys.’

Daniel 2:47

Yn-medh an myghtern dhe Daniel, ‘Yn hwir yth yw dha Dhuw Duw a dhuwow, hag Arloedh a vyghternedh, ha diskudher a gevrinyow, rag ty re allas diskudha an kevrin ma.’

Daniel 4:35

ha pub annedhyas a'n norvys yw reknys avel mann; kepar dell vynno y hwra yn mysk lu an nev, hag yn mysk annedhysi an norvys; ny yll denvyth lettya y dhorn na leverel dhodho, ‘Pandr'a wredh?’

Daniel 5:19

ha drefenn an meuredh na hag a veu res dhodho, oll an poblow, kenedhlow ha tavosow a grena ha kavoes own a-ragdho. Neb a vynna, ev a ladha; ha neb a vynna, ev a synsi yn few; neb a vynna, ev a ughelhi; ha neb a vynna, ev a iselhi.

Daniel 5:20

Mes pan veu ughelhes y golonn ha kaleshes y spyrys, may tyghtyas gans goeth, y feu tennys a'y dron ryel, ha'y enor a veu degemmerys dhiworto.

Daniel 7:8

Ha my ow prederi a-dro dhe'n kern, otta, y sevis yn aga mysk onan moy, onan byghan, ha tri a'n kern kynsa a veu diwreydhys a-ragdho; hag otta, y'n korn ma lagasow avel lagasow tus, ha ganow ow leverel taklow meur.

Daniel 8:19

Yn-medh ev, ‘Otta, my a dheriv dhis an pyth a hwyrvydh troha diwedh termyn an sorr, rag an welesigeth yw a-dro dhe brys ordenys an diwedh.

Daniel 8:4

My a welas an hordh ow kornya war-tu ha'n howlsedhes, an gledhbarth, ha'n dhyghowbarth; ny ylli best vyth sevel er y bynn, ha nyns esa denvyth a ylli delivra a'y dhorn; ev a wre dell vynna hag omvoghhe.

Zekaria 11:16

Awotta my a wra drehevel bugel y'n tir na wra vri a'n re usi ow mos dhe goll, na hwilas an yowynk, na sawya an shyndys; ny sosten an gwann, mes ev a dheber kig an tew, ow tenna hwath aga harnow dhe-ves.

Yowann 5:30

‘Ny allav vy ow honan gul travyth; kepar dell glewav y hwrav vy breusi, ha'm breus yw ewn, rag ny hwilav ow bolonjedh ow honan, mes bolonjedh ev neb a'm dannvonas.

Yowann 6:38

Rag nyns ov vy devedhys yn-nans dhiworth nev dhe wul ow bolonjedh ow honan, marnas bolonjedh neb a'm dannvonas.

Oberow 4:28

rag gul an pyth a ragdhestnas dha leuv ha'th towl may fe gwrys.

Dewteronomi 10:17

Rag an Arloedh agas Duw yw Duw a'n duwow hag Arloedh a'n arlydhi, an Duw bras ha krev hag euthyk, nag eus dhodho faverans, ha na gemmer falswober;

2 Thessalonianys 2:3

Na wres denvyth agas toella yn fordh vytholl; rag ny yll an jydh na dos mar ny dheu an nagh kyns oll, ha'n den dilagha yw diskwedhys, mab an diswrians,

2 Thessalonianys 2:4

neb a omsett hag omdhrehevel a-ugh pup-tra yw henwys Duw, po yw gordhys, mayth esedh yn tempel Duw, ow teklarya ev y honan dhe vos Duw.

2 Thessalonianys 2:8

Hag ena an den dilagha a vydh diskudhys, neb a wra an Arloedh Yesu y dhistrui gans anall y anow, ha'y dhiswul dre diskwedhyans y dhevedhyans,

Yoshua 22:22

‘An Galloesek, Duw, an Arloedh, Duw an duwow! An Arloedh, ev a woer; ha re wodhvo Ysrael y honan! Mar pe hemma yn rebellyans po yn dislelder erbynn an Arloedh, na'n sparyewgh ni y'n jydh ma.

Diskwedhyans 10:7

mes yn dydhyow lev an seythves el, pan ombareus dhe hwytha an hirgorn, kevrin Duw a vydh kowlwrys kepar dell dherivas ev dh'y wesyon an brofoesi.’

Diskwedhyans 12:14

Ha dhe'n venyn y feu res diwaskell an er bras may halla nija a-bervedh y'n gwylvos, bys yn hy thyller mayth yw megys ena termyn ha termynyow ha hanter termyn, dhiworth fas an sarf.

Diskwedhyans 13:1

Ha my a welas best ow trehevel yn-mes a'n mor, ha ganso deg korn ha seyth penn ha deg diadem war y gern, ha hanow blasfemi war y bennow.

Diskwedhyans 17:17

Rag Duw re worras yn aga holonn kollenwel bodh y vrys, ha bos unnverhes, ha ri aga gwlaskor dhe'n best erna vo kowlwrys geryow Duw.

Diskwedhyans 17:3

Hag ev a'm dug a-bervedh yn difeyth y'n spyrys, ha my a welas benyn esedhys war best rudh, leun a henwyn blasfemus, gans seyth penn ha deg korn.