Daniel 11:32 - An Bibel Kernewek 20234 (Kernewek Kemmyn)

³² Ha'n re a gammdremen erbynn an kevambos, ev a wra aga flattra yn fekyl; mes an bobel a aswonn aga Duw a vydh krev ha gul gweyth.

Daniel 11:32 Iomraidhean Croise

1 Kroniklys 28:9

‘Ha ty, Solomon ow mab, aswonn Duw dha das, ha'y servya a leun golonn ha gans brys bolonjedhek; rag an Arloedh a hwither oll kolonnow, hag ev a gonvedh pub towl ha pub preder. Mara'n hwilydh, ev a vydh kevys genes; mes mara'n eskasydh, ev a'th tenagh bys vykken.

Nehemia 4:14

Ha my a viras ha sevel ha leverel dhe'n ugheloryon, ha dhe'n soedhogyon ha dhe remenant an bobel, ‘Na berthewgh own anedha. Perthewgh kov a'n Arloedh yw meur hag euthyk, hag omledhewgh rag agas breder, agas mebyon, agas myrghes, agas gwragedh ha'gas chiow.’

Salmow 9:10

Ha'n re a aswonn dha hanow a drest ynnos, rag ty, A Arloedh, ny forsaksys seul a'th hwila.

Lavarow Koth 19:5

Nyns a fals dhustunier heb kessydhyans, ha ny dhienk gowleveryas.

Lavarow Koth 26:28

Taves gowek a gas an re a wra aga arvedh, ha ganow fekyl a dhre terroes.

Yeremia 31:34

Ha ny dhyskons namoy pub gour y gentrevek, ha pub gour y vroder, ow leverel, ‘Godhvydhewgh an Arloedh’, rag i oll a'm aswonn a'n lyha dhe'n moyha, yn-medh an Arloedh; rag my a av aga anewnder, ha ny borthav kov a'ga fegh namoy.

Daniel 11:21

Yn y le y hwra sevel onan dispresadow, ma nag yw res dhodho meuredh ryel; ev a dheu yn termyn a gres, ha gwaynya an ruvaneth dre doell.

Daniel 11:34

Pan goedhons, y's tevydh nebes sokor, ha lies a wra junya gansa dre flattra.

Zekaria 10:12

My a wra aga nertha y'n Arloedh, hag yn y hanow ev i a gerdh a-dro, yn-medh an Arloedh.

Malaki 4:2

An howl a ewnder a wra drehevel gans yeghes yn y eskelli ragowgh hwi neb a berth own a'm hanow. Ha hwi a wra mos yn-mes ha terlemmel avel leughi peskys livrys a'n stall.

Yowann 17:3

Ha hemm yw bewnans heb diwedh: ma'th aswonnons ty, an unn gwir Dhuw, ha Yesu Krist neb re dhannvensys.

1 Yowann 5:20

Ha ni a woer re dheuth Mab Duw ha re ros dhyn konvedhes, dhe aswonn neb yw gwiryon; hag yth eson ynno ev yw gwiryon, yn y Vab Yesu Krist. Hemm yw an gwir Dhuw ha bewnans heb diwedh.

Diskwedhyans 6:11

Ha pows wynn a veu res dhe bubonan anedha, hag y feu leverys dhedha i dhe bowes a dermyn berr moy, bys may fe kowlwrys ynwedh niver aga heswesyon ha'ga breder a vedha ledhys kepar dell vons i ledhys kekeffrys.