Daniel 11:31 - An Bibel Kernewek 20234 (Kernewek Kemmyn)

³¹ Luyow dannvenys ganso a wra defola an tempel ha'n ger, defendya dhe-ves an offrynn pub-dydhyek hag yn y le gorra pyth kasadow an difeythter.

Daniel 11:31 Iomraidhean Croise

Yeremia 19:4

Drefenn i dhe'm forsakya, ha defola an tyller ma, ha leski offrynnow ynno dhe dhuwow erell, na aswonnsons i na aga thasow, na myghternedh Yuda, ha lenwel an tyller ma a woes tus wiryon.

Yeremia 7:30

Rag mebyon Yuda re wrug drogedh y'm golok, yn-medh an Arloedh; i re settyas aga thaklow kasadow y'n chi may feu ow hanow gelwys warnodho, dh'y dhefola.

Kynvannow 1:10

An eskar re ystynnas y dhorn war oll hy fythow drudh; rag hi re welas an kenedhlow dhe entra yn hy thyller sans, an re a dhifennsys jy orta mayth entrons y'th kuntelles.

Kynvannow 2:7

An Arloedh re skonyas y alter, ha nagha y sentri; ev re ros yn leuv an eskar fosow hy lysyow; i a dhrehevis tros yn chi an Arloedh kepar dell ve yn dy'goel.

Ezekiel 9:7

Ena yn-medh ev dhedha, ‘Defolewgh an chi ha lenwewgh an klosyow a'n re ledhys. Kewgh!’ Ytho i eth dhe-ves ha gweskel y'n sita.

Daniel 12:11

A-dhia'n prys may fydh kemmerys dhe-ves an offrynn pub-dydhyek, bys yn devedhyans pyth kasadow an difeythter, y fydh dewdhek kans deg dydh ha peswar-ugens.

Daniel 8:24

Y alloes a wra krevhe, mes ny vydh der y nerth y honan. Marthys y hwra ev distrui, ha seweni yn pypynag a wrello. Ev a wra distrui an re grev ha pobel an syns.

Daniel 8:26

Gwelesigeth an gorthugher ha'n myttin, re beu leverys, yw an gwiryonedh; mes ty, gwra selya an welesigeth, rag yth yw a-dro dhe lies dydh alemma.’

Daniel 9:27

Ha fastya ambos a wra ev gans lies der unn seythun; mes yn kres an seythun na y hwra ev dhe sakrifis hag offrynn hedhi; hag y'n tempel y fydh pyth kasadow an difeythter bys may fo an diwedh ordenys diverys war an distruer.’

Hosea 3:4

Rag mebyon Ysrael a wra triga meur a dhydhyow heb myghtern, ha heb penntern, ha heb sakrifis, ha heb peulven, ha heb efod na terafim.

Matthew 24:15

‘Pan welowgh ytho pyth kasadow an difeythter menegys gans Daniel an profoes ow sevel y'n tyller sans (gwres an redyer konvedhes),

Mark 13:14

‘Mes pan welowgh pyth kasadow an difeythter ow sevel le na dhegoedh dhodho (gwres an redyer konvedhes), ena fies dhe'n menydhyow an re usi yn Yudi;

Luk 21:20

‘Mes pan welowgh Yerusalem settys a-dro gans luyow, ena hwi a woer hi dhe vos difeythys yn skon.

Diskwedhyans 17:12

Ha'n deg korn a welsys yw deg myghtern na dhegemmeras gwlaskor bys lemmyn mes i a dhegemmer galloes avel myghternedh rag unn our gans an best.