Daniel 11:15 - An Bibel Kernewek 20234 (Kernewek Kemmyn)

¹⁵ Ena myghtern an gledhbarth a dheu, ha krugya gweyth-esedhva, ha kemmeres sita krev hy fosow. Ny wra breghow an gledhbarth perthi, na'y soudoryon dhewisys, rag ny vydh dhedha nerth dhe sevel er y bynn.

Daniel 11:15 Iomraidhean Croise

Yeremia 33:4

Rag yndellma y lever an Arloedh, Duw Ysrael, a-dro dhe jiow an sita ma hag a-dro dhe jiow myghternedh Yuda a veu terrys dhe omwitha saw drefenn an gweythyow-esedhva, hag drefenn an kledha:

Yeremia 5:10

Kewgh yn-bann dre rewyow hy gwinbrennyer, ha distrui; mes na wra diwedh leun: tennewgh dhe-ves hy barrennow: rag nyns yns i dhe'n Arloedh.

Yeremia 52:4

Hag yn nawves blydhen y reyn, y'n degves mis, yn degves dydh an mis, Nebukadnessar myghtern Babylon a dheuth gans oll y lu erbynn Yerusalem, hag i a gampyas a-dro dhedhi; i a dhrehevis touryow-esedhva er y bynn oll a-dro.

Yeremia 6:6

Rag yndella re gewsis Arloedh an luyow: Terrewgh hy gwydh, ha krugyewgh gweyth-esedhva erbynn Yerusalem: Ogh, sita a falsuri! nyns eus marnas arwask ynni.

Ezekiel 17:17

Ny vydh Faro gweres dhodho yn bresel, gans y lu bras hag ost meur, pan vydh gweythyow-esedhva krugys, ha pan vydh touryow-esedhva drehevys dhe dreghi dhe-ves lies enev.

Ezekiel 4:2

Ena gwra esedhva er hy fynn, ha drehevel tommenn er hy fynn, ha krugya gweyth-esedhva er hy fynn, ha settya kampow er hy fynn, ha gorra er hy fynn hor'bennow a-derdro.

Daniel 11:14

‘Y'n termynyow na y hwra lies sevel erbynn myghtern an dhyghowbarth, ha'n dus dhilagha yn mysk dha bobel a sev rag kewera an welesigeth; mes fyllel a wrons.

Daniel 11:6

Dhe benn an blydhynyow i a wra keffrysyans, ha myrgh myghtern an dhyghowbarth a dheu bys yn myghtern an gledhbarth rag gul kres. Mes ny wra hi gwitha nerth hy bregh; ha ny wra ev na'y fleghes pesya; y'n termynyow na hi a vydh traytys, war-barth gans an re a's kyrghas, ha'y flogh, ha neb a's skoedhyas.

Daniel 8:7

My a'n gwelas ow nesa dhe'n hordh, hag ev a sorras orto, ha gweskel an hordh ha terri y dhewgorn. Ha'n hordh ny'n jevo nerth dhe sevel er y bynn; yndella ev a'n tewlis dhe'n dor ha stankya warnodho; nyns esa denvyth a ylli delivra an hordh a'y nerth.

Yoshua 1:5

Ny sev gour vyth er dha bynn oll dydhyow dha vewnans. Kepar dell en vy gans Moyses, my a vydh genes jy; ny wrav dha eskasa na'th forsakya.